PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ନିଖୋଜକୁ ବର୍ଷେ ବିତିଲା, ଏମ୍‌ସ ଡାକ୍ତରୀ ଛାତ୍ର ସୋହେଲଙ୍କ ପତ୍ତା ମିଳୁନି

ଭୁବନେଶ୍ୱର,୯ ।୨(ବ୍ୟୁରୋ): ଭୁବନେଶ୍ୱର ଏମ୍‌ସ ଡାକ୍ତରୀ ଛାତ୍ର ସୋହେଲ୍‌ ଆଇଜାଜ୍‌ ନିଖୋଜ ଘଟଣାକୁ ବର୍ଷେ ବିତିଲାଣି । ହେଲେ ଆଜି ପର୍ଯ୍ୟନ୍ତ ତାଙ୍କର କୌଣସି ଖୋଜ୍‌ ଖବର ମିଳୁନି । ସୋହେଲ୍‌ଙ୍କୁ ଖୋଜିବାରେ ଗୁଇନ୍ଦା ବିଭାଗ ସମେତ ୩ ରାଜ୍ୟ ପୁଲିସ ବି ଫେଲ୍‌ ମାରିଛନ୍ତି । ସୋହେଲ୍‌ ଜୀବିତ କି ମୃତ ତାହା ଆଜି ପର୍ଯ୍ୟନ୍ତ ରହସ୍ୟରେ ରହି ଯାଇଛି ।
ସୂଚନା ଥାଉକି, ଜମ୍ମୁ-କାଶ୍ମୀର କୁପୱାଡ଼ା ଜିଲ୍ଲା ଚୋକିବାଲ ଥାନା ଅନ୍ତର୍ଗତ ମର୍‌ସାରି ଗାଁର ସୋହେଲ୍‌ ଭୁବନେଶ୍ୱର ଏମ୍‌ସରେ ଦ୍ୱିତୀୟ ବର୍ଷ ଡାକ୍ତରୀ ପଢ଼ୁଥିଲେ । ୨୦୧୮ ଫେବ୍ରୁଆରୀ ୯ ତାରିଖରେ ସେ ପଞ୍ଜାବର ଅମୃତସରରେ ଜଣେ ସାଙ୍ଗଙ୍କ ଜନ୍ମଦିନ ଉତ୍ସବରେ ଯୋଗଦେବାକୁ କହି ଛୁଟି ନେଇ ଯାଇଥିଲେ । ୧୬ ତାରିଖ ସୁଦ୍ଧା ସେ ଫେରି ଆସିବେ ବୋଲି କହିଥିଲେ । ତେବେ ନିର୍ଧାରିତ ସମୟରେ ନଫେରିବାରୁ ଏମ୍‌ସ କର୍ତ୍ତୃପକ୍ଷ ତାଙ୍କ ପରିବାର ଲୋକଙ୍କୁ ଜଣାଇଥିଲେ ।
ସୋହେଲ୍‌ ନିଖୋଜ ଖବରପାଇ ବାପା ଏଜାଜ୍‌ ଅହମ୍ମଦ କଟାରିଆ ଆସି ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଭୁବନେଶ୍ୱର ଡିସିପିଙ୍କ ଠାରୁ ଆରମ୍ଭ କରି ପୁଲିସ କମିଶନର ଓ ଡିଜିପିଙ୍କ ନିକଟରେ ମଧ୍ୟ ଅଭିଯୋଗ କରିଥିଲେ । ଫେବ୍ରୁଆରୀ ୧୦ରେ ସୋହେଲ୍‌ଙ୍କ ମୋବାଇଲ୍‌ ନେଟ୍‌ୱାର୍କ କୋଲକାତାର ହାୱଡ଼ା ଷ୍ଟେସନ ପର୍ଯ୍ୟନ୍ତ ଦେଖାଇଥିଲା । ତା’ ପର ଠାରୁ ତାଙ୍କ ମୋବାଇଲ୍‌ ନେଟ୍‌ୱାର୍କ ଦେଖାଇ ନଥିଲା । ଖଣ୍ଡଗିରି ଥାନା ପୁଲିସ ହାୱଡ଼ାରେ ଖୋଜାଖୋଜି କରି ଫେରିଥିଲା । ସୋସିଆଲ ମିଡିଆର ମଧ୍ୟ ସହାୟତା ନେଇଥିଲା ପୁଲିସ । ଜଣେ ରାଜସ୍ଥାନୀ ଯୁବକ ଦିଲ୍ଲୀ ଗୁରଗାଓଁରେ ସୋହେଲଙ୍କୁ ଦେଖିଥିବା ସୋସିଆଲ ମିଡିିଆରେ ପୋଷ୍ଟ କରିଥିଲେ । ଖଣ୍ଡଗିରି ଥାନା ପୁଲିସର ଏକ ୩ ଜଣିଆ ଟିମ୍‌ ଯାଇ ଦିଲ୍ଲୀରେ ଖୋଜାଖୋଜି କରି ବିଫଳ ହୋଇଥିଲେ ।

ଫେଲ୍‌ ମାରିଲେ ଗୁଇନ୍ଦା ଓ ୩ ରାଜ୍ୟ ପୁଲିସ:
ଓଡ଼ିଶା ଡିଜିପି ପଶ୍ଚିମବଙ୍ଗ ଓ ଜମ୍ମୁ-କାଶ୍ମୀର ଡିଜିପିଙ୍କଠାରୁ ସହାୟତା ଲୋଡ଼ିଥିଲେ । ଓଡ଼ିଶା, ପଶ୍ଚିମବଙ୍ଗ ଓ ଜାମ୍ମୁ-କାଶ୍ମୀର ପୁଲିସ ସୋହେଲ୍‌ଙ୍କୁ ଖୋଜିବାରେ ଲାଗି ପଡ଼ିଥିଲେ । ଗୁଇନ୍ଦା ବିଭାଗ ମଧ୍ୟ ଏନେଇ ତଦନ୍ତ ଚଳାଇଥିଲେ । ହେଲେ ସୋହେଲ୍‌ଙ୍କୁ ଠାବ କରିବାରେ ଫେଲ୍‌ ମାରିଛନ୍ତି ସମସ୍ତେ ।
ଆତଙ୍କୀ ସଂଗଠନରେ ସାମିଲ୍‌ ସନ୍ଦେହ:
ଜମ୍ମୁ-କାଶ୍ମୀରର କୁପୱାଡ଼ା ଜିଲ୍ଲା ସଂପୂର୍ଣ୍ଣ ଆତଙ୍କବାଦୀ ପ୍ରବଣ ଅଞ୍ଚଳ । କୁପୱାଡ଼ାରେ ଜନ୍ମିତ ସୋହେଲ୍‌ ଜଣେ ମେଧାବୀ । କଲେଜରେ ପଢ଼ିବା ସମୟରେ ଦୁଇ ସପ୍ତାହ ପାଇଁ ସେ କେଉଁଆଡ଼େ ଚାଲି ଯାଇଥିଲେ । ଫେରିବା ପରେ ସେ କେଉଁଆଡ଼େ ଯାଇଥିଲେ ସେ ନେଇ ଘର ଲୋକଙ୍କ ଆଗରେ ମୁହଁ ଖୋଲି ନଥିଲେ । ଡାକ୍ତରୀ ପଢ଼ିବା ପାଇଁ ସେ ଏମ୍‌ସରେ ନାମ ଲେଖାଇଥିଲେ । କିନ୍ତୁ ଅଧିକାଂଶ ସମୟରେ ସେ ସହପାଠୀମାନଙ୍କ ଠାରୁ ଦୂରେଇ ରହୁଥିଲେ । ଅମୃତସରରେ ଜଣେ ସାଙ୍ଗଙ୍କ ଜନ୍ମଦିନ ଉତ୍ସବରେ ଯୋଗ ଦେବାକୁ କହି ସେ ଏମ୍‌ସରୁ ଛୁଟି ନେଇଥିଲେ । କିନ୍ତୁ ଅମୃତସରରେ ତାଙ୍କର କୌଣସି ସାଙ୍ଗ ନ ଥିବା ପରିବାର ଲୋକଙ୍କ ଠାରୁ ଜଣା ପଡ଼ିଥିଲା । ସେ କୌଣସି ଆତଙ୍କୀ ସଂଗଠନରେ ସାମିଲ୍‌ ହୋଇ ଯାଇଥିବା ସନ୍ଦେହ କରା ଯାଉଛି ।

ଛାର୍‌ଖାର ହୋଇଗଲା ସୋହେଲ୍‌ଙ୍କ ପରିବାର: ସୋହେଲଙ୍କୁ ଖୋଜିଖୋଜି ନିରାଶ ହୋଇ ବାପା ଏଜାଜ୍‌ ଓ ଭାଇ ସୋହେବ୍‌ ମାର୍ଚ୍ଚ ୧୮ରେ ଟ୍ରେନ ଯୋଗେ ଦିଲ୍ଲୀରୁ କାଶ୍ମୀର ଫେରୁଥିଲେ । ଜମ୍ମୁରୁ ସେମାନଙ୍କୁ ଆଣିବାକୁ ସୋହେଲଙ୍କ ଜେଜେ ଲିୟାକତ ଅଲ୍ଲୀ ଓ ଦାଦା ମୁସ୍ତାକ୍‌ ଅହମ୍ମଦ କଟାରିଆ କାର୍‌ (ଜେକେ୦୯ଏ-୫୫୪୭)ଯୋଗେ ଯାଇଥିଲେ । ସୋହେବ୍‌ କୌଣସି କାମରେ ଜମ୍ମୁରେ ରହି ଯାଇଥିଲାବେଳେ ଏଜାଜଙ୍କୁ ଧରି ସୋହେଲ୍‌ଙ୍କ ଜେଜେ ଓ ଦାଦା ଫେରୁଥିଲେ । ସେମାନଙ୍କ କାର୍‌ ହାଣ୍ଡୱାରା ୟୁନିସୋ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ସୋହେଲ୍‌ଙ୍କ ଜେଜେ ଲିୟାକତ ଓ ଦାଦା ମୁସ୍ତାକ୍‌ଙ୍କ ମୃତ୍ୟୁ ଘଟିଥିଲା । ବାପା ଏଜାଜ୍‌ ପ୍ରାୟ ୨ ମାସ ଚିକିତ୍ସିତ ହୋଇ ଘରକୁ ଫେରିଥିଲେ । ଦୁର୍ଘଟଣା ପରଠାରୁ ସେ ଆଉ କଥା କହିପାରୁ ନାହାନ୍ତି । ସୋହେଲ୍‌ଙ୍କୁ ଝୁରି ଝୁରି କେବଳ ଆଖିରୁ ଲୁହ ଗଡ଼ାଉଛନ୍ତି ।