PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି ସନ୍‌ସାଇନ୍‌ ସ୍କୁଲ୍‌ ସଭାପତି ଗୋବିନ୍ଦ ସାହୁ ଗିରଫ , ମମିତା ମର୍ଡର ମିଷ୍ଟ୍ରିର ମୋଷ୍ଟ ୱାଣ୍ଟେଡ୍‌ ଗୋବିନ୍ଦ ସାହୁ
  • ||
  • ବଲାଙ୍ଗୀର: ମୁଖ୍ୟଅଭିଯୁକ୍ତ ଚମ୍ପଟ ପରେ ଜବତ କାରର ବଢ଼ିଲା ସୁରକ୍ଷା, ଗୋବିନ୍ଦଙ୍କ ପରେ କାରକୁ ଉଠାଇଥିଲା ପୁଲିସ
  • ||
  • ବଲାଙ୍ଗୀର : ଫେରାର୍ ଗୋବିନ୍ଦ ସାହୁକୁ ଧରିବା ପାଇଁ ବଢିଲା ପୁରସ୍କାର ରାଶି, ସୂଚନା ଦେଲେ ମିଳିବ ୧ ଲକ୍ଷ୍ୟ ଟଙ୍କା ପୁରସ୍କାର ରାଶି
  • ||
  • ବଲାଙ୍ଗୀର: ମୋଷ୍ଟ ଓ୍ବାଣ୍ଟେଡ ଗୋବିନ୍ଦ ସାହୁ, ଧରାଇ ଦେଲେ ଦିଆଯିବ ୨୦ ହଜାର ଟଙ୍କାର ପୁରଷ୍କାର
  • ||
  • ବ୍ରହ୍ମପୁର: ଗୋପାଳପୁର ଛକ ନିକଟରେ ବାଇକକୁ ଧକ୍କା ଦେଲା କାର୍, ଜଣେ ମୃତ ଓ ଦୁଇ ଜଣ ଆହତ
  • ||
  • ବଲାଙ୍ଗୀର: ମହାଲିଙ୍ଗ ମିନି ଷ୍ଟାଡିୟମରୁ ପୋତା ଯାଇଥିବା ମମିତା ମେହେରଙ୍କ ମୃତ ଦେହ ଉଦ୍ଧାର, ଡିଏନଏ ପରୀକ୍ଷା ପରେ ସ୍ପଷ୍ଟ ହେବ।
  • ||
  • ରଙ୍ଗେଇଲୁଣ୍ଡା: ଚାଟ୍ ମାଗିବାକୁ ନେଇ ଗଣ୍ଡଗୋଳରେ ଜଣେ ଗୁରୁତର, ଦମ୍ପତ୍ତି ଆହତ
  • ||
  • ଟିକିଟି: ସିଦ୍ଧ ବାରାହୀ ପୀଠରୁ ଚୋରି, ଦେବୀଙ୍କ ପିତଳ ମୁକୁଟ (ପ୍ରାୟ ଦେଢ଼ କିଲୋ) ସହ ୨୦ ତୋଳାରୁ ଅଧିକ ରୁପା ଅଳଙ୍କାର ଚୋରି ଅଭିଯୋଗ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୨୯୪କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୫୫୬ କୋଭିଡ୍ ପଜିଟିଭ୍
  • ||
  • ସାଲେପୁର : ବନ୍ଦ କୋଠରୀରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ନୀଳଗିରି: ନିଶ୍ଚିତପୁରରେ ଭାଲୁ ଆକ୍ରମଣରେ ଜଣେ ଗୁରୁତର
  • ||
  • ଜଳେଶ୍ବର: ଜଳେଶ୍ବର ଷ୍ଟେସନ ବଜାରସ୍ଥିତ ଡାଇମଣ୍ଡ ହୋଟେଲ ଉପରେ ଚଢାଉ, ୨ କୋଟିରୁ ଊର୍ଦ୍ଧ୍ବ ଟଙ୍କାର ବ୍ରାଉନସୁଗାର ଜବତ
  • ||

ନବୀନଙ୍କ ସହ ମଞ୍ଚରେ ବସ୍ତିବାସିନ୍ଦା: ୧୦ ହଜାର ବସ୍ତିବାସିନ୍ଦାଙ୍କୁ ଘରର ‘ଅଧିକାର ପତ୍ର’

ଭୁବନେଶ୍ୱର,୬ା୩(ବ୍ୟୁରୋ): ରାଜଧାନୀର ୧୦ ହଜାର ବସ୍ତି ବାସିନ୍ଦାଙ୍କୁ ମିଳିବ ଘର । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ବସ୍ତି ବସ୍ତି ବାସିନ୍ଦାଙ୍କୁ ‘ଅଧିକାର ପତ୍ର’ ଦେଇଛନ୍ତି । କିଛି ବସ୍ତି ବାସିନ୍ଦାଙ୍କୁ ଚାବି ହସ୍ତାନ୍ତର କରିବା ସହ ୭ଟି ଆବାସ ପ୍ରକଳ୍ପର ଭିତ୍ତି ପ୍ରସ୍ତର ମଧ୍ୟ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୭୬୨ ବସ୍ତିର ଲୋକମାନେ ଏଥିରୁ ଉପକୃତ ହୋଇପାରିବେ ।
ଜନତା ମଇଦାନଠାରେ ଆୟୋଜିତ ସମାବେଶରେ ମୁଖ୍ୟ ଅତିଥି ଭାବେ ଯୋଗଦେଇ ନବୀନ ପଟ୍ଟନାୟକ କହିଛନ୍ତି, ଗରିବ ଲୋକଙ୍କ ଖୁସିରେ ମୋର ସବୁଠୁ ବଡ଼ ସନ୍ତୋଷ । ସରକାର ଆପଣମାନଙ୍କ ସହ ସବୁବେଳେ ରହିଛି । ସହରରେ ରହୁଥିବା ବସ୍ତିବାସିନ୍ଦାଙ୍କ ପାଇଁ ବିଜେଡି ସରକାର ଜାଗା ମିଶନ ଆରମ୍ଭ କରିଛନ୍ତି । ମହିଳା, ଚାଷୀ ଓ ସମସ୍ତଙ୍କ ସୁଖ ଦୁଃଖରେ ସେ ରହିଛନ୍ତି । ଗରିବଙ୍କ କଲ୍ୟାଣଙ୍କୁ ତାଙ୍କ ସରକାର ସର୍ବାଧିକ ପ୍ରାଥମିକତା ଦେଉଛନ୍ତି । ଏବେ ସରକାର ଗରିବଙ୍କ ଲାଗି କାମ କରୁଥିବା ବେଳେ ଆଗକୁ ମଧ୍ୟ ଜାରି ରହିବ ବୋଲି ନବୀନ କହିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି, ଆମ ସରକାର ଦେଇଥିବା ପ୍ରତିଶ୍ରୁତିକୁ ଅକ୍ଷର ଅକ୍ଷରେ ପାଳନ କରାଯାଇଛି । ମିଶନ ଶକ୍ତିରେ ମା’ ମାନଙ୍କୁ ୧ ପ୍ରତିଶତ ସୁଧରେ ଋଣ ଦିଆଯାଉଛି । ଏବେ ବିନା ସୁଧରେ ୨୦୦ ଗ୍ରୁପକୁ ଋଣ ଦିଆଯାଇଛି । ୭୬୨ ଗ୍ରୁପକୁ ଏହି ଅବସରରେ ୧୦ ହଜାର ଟଙ୍କା ଲେଖାଁଏ ଦିଆଯାଇଛି । ୧୬ଟି ଫେଡେରେସନ୍‌କୁ ମଧ୍ୟ ସହାୟତା ଦିଆଯାଇଥିବା ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ ୧୩୦୦ ଶହ କୋଟିର ପ୍ରକଳ୍ପ ଉଦ୍‌ଘାଟନ କରିଛନ୍ତି । ଯେଉଁଥିରେ ହଳଦିପଡିଆ, ଶାନ୍ତିପଲ୍ଲୀ, ନୀଳମାଧବ ବସ୍ତି, ଗାଡକଣ ଓ ଘାଟିକିଆ ଅଞ୍ଚଳରେ ‘ଆବାସ’ର ଭିତ୍ତି ପ୍ରସ୍ତର ଦିଆଯାଇଛି । ୨୦୨୨ ସୁଦ୍ଧା ଏ ଲୋକଙ୍କୁ ନିଶ୍ଚିତ ଗୃହ ମିଳିବ । ଏହାବାଦ୍‌ ଭୁବନେଶ୍ୱର ତିନି ନିର୍ବାଚନମଣ୍ଡଳୀ ପାଇଁ ରାସ୍ତା, ବିଜୁଳି ଓ ଡ୍ରେନେଜ ପ୍ରକଳ୍ପର ମଧ୍ୟ ମୁଖ୍ୟମନ୍ତ୍ରୀ ଶିଳାନ୍ୟାସ କରିଛନ୍ତି । ଅନ୍ୟ ସରକାରୀ କାର୍ଯ୍ୟକ୍ରମ ଭଳି ଏଠି ମଞ୍ଚରେ କୌଣସି ନେତା ମନ୍ତ୍ରୀଙ୍କୁ ଦେଖିବାକୁ ମିଳିନଥିଲା । ବସ୍ତି ବାସିନ୍ଦା ହିଁ ମୁଖ୍ୟମନ୍ତ୍ରୀଙ୍କ ସହ ପେଣ୍ଡାଲ ସେୟାର କରିଥିଲେ । ଆବାସ ଯୋଜନାରେ ରାଜଧାନୀରେ ଘର ପାଇଁ ଅଧିକାର ପତ୍ର ପାଇଥିବାରୁ ଖୁସି ଜାହିର କରିଥିଲେ । ସଭା ମଞ୍ଚ ତଳେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ସାଂସଦ ପ୍ରସନ୍ନ ପାଟ୍ଟଶାଣୀ, ଉତ୍ତର ଭୁବନେଶ୍ୱର ବିଧାୟକ ପ୍ରିୟଦର୍ଶୀ ମିଶ୍ର ଓ ମଧ୍ୟ ବିଧାୟକ ବିଜୟ ମହାନ୍ତି, ପୂର୍ବତନ ମେୟର ଅନନ୍ତ ନାରାୟଣ ଜେନାଙ୍କ ସମେତ ବହୁ କର୍ପୋରେଟର ଉପସ୍ଥିତ ଥିଲେ ।