PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି ଜିଲ୍ଲାପାଳଙ୍କ ନାମରେ ଟେଣ୍ଡର ଫିକସିଙ୍ଗ ଓ ଗ୍ରାନାଇଟ ପଥର ଖଣିଲିଜରେ ଦୁର୍ନୀତିର ଅଭିଯୋଗ ଆଣିଲେ ପୁର୍ବତନ ସାଂସଦ ତଥା ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ
  • ||
  • କଟକ: ଦୁଷ୍କର୍ମ ମାମଲ, ୧୪ ବର୍ଷ ପରେ ଆଜୀବନ କାରାଦଣ୍ଡ ଆସାମୀ ନିର୍ଦୋଷରେ ଖଲାସ
  • ||
  • ବଲାଙ୍ଗୀର: ମୂଲ୍ୟବାନ ଖଇର ଗଣ୍ଡି ଓ ଗାଡି ଜବତ କଲା ବନ ବିଭାଗ, ଡ୍ରାଇଭର ଫେରାର
  • ||
  • କୋରାପୁଟ: ବାଇକ୍ ଚୋର ଗ୍ୟାଙ୍ଗକୁ ଧରିବା ସଫଳ ହେଲା କୋରାପୁଟ ଟାଉନ ଥାନା ପୋଲିସ, ୧୫ ବାଇକ୍‌ ଉଦ୍ଧାର, ୩ ଚୋର ଗିରଫ
  • ||
  • ଜଗତସିଂହପୁର: ଅଲିପିଙ୍ଗଳ ବାଲିଘାଟରେ ପୁଣି ଚଢ଼ଉ କଲେ ତହସିଲଦାର , ୭ରୁ ଅଧିକ ହାଇଓ୍ବା ଜବତ, ମାଲିକ ମହଲରୁ ତେଜୁଛି ଅସନ୍ତୋଷ
  • ||
  • ଭୁବନେଶ୍ୱର : ଓଡ଼ିଶାରେ ଚିନ୍ତା ବଢ଼ାଉଛି ମୃତ୍ୟୁ ସଂଖ୍ୟା, ୨୪ ଘଣ୍ଟାରେ ଆଉ ୩୮ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୨୯୫୭ କରୋନା ପଜିଟିଭ୍
  • ||
  • ପୁରୀ : ସ୍ନାନ ପୂର୍ଣ୍ଣିମା ପାଇଁ ପୁରୀରେ ୧୪୪ ଧାରା, ୨୩ ତାରିଖ ରାତି ୧୦ଟାରୁ ୨୫ ତାରିଖ ଭୋର ୨ଟା ଯାଏଁ କଟକଣା
  • ||
  • ପୁରୀ : ଏବର୍ଷ ୩ ଦିନ ନବଯୌବନ ଦର୍ଶନ, ଆଜି ଶ୍ରୀମନ୍ଦିରରେ ଦଇତାପତି ସେବାୟତଙ୍କ ପ୍ରବେଶ, ୨୩ରେ ସେନାପଟା ଲାଗି ନୀତି
  • ||
  • ଭୁବନେଶ୍ୱର : ଓଡ଼ିଶାର ୭ ଜିଲ୍ଲାରେ ନିଅଣ୍ଟିଆ ବର୍ଷା, ଆଜି ୧୨ ଜିଲ୍ଲାରେ ଘଡ଼ଘଡ଼ି ସହ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||

ଆରବିଆଇର ରେପୋ ରେଟରେ ୦.୨୫% ହ୍ରାସ, ଶସ୍ତା ହେବ ଏବେ ଇଏମ୍ଆଇ

ନୂଆଦିଲ୍ଲୀ,୪।୪:ନୂତନ ଆର୍ଥିକ ବର୍ଷରେ ଭାରତୀୟ ରିଜର୍ଭ ବ୍ୟାଙ୍କ ପ୍ରଥମ ମୁଦ୍ରା ନୀତି ସମୀକ୍ଷା ବୈଠକରେ ସାଧାରଣ ଲୋକଙ୍କୁ ଆଶ୍ବସ୍ତି ମିଳିଛି। କେନ୍ଦ୍ର ବ୍ୟାଙ୍କ ପକ୍ଷରୁ ରେପୋ ରେଟରେ ୨୫ ବେସିସ୍ ପଏଣ୍ଟ ହ୍ରାସ ଯାଇଛି। ଏହା ସହ ଏବେ ରେପୋ ରେଟ୍ ୬.୨୫%ରୁ ହ୍ରାସ ପାଇ ୬% ହୋଇଯାଇଛି। ରିଜର୍ଭ ବ୍ୟାଙ୍କ ସହିତ ୨୦୧୯-୨୦ ପାଇଁ ଜିଡିପି ଅନୁମାନକୁ ୦.୨ ପ୍ରତିଶତ ହ୍ରାସ କରିଦିଆଯାଇଛି। ଯାହାଫଳରେ ଘର ଋଣ ଏବଂ କାର ଋଣ ନେଇଥିବା ଲୋକଙ୍କର ଇଏମ୍ଆଇ ଶସ୍ତା ହେବ ବୋଲି ଜଣାପଡିଛି।

source: https://www.livemint.com

କେନ୍ଦ୍ରୀୟ ବ୍ୟାଙ୍କ ଫେବୃଆରୀରେ ୧୮ ମାସର ବ୍ୟବଧାନ ପରେ ରେପୋ ରେଟରେ ୦.୨୫ ବେସିସ୍ ପଏଣ୍ଟ ହ୍ରାସ କରିଥିଲା। ଲଗାତାର ଦ୍ବିତୀୟ ଥର ସୁଧ ଦରରେ କାଟ୍ ଦେବା ଫଳରେ ଏହି ନିର୍ବାଚନୀ ଋତୁରେ ଋଣ ନେଉଥିବା ଲୋକଙ୍କୁ ବଡ ଆଶ୍ବସ୍ତି ମିଳି ପାରିବ। ଆରବିଆଇର ରେପୋ ରେଟ୍ ଏପର୍ଯ୍ୟନ୍ତ ୬.୨୫ ପ୍ରତିଶତ ରହିଥିଲା। ସେଭଳି  ଗର୍ଭନର ଶକ୍ତିକାନ୍ତ ଦାସଙ୍କ ନେତୃତ୍ବରେ ଆରବିଆଇର ଏହା ଦ୍ବିତୀୟ ବୈଠକ ରହିଥିଲା। ଶକ୍ତିକାନ୍ତ ଦାସ ଗତ ବର୍ଷ ଡିସେମ୍ବରରେ ଦାୟିତ୍ବ ଗ୍ରହଣ କରିଥିଲେ।

source: http://www.dailyexcelsior.com

ଆରବିଆଇ ଖୁଚୁରା ମୁଦ୍ରାସ୍ପୀତି ବୃଦ୍ଧି ଦରକୁ ଧ୍ୟାନରେ ରଖି ସୁଦ୍ଧ ଦର ଉପରେ ନିଷ୍ପତ୍ତି ନେଇଥାଏ। କିଛି ମାସ ହ୍ରାସ ପାଇବା ପରେ ଫେବୃଆରୀରେ ଖୁଚୁରା ମୁଦ୍ରାସ୍ପୀତି ଦରରେ ମାମୁଲି ବୃଦ୍ଧି ଦେଖିବାକୁ ମିଳିଥିଲା ଓ ଏହା ୨.୫୭ ପ୍ରତିଶତରେ ପହଁଞ୍ଚିଥିଲା। ଖୁଚୁରା ମୁଦ୍ରାସ୍ପୀତି ହାର ଏହି ୪ ମାସରେ ଉଚ୍ଚସ୍ତରରେ ରହିଛି। ଯଦିଓ ବାର୍ଷିକ ଆଧାର ଉପରେ ମୁଦ୍ରାସ୍ପୀତି ହାର ଏବେ ମଧ୍ୟ କମ୍ ରହିଛି। ଏହି କାରଣରୁ ଆରବିଆଇ ଉପରେ ସୁଦ୍ଧ ହାରରେ କାଟ୍ କରିବାର ଚାପ ରହିଥିଲା। ଏଠାରେ ଉଲ୍ଲେଖନୀୟ ଯେ ଜୁଲାଇ ୨୦୧୮ରୁ ନେଇ ଜାନୁଆରୀ ୨୦୧୯ ଭିତରେ ଲଗାତାର ମୁଦ୍ରାସ୍ପୀତି ହାରରେ ହ୍ରାସ ଘଟିଥିଲା।

source: https://www.livemint.com

ରେପୋ ରେଟ କମ୍ ହେବା ଦ୍ବାରା ବ୍ୟାଙ୍କକୁ ଆରବିଆଇ ଠାରୁ ଶସ୍ତା ଫଣ୍ଡିଂ ମିଳି ପାରିବ, ତେଣୁ ବ୍ୟାଙ୍କ ମଧ୍ୟ ଏବେ କମ୍ ସୁଦ୍ଧ ଦରରେ ହୋମ ଲୋନ୍, କାର ଲୋନ୍ ସହିତ ଅନ୍ୟ ଲୋନ୍ ଅଫର କରିପାରିବ। ଏହାର ଫାଇଦା ସେହି ଲୋକଙ୍କୁ ମିଳିବ ଯାହାଙ୍କର ହୋମ ଲୋନ୍ କିମ୍ବା ଅଟୋ ଲୋନ୍ ଚାଲିଛି। ରେପୋ ରେଟ୍ ହ୍ରାସ ପାଇବା ପରେ ବ୍ୟାଙ୍କରେ ହୋମ କିମ୍ବା ଅଟୋ ଲୋନରେ ସୁଦ୍ଧ ଦର କମ୍ କରିବାର ଚାପ ରହିବ। ଉଲ୍ଳେଖନୀୟ ଯେ ଆରବିଆଇର ନୂଆ ନିମୟ ପରେ ବ୍ୟାଙ୍କକୁ ରେପୋ ରେଟ୍ ହ୍ରାସ ପାଇବାର ଲାଭ ସାଧାରଣ ଲୋକଙ୍କୁ ମିଳିବ। ଯଦି ଆପଣଙ୍କର ହୋମ କିମ୍ବା ଅଟୋ ଲୋନ ରହିଛି ତେବେ ତାଙ୍କର ଇଏମଆଇ କମ୍ ହୋଇଯିବ।

source: https://www.patrika.com/

୨୦୧୯-୨୦ ପାଇଁ ରିଜର୍ଭ ବ୍ୟାଙ୍କର ଜିଡିପି ଅନୁମାନକୁ ୦.୨ ପ୍ରତିଶତ ହ୍ରାସ କରିଦିଆ ଯାଇଛି। ରିଜର୍ଭ ବ୍ୟାଙ୍କର ମୁଦ୍ରାନୀତି ବୈଠକରେ ଜିଡିପି ଅନୁମାନକୁ ୭.୨ ପ୍ରତିଶତ ରଖାଯାଇଛି। ଏହା ପୂର୍ବରୁ କେନ୍ଦ୍ରୀୟ ବ୍ୟାଙ୍କ ଜିଡିପି ଅନୁମାନକୁ ୭.୪ % ରଖିଥିଲା। ରିଜର୍ଭ ବ୍ୟାଙ୍କର ଗର୍ଭନର ଶକ୍ତିକାନ୍ତ ଦାସ କହିଛନ୍ତି ୨୦୧୯-୨୦ ପାଇଁ ଜିଡିପି ଅନୁମାନକୁ ୭.୨ ରଖାଯାଇଛି। ସେଭଳି ଗତ ୬ ମାସରେ ଜିଡିପି ଅନୁମାନ ୬.୮ରୁ ୭.୧ ପ୍ରତିଶତ ରହିଛି। ସେଭଳି ଦ୍ବିତୀୟ ୬ ମାସରେ ଏହି ସଂଖ୍ୟା ୭.୩%ରୁ ୭.୪% ଭିତରେ ରହିବାର ଅନୁମାନ କରାଯାଉଛି।ଆରବିଆଇର ଏହି ବୈଠକର ଫଳାଫଳ ଉପରେ ନିବେଶକଙ୍କର ମଧ୍ୟ ନଜର ଥିଲା। ଏହି କାରଣରୁ ଆରମ୍ଭରୁ ସେୟାର ବଜାର କାରବାରରେ ଅସ୍ଥିରତା ଦେଖିବାକୁ ମିଳିଥିଲା। ତେବେ ଆରବିଆଇର ଏହି ନିଷ୍ପତ୍ତି ପରେ ସେୟାର ବଜାରରେ ଅଭିବୃଦ୍ଧି ଦେଖିବାକୁ ମିଳିଛି। ପ୍ରାୟ ମଧ୍ୟାହ୍ନ ୧୨ଟା ୩୦ ସୁଦ୍ଧା ସେନସେକ୍ସ ପ୍ରାୟ ୪୦ ଅଙ୍କ ମଜବୁତ ହୋଇ ୩୯.୦୧୫ରେ ପହଁଞ୍ଚିଛି।

ସମ୍ବନ୍ଧିତ ଖବର