PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ସୁନ୍ଦରଗଡ଼ ଓ ଅନୁଗୁଳରେ ପ୍ରତିଷ୍ଠା ହେବ ନୂଆ କେନ୍ଦ୍ରୀୟ ବିଦ୍ୟାଳୟ, ଏମସିଏଲ୍‌ ବୋର୍ଡର ଅନୁମୋଦନ ପାଇଁ କେନ୍ଦ୍ର କୋଇଲା ଓ ଖଣି ମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
  • ||
  • ଭୁବନେଶ୍ଵର : ସପ୍ତାହାନ୍ତ ସଟଡାଉନର ଦ୍ଵିତୀୟ ଦିନ, ଆଉ ଚଳିବନି ‘ଆଇ- କାର୍ଡ’, ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲା ପୁଲିସ୍‌
  • ||
  • ଭୁବନେଶ୍ୱର : ବରିଷ୍ଠ ସାମ୍ବାଦିକ ତଥା ‘ପ୍ରମେୟ’ର ଖଣ୍ଡପଡ଼ା ପ୍ରତିନିଧି ସୋମନାଥ ମହାନ୍ତିଙ୍କ ପରଲୋକ
  • ||
  • ଘଟଗାଁ : ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
  • ||
  • କୋଲକାତା : ପଶ୍ଚିମବଙ୍ଗରେ ଥମୁନି ହିଂସା, ପୁଣି ଥରେ ଟିଏମସି ଓ ବିଜେପି କର୍ମୀ ହାତାହାତି, ଜଣେ ମୃତ ୬ ଆହତ
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୧୮୦କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କରୋନା ବିସ୍ଫୋରଣ, ୨୪ଘଣ୍ଟାରେ ଚିହ୍ନଟ ହେଲେ ୧୦ ହଜାର ୬୩୫ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୩୪ ହଜାର ପାର୍
  • ||
  • ନୂଆଦିଲ୍ଲୀ : ଭାରତକୁ ଡବ୍ଲ୍ୟୁଏଚଓର ସତର୍କ ବାଣୀ, ଘାତକ ହେଉଛି କରୋନାର ନୂଆ ମ୍ୟୁଟାଣ୍ଟ, ଭାରତକୁ ତୀବ୍ର କରିବାକୁ ପଡିବ ଟିକାକରଣ
  • ||
  • ଭୁବନେଶ୍ୱର : ଏବେ ମିଳିଛି ସାମାନ୍ୟ ଆଶ୍ୱସ୍ତି, ଦୁଇଦିନ ପରେ ରାଜ୍ୟରେ ପୁଣି ବଢ଼ିବ ତାତି, ୨୦ ଜିଲ୍ଲାରେ ଘଡ଼ଘଡ଼ି ସହ ଧୂଳିଝଡ଼ ବର୍ଷା ଆଶଙ୍କା
  • ||

ଆଜିଠାରୁ ମାଟ୍ରିକ୍‌ ପରୀକ୍ଷା: ପରୀକ୍ଷା ଦେବେ ୫.୭୨ ଲକ୍ଷ ପରୀକ୍ଷାର୍ଥୀ

କଟକ,୨୧ା୨(ବ୍ୟୁରୋ): ଆସନ୍ତାକାଲି (ଶୁକ୍ରବାର)ରୁ ଆରମ୍ଭ ହେଉଛି ଚଳିତ ବର୍ଷର ମାଟ୍ରିକ୍‌ ପରୀକ୍ଷା । ଏଥର ସମଗ୍ର ରାଜ୍ୟରେ ୨ ହଜାର ୮୩୦ଟି ପରୀକ୍ଷା କେନ୍ଦ୍ରରେ ୫ଲକ୍ଷ ୭୨ ହଜାର ୬୯୯ଜଣ ଛାତ୍ରଛାତ୍ରୀ ମାଟ୍ରିକ ପରୀକ୍ଷା ଦେବେ । ପରୀକ୍ଷାକୁ ତ୍ରୁଟିଶୂନ୍ୟ ଓ କପିମୁକ୍ତ କରିବା ପାଇଁ ବୋର୍ଡ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଜିଲ୍ଲାସ୍ତରଠାରୁ ଆରମ୍ଭ କରି ବୋର୍ଡ ପର୍ଯ୍ୟନ୍ତ ପାଞ୍ଚ ସ୍ତରୀୟ ସ୍କ୍ୱାଡ୍‌ କପି ଉପରେ ନଜର ରଖିବେ । ପରୀକ୍ଷା ଆସନ୍ତା ମାର୍ଚ୍ଚ ୮ ତାରିଖ ଯାଏ ଚାଲିବ ।
ମାଟ୍ରିକ ପରୀକ୍ଷା ପରିଚାଳନାକୁ ବ୍ୟବସ୍ଥିତ କରିବା ପାଇଁ ଶିକ୍ଷା ଅଧିକାରୀଙ୍କ ଠାରୁ ଆରମ୍ଭ କରି ସ୍କ୍ୱାଡ୍‌ ଅଧିକାରୀ, ସେଣ୍ଟର୍‌ ସୁପରିଟେଣ୍ଡଣ୍ଟ୍‌, ପରୀକ୍ଷକ, ଡାଟା ଅପରେଟର୍‌, ଚେକର୍‌ ଓ ମେକର୍‌ଙ୍କୁ ବିଭିନ୍ନ ପର୍ଯ୍ୟାୟରେ ତାଲିମ ଦିଆଯାଇଛି । ସେହିପରି ୧୦୦ଟି ସମ୍ବେଦନଶୀଳ ପରୀକ୍ଷା କେନ୍ଦ୍ରରେ ସିସିଟିଭି ଲଗାଯାଇଛି । ଏହା ସହିତ ୩୦୪ଟି ନୋଡାଲ୍‌ ସେଣ୍ଟର୍‌ରେ ପ୍ରଶ୍ନପତ୍ରକୁ ସୁରକ୍ଷିତ ରଖିବା ପାଇଁ ମଧ୍ୟ ସିସିଟିଭି ଲଗାଯାଇଛି । ପରୀକ୍ଷା କେନ୍ଦ୍ର ଭିତରକୁ ଶିକ୍ଷକଙ୍କ ମୋବାଇଲ୍‌ ନେବା ଉପରେ କଟକଣା ଜାରି କରାଯାଇଥିବା ବେଳେ ସେଣ୍ଟର ସୁପରିଟେଣ୍ଡଣ୍ଟଙ୍କୁ ଫୋନ୍‌ ଆକ୍ଟିଭେଟ୍‌ ମୋଡ୍‌ରେ ଡ୍ର’ ଭିତରେ ରଖିବାକୁ କୁହାଯାଇଛି । ନୋଡାଲ୍‌ ସେଣ୍ଟର୍‌ରୁ ପ୍ରଶ୍ନପତ୍ର ଓ ଉତ୍ତରପତ୍ର ପରୀକ୍ଷା କେନ୍ଦ୍ରକୁ ନେବା ଆଣିବା କରିବା ପାଇଁ ୬୯୩ ଟିମ୍‌ ଗଠନ କରାଯାଇଛି । ପରୀକ୍ଷାର ଦୁଇ ଘଣ୍ଟା ପୂର୍ବରୁ ନୋଡାଲ୍‌ ସେଣ୍ଟର୍‌ ଅଭିମୁଖେ ପ୍ରଶ୍ନପତ୍ର ଯିବ ।
ଆସନ୍ତାକାଲି ପ୍ରଥମ ଭାଷା (ଓଡ଼ିଆ) ପରୀକ୍ଷା ହେବ । ଛାତ୍ରଛାତ୍ରୀମାନେ ସକାଳ ୯ଟାରେ ପରୀକ୍ଷା କେନ୍ଦ୍ରରେ ପ୍ରବେଶ କରିବେ । ଅବ୍‌ଜେକ୍ଟିଭ୍‌ ଓ ଏମ୍‌ଆର୍‌ ଉତ୍ତର ସିଟ୍‌ ସକାଳ ୯ଟା ୩୦ରେ ଦିଆଯିବ । ତେବେ ଉଭୟ ଅବ୍‌ଜେକ୍ଟିଭ୍‌ ଓ ସବ୍‌ଜେକ୍ଟିଭ୍‌ ପ୍ରଶ୍ନପତ୍ର ୯ଟା୪୫ରେ ଦିଆଯିବାକୁ ସ୍ଥିର ହୋଇଛି । ପରୀକ୍ଷାର୍ଥୀଙ୍କୁ ୧୫ ମିନିଟ୍‌ ପ୍ରଶ୍ନପତ୍ର ପଢ଼ିବାକୁ ସୁବିଧା ମିଳିବ । ଅବ୍‌ଜେକ୍ଟିଭ୍‌ ପରୀକ୍ଷା ଦିନ ୧୦ଟାରୁ ଆରମ୍ଭ ହୋଇ ୧୧ଟାରେ ଶେଷ ହେବ ଓ କେବଳ ଗଣିତ ପରୀକ୍ଷା ପାଇଁ ୧୫ ମିନିଟ୍‌ ଅଧିକ ସମୟ ଦିଆଯିବ । ସମସ୍ତ ପରୀକ୍ଷା ସାଢ଼େ ୧୨ଟାରେ ଶେଷ ହେବ । ଚଳିତ ବର୍ଷର ନୂତନ ନିୟମ ଅନୁସାରେ, ଛାତ୍ରଛାତ୍ରୀମାନେ ପରୀକ୍ଷାରେ ପାସ୍‌ କରିବା ପାଇଁ ଉଭୟ ଅବ୍‌ଜେକ୍ଟିଭ୍‌ ଓ ସବ୍‌ଜେକ୍ଟିଭ୍‌ରେ ୧୫ ନମ୍ବର ଲେଖାଏଁ ରଖିବା ବାଧ୍ୟତାମୂଳକ କରାଯାଇଛି । ଅବ୍‌ଜେକ୍ଟିଭ୍‌ରେ ୪ଟି ଲେଖାଏଁ ସମାନ୍ତର ସେଟ୍‌ ପ୍ରଶ୍ନପତ୍ର କରାଯାଇଥିବାବେଳେ ସବ୍‌ଜେକ୍‌ଟିଭ୍‌ରେ କେବଳ ପ୍ରଶ୍ନର କ୍ରମିକ ନମ୍ବରକୁ ପରିବର୍ତ୍ତନ କରାଯାଇ ୪ଟି ସେଟ୍‌ କରାଯାଇଛି । ସବୁବର୍ଷ ପରି ଚଳିତ ବର୍ଷ ମଧ୍ୟ ମାଟ୍ରିକ ପରୀକ୍ଷା ସହିତ ମଧ୍ୟମା ସଂସ୍କୃତ ଓ ରାଜ୍ୟ ମୁକ୍ତ ସ୍କୁଲ୍‌ ସାର୍ଟିଫିକେଟ(ଏସ୍‌ଓଏସ୍‌ସି) ପରୀକ୍ଷା ମଧ୍ୟ ଆସନ୍ତାକାଲିଠାରୁ ଆରମ୍ଭ ହୋଇ ମାର୍ଚ୍ଚ ୮ ତାରିଖରେ ଶେଷ ହେଉଛି । ମଧ୍ୟମା ସଂସ୍କୃତ ପରୀକ୍ଷାରେ ୩ ହଜାର ୯ ଜଣ ପରୀକ୍ଷାର୍ଥୀଙ୍କ ପାଇଁ ୪୪ଟି ପରୀକ୍ଷା କେନ୍ଦ୍ର କରାଯାଇଛି । ସେହିପରି ରାଜ୍ୟ ମୁକ୍ତ ସ୍କୁଲ୍‌ ସାର୍ଟିଫିକେଟ(ଏସ୍‌ଓଏସ୍‌ସି) ପରୀକ୍ଷାରେ ୧୨ ହଜାର ୧୨ ଜଣ ପରୀକ୍ଷାର୍ଥୀଙ୍କ ପାଇଁ ୭୯ ପରୀକ୍ଷା କେନ୍ଦ୍ର କରାଯାଇଛି । ଉଭୟ ମଧ୍ୟମା ସଂସ୍କୃତ ଓ ଏସ୍‌ଓଏସ୍‌ସି ପରୀକ୍ଷା ପ୍ରତ୍ୟେକ ଦିନ ୨ଟାରୁ ଆରମ୍ଭ ହୋଇ ୪ଟା ୩୦ଟାରେ ଶେଷ ହେବ । କେବଳ ଗଣିତ ପରୀକ୍ଷା ଦିନ ୨ଟାରୁ ଆରମ୍ଭ ହୋଇ ୪ଟା୪୫ ଶେଷ ହେବ । ପରୀକ୍ଷା ମୂଲ୍ୟାୟନ ପାଇଁ ମୋଟ ୬୦ଟି କେନ୍ଦ୍ର କରାଯାଇଥିବା ବେଳେ ମାଟ୍ରିକ୍‌ ପାଇଁ ୫୨ଟି, ମଧ୍ୟମା ପାଇଁ ୪ଟି ଓ ଏସ୍‌ଓଏସ୍‌ସି ପାଇଁ ୪ଟି କେନ୍ଦ୍ର କରାଯାଇଛି । ପରୀକ୍ଷାରେ ଯଦି କୌଣସି ସମସ୍ୟା ହୁଏ ଅବା ପରୀକ୍ଷା ନେଇ କୌଣସି ସୂଚନା ପାଇବାକୁ ଚାହୁଥିଲେ କଣ୍ଟ୍ରୋଲ ରୁମ୍‌ ନମ୍ବର ୦୬୭୧-୨୪୧୨୦୫୯ରେ ଯୋଗାଯୋଗ କରିବା ପାଇଁ ବୋର୍ଡ ପକ୍ଷରୁ କୁହାଯାଇଛି ।