PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

୧୧ କୋଟି ଟଙ୍କା ଜବତ ଘଟଣା: ଫିଲ୍ମ ଷ୍ଟାଇଲ୍‌ରେ ହୋଇଥିଲା ଡିଲ୍‌

ନୂଆପଡ଼ା,୨୧ା୨(ଆପ୍ର): ନୂଆପଡ଼ା-ଛତିଶଗଡ଼ ସୀମାନ୍ତବର୍ତ୍ତୀ ଅଞ୍ଚଳରୁ ୧୧ କୋଟି ଟଙ୍କା ଜବତ ଘଟଣାରେ ତଦନ୍ତ ପ୍ରକ୍ରିୟା ଆଗେଇବା ସହ ଧୀରେ ଧୀରେ ସାମ୍ନାକୁ ଆସୁଛି ଅନେକ ରୋଚକ ତଥ୍ୟ । ଏବେ ଏହାର ଡିଲ୍‌କୁ ନେଇ ଚିତ୍ର ସ୍ପଷ୍ଟ ହେବାରେ ଲାଗିଛି । ଗତ ୧୯ ତାରିଖରେ ନୂଆପଡ଼ା ସୀମାନ୍ତ ଛତିଶଗଡ଼ର ମହାସମୁନ୍ଦ ଜିଲ୍ଲା ଖଲ୍ଲାରୀ ଥାନା ପୁଲିସ ଏକ ଗାଡ଼ିରୁ ୧୦ କୋଟି ୯୦ ଲକ୍ଷ ୫୦୦ ଟଙ୍କା ଜବତ କରିଥିଲା । ଆଗ୍ରାରୁ ଜଣେ ମହିଳା ସମେତ ୪ ଜଣ ବ୍ୟକ୍ତି କଟକକୁ ଯାଇ ୧୧ କୋଟି ଟଙ୍କା ନେବାକୁ ଆସିଥିଲେ । ହେଲେ ତାଙ୍କ ପାଖରେ କେଉଁଠୁ, କାହାଠାରୁ ଓ କାହିଁକି ଏତେ ମୋଟା ରକମର ଅର୍ଥ ନେଉଛନ୍ତି ତାଙ୍କ ପାଖରେ କୌଣସି ସୂଚନା ନଥିଲା । ଯୋଜନା ମୁତାବକ ଫିଲ୍ମ ଷ୍ଟାଇଲରେ ଏହାର ଡିଲ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିବା ଖଲ୍ଲାରୀ ପୁଲିସ ସୂଚନା ଦେଇଛି ।
ଗତ ୧୭ ତାରିଖ ସକାଳେ ଆଗ୍ରାର ଗହଣା ବ୍ୟବସାୟୀ ଅବଧେଶ ଅଗ୍ରୱାଲ ଉକ୍ତ ୪ ଜଣଙ୍କୁ ଏକ ଗାଡ଼ିଦେଇ କଟକ ଆସିବାକୁ କହିଥିଲେ । ଏଥିପାଇଁ ୪ ଜଣଙ୍କୁ ମୋଟା ପାରିଶ୍ରମିକ ଦେବାକୁ ଅବଧେଶ କହିଥିଲେ । ତାଙ୍କ ନିର୍ଦ୍ଦେଶରେ ୪ ଅଭିଯୁକ୍ତ ଆଗ୍ରାରୁ ବାହାରି-ଝାନ୍‌ସୀ-ସାଗର ଦେଇ ରାୟପୁର ପହଞ୍ଚିଥିଲେ । ସେଠାରୁ ଖରିଆରରୋଡ଼ ଦେଇ ଓଡ଼ିଶାରେ ପ୍ରବେଶ କରିବା ସହ ଭାୟା ବରଗଡ଼-ସମ୍ବଲପୁର କଟକ ଯାଇଥିଲେ । ସେଠାରେ ହ୍ୱାଟ୍ସଆପରେ ଲାଇଭ ଲୋକେସନ ସହ ଫୋନ୍‌ରେ କଥାବାର୍ତ୍ତା କରିଥିଲେ । ଅବଧେଶ ସେମାନଙ୍କୁ ଫୋନ୍‌ରେ ଅପ୍‌ରେଟ କରୁଥିଲେ । ୧୮ ସନ୍ଧ୍ୟାରେ କଟକ ଓ ଭୁବନେଶ୍ୱର ମଝିରେ ଏକ ସ୍କୁଟିରେ ଜଣେ ବ୍ୟକ୍ତି ଆସି ଏମାନଙ୍କୁ ଭେଟିଥିଲା । ସ୍କୁଟିରେ ଆସିଥିବା ବ୍ୟକ୍ତିଜଣକ ସେମାନଙ୍କୁ ଚିହ୍ନି ନଥିଲେ କି ସେମାନେ ବି ଉକ୍ତ ବ୍ୟକ୍ତିକୁ ଚିହ୍ନି ନଥିଲେ । ସେଠାରୁ ସମସ୍ତଙ୍କୁ ସେ ଏକ ଫାର୍ମ ହାଉସ୍‌କୁ ନେଇ ଯାଇଥିଲେ । ରାତିରେ ଗାଡ଼ିର ପଛ ସିଟରେ ଥିବା ଲକରରେ ଟଙ୍କା ଭରି ଉକ୍ତ ଫାର୍ମ ହାଉସରେ ଜଣେ ବ୍ୟକ୍ତି ଅବଧେଶଙ୍କ ସହ ଫୋନ୍‌ରେ ସେମାନଙ୍କୁ କଥା କରାଇଥିଲେ । ପରେ ରାତିରେ ଟଙ୍କା ବୋଝେଇ ଗାଡ଼ି କଟକରୁ ଭାୟା ଅନୁଗୁଳ-ସମ୍ବଲପୁର-ବରଗଡ଼-ସୋହେଲା-ନୂଆପଡ଼ା-ଖରିଆରରୋଡ ଦେଇ ଛତିଶଗଡ଼ରେ ପ୍ରବେଶ କରିଥିଲେ । ୧୯ ତାରିଖ ସକାଳୁ ମହାସମୁନ୍ଦ ଜିଲ୍ଲା ଖଲ୍ଲାରୀ ଥାନା ଅଞ୍ଚଳରେ ପୁଲିସ ଯାଞ୍ଚବେଳେ ସେମାନେ ଧରାପଡ଼ିଥିଲେ । ସମ୍ପୂର୍ଣ୍ଣ ତଥ୍ୟ ସେମାନେ ଜେରାବେଳେ ସ୍ପଷ୍ଟ କରିଥିବା ଖଲ୍ଲାରୀ ଥାନାଧିକାରୀ ସ୍ୱରାଜ ତ୍ରିପାଠୀ କହିଛନ୍ତି ।
ସେମାନେ କେଉଁ ସ୍ଥାନକୁ ଯାଇଥିଲେ? କିଏ ଓ କାହିଁକି ତାଙ୍କୁ ଏତେ ମୋଟା ରକମର ଟଙ୍କା ଦେଲା ସେ ବିଷୟରେ ଏମାନଙ୍କ ପାଖରେ କୌଣସି ସୂଚନା ନଥିଲା । କେବଳ ମାଲିକର କହିବା ଅନୁସାରେ ଫିଲ୍ମ ଷ୍ଟାଇଲରେ ଡିଲ୍‌ କରି କାମ କରିଥିଲେ । ଏ ସମ୍ପର୍କରେ ମହାସମୁନ୍ଦ ଏସ୍‌ପି ଦେବବ୍ରତ ସିରୋମୋର କହିଛନ୍ତି, ଡିଲ ହୋଇଥିବା ସ୍ଥାନ ପ୍ରଥମେ କଟକ ବୋଲି ସେମାନେ କହୁଥିଲେ । ଏବେ ଭୁବନେଶ୍ୱର ବୋଲି କହୁଛନ୍ତି । ଓଡ଼ିଶା ପୁଲିସ ଏହାର ତଦନ୍ତ କରୁଛି । ଅବଧେଶଙ୍କୁ ଡକାଯାଇଛି, ହେଲେ ସେ ଆସିନାହିଁ । ଫେରାର ଥିବା ସନ୍ଦେହ କରାଯାଉଛି । ଘଟଣାର ତଦନ୍ତ ଚାଲିଛି । ଖୁବ୍‌ଶୀଘ୍ର ସତ୍ୟସତ୍ୟ ସାମ୍ନାକୁ ଆସିବ ଏବଂ ଚିତ୍ର ସ୍ପଷ୍ଟ ହୋଇଯିବ ବୋଲି ଏସ୍‌ପି ସିରୋମୋର କହିଛନ୍ତି ।