ମୋଟର ଯାନ ଆଇନ କୋହଳ କରିବାକୁ କେନ୍ଦ୍ରକୁ ଚିଠି ଲେଖିବୁ: ମନ୍ତ୍ରୀ

ଭୁବନେଶ୍ୱର ୯/୯ : ନୂଆ ମୋଟର ଯାନ ଆଇନକୁ ନେଇ ଆଜି ପୁଣି ତୁଣ୍ଡ ଖୋଲିଛନ୍ତି ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା । ମନ୍ତ୍ରୀ କହିଛନ୍ତି, ଏ ଆଇନର ମୂଳ ଉଦ୍ଦେଶ୍ୟ ହେଉଛି ସାଧାରଣ ଲୋକଙ୍କ ଜୀବନର ସୁରକ୍ଷା । ମାତ୍ର ସ୍ଥଳ ବିଶେଷରେ ଜରିମାନା ଅଧିକ ହୋଇଯାଉଛି ବୋଲି ଲୋକ ଅଭିଯୋଗ କରୁଛନ୍ତି । ରାଜ୍ୟର ମଧ୍ୟ କିଛି ନିଜସ୍ୱ କ୍ଷମତା ଅଛି । ଆଇନକୁ କିଛି କୋହଳ କରିବାକୁ ଆମେ ବିଚାର କରୁଛୁ । ଏପରିକି ଏ ନେଇ କେନ୍ଦ୍ରକୁ ସରକାର ଚିଠି ମଧ୍ୟ ଲେଖିବେ । ତେବେ ଜନସାଧାରଣ ଆଇନକୁ କାର୍ଯ୍ୟକାରୀ କରିବାକୁ ସହଯୋଗ କରନ୍ତୁ ବୋଲି ମନ୍ତ୍ରୀ ଅନୁରୋଧ କରିଛନ୍ତି ।

ଉଲ୍ଲେଖଯୋଗ୍ୟ, ରାଜ୍ୟରେ ସେପଟେମ୍ବର ପହିଲାରୁ ନୂଆ ଆଇନ ଲାଗୁ ହେବା ପରେ ଏହାକୁ ନେଇ ସମଗ୍ର ରାଜ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଲୋକଙ୍କ ଅସନ୍ତୋଷକୁ ଦେଖି ପ୍ରାଥମିକ ପର୍ଯ୍ୟାୟରେ ପ୍ରଦୂଷଣ ସାର୍ଟିଫିକେଟ ଏବେ ଯାଞ୍ଚ କରାଯିବ ନାହିଁ ବୋଲି ମନ୍ତ୍ରୀ ସ୍ପଷ୍ଟ କରିଥିଲେ ।

   ସମ୍ବନ୍ଧିତ ଖବର


ରାଜ୍ୟରେ ପୁଣି ୧୪ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୨୫୯ କୁ ବୃଦ୍ଧି

ପୁଣି ଚିହ୍ନଟ ହେଲେ ୧୪୮୦ ନୂଆ ଆକ୍ରାନ୍ତ: ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୮୨ ହଜାର ଡେଇଁଲା

ବାଇକ୍ ଆ​ରୋହୀ ଉପରେ ଚଢ଼ିଗଲା ୧୮ ଚକିଆ ଟ୍ରକ, ଯୁବକ ମୃତ

୨୪ ଘଣ୍ଟା ଭିତରେ ଓଡିଶାରୁ ଫେରିଯିବ ମୌସୁମୀ: ରାଜ୍ୟରେ କାଁ ଭାଁ ବର୍ଷା ସମ୍ଭାବନା

ଚୋରା ଦେଶୀ ଓ ବିଦେଶୀ ମଦ ଜବତ, ଦୁଇ ଗିରଫ

ସୁନା ବନ୍ଧକ ନାଁରେ ଠକେଇ: ୨ ସୁନା ଦୋକାନୀ ଓ ଜଣେ ଠକ ଗିରଫ