PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ବିଧାନସଭା ମହାସମର, ୧୪୭ ପାଇଁ ୧୧୩୭ ଯୋଦ୍ଧା

source:www.cityofenderby.com

ଭୁବନେଶ୍ୱର,୧୩ା୪(ବ୍ୟୁରୋ): ସାଧାରଣ ନର୍ବିାଚନ ସହ ସମାନ୍ତରାଳ ଭାବେ ଓଡ଼ିଶାରେ ଚାଲିଛି ବିଧାନସଭା ମହାସମର । ୧୪୭ଟି ଆସନ ହାତେଇବା ପାଇଁ ଯୁଦ୍ଧକ୍ଷେତ୍ରକୁ ଓହ୍ଲାଇଛନ୍ତି ୧,୧୩୭ ଯୋଦ୍ଧା । କିନ୍ତୁ ଗଣତନ୍ତ୍ରର ଏ ମହାଯୁଦ୍ଧରେ ପ୍ରାର୍ଥୀମାନଙ୍କ ଭାଗ୍ୟ ନିର୍ଦ୍ଧାରଣ କରିବେ ଓଡ଼ିଶାର ୩ କୋଟି ୨୪ ଲକ୍ଷରୁ ଅଧିକ ଭୋଟର । ଯଦିଓ ୨୦୧୪ ନିର୍ବାଚନ ତୁଳନାରେ ଓଡ଼ିଶାରେ ଭୋଟର ସଂଖ୍ୟା ୩୨ ଲକ୍ଷ ୭୨ ହଜାର ୫୮୮ ବଢ଼ିଛି, ପ୍ରାର୍ଥୀ ସଂଖ୍ୟା କିନ୍ତୁ କମିଛି ।

୨୦୧୪ ନିର୍ବାଚନ ବେଳେ ଓଡ଼ିଶାରେ ୨ କୋଟି ୯୧ ଲକ୍ଷ ୯୬ ହଜାର ୪୭ ଜଣ ଭୋଟର ଥିଲେ । ଚଳିତ ନିର୍ବାଚନରେ ଏହି ସଂଖ୍ୟା ବଢ଼ି ୩ କୋଟି ୨୪ ଲକ୍ଷ ୬୮ ହଜାର ୬୩୫ରେ ପହଞ୍ଚିଛି । ଅପରପକ୍ଷେ ଗତ ବିଧାନସଭା ନିର୍ବାଚନରେ ରାଜ୍ୟରେ ୧,୪୨୦ ଜଣ ପ୍ରାର୍ଥୀ ନିର୍ବାଚନ ଲଢ଼ିଥିଲେ । ଏଥର କିନ୍ତୁ ସେମାନଙ୍କ ସଂଖ୍ୟା ୨୦% କମି ୧,୧୩୭ରେ ପହଞ୍ଚିଛି ।

ଓଡ଼ିଶା ମୁଖ୍ୟ ନିର୍ବାଚନ ଅଧିକାରୀ (ସିଇଓ) ଙ୍କ ନିକଟରୁ ହସ୍ତଗତ ତଥ୍ୟ ମୁତାବକ, ୪ଟି ପର୍ଯ୍ୟାୟରେ ବିଧାନସଭା ନିର୍ବାଚନ ଲଢ଼ୁଥିବା ୧,୧୩୭ ଜଣ ପ୍ରାର୍ଥୀଙ୍କ ମଧ୍ୟରେ ପୁରୁଷଙ୍କ ଅନୁପାତ ୯୧% ରହିଛି । ମହିଳାଙ୍କ ଅନୁପାତ ୧୦%ରୁ କମ୍‌ (୯.୮୫%) ରହିଛି । ପ୍ରାର୍ଥୀଙ୍କ ମଧ୍ୟରେ ୧,୦୨୩ ଜଣ ପୁରୁଷ, ୧୧୨ ଜଣ ମହିଳା ଓ ୨ ଜଣ ତୃତୀୟ ଲିଙ୍ଗୀ ଅଛନ୍ତି । କିନ୍ତୁ ୨୦୧୪ ନିର୍ବାଚନ ବେଳେ ବିଧାନସଭା ପ୍ରାର୍ଥୀଙ୍କ ମଧ୍ୟରେ ୧,୩୦୩ ଜଣ ପୁରୁଷ ଓ ୧୧୭ ଜଣ ମହିଳା ରହିଥିଲେ । ଏଥରୁ ଗୋଟିଏ କଥା ସ୍ପଷ୍ଟ ହେଉଛି ଯେ ବିଜେଡି ମୁଖିଆ ନବୀନ ପଟ୍ଟନାୟକ ସଂସଦରେ ମହିଳାଙ୍କ ପାଇଁ ୩୩% ସଂରକ୍ଷଣ ଦାବି କରି ଲୋକସଭା ଆସନ ପାଇଁ ୩୩% ମହିଳାଙ୍କୁ ପ୍ରାର୍ଥୀ କରିଛନ୍ତି । ଏହାସତ୍ତେ୍ୱ ବିଧାନସଭାରେ ମହିଳା ପ୍ରାର୍ଥୀଙ୍କ ସଂଖ୍ୟା ଢେର୍‌ କମ୍‌ ରହିଛି ।

ଏପରିକି ଏହା ୨୦୧୪ରେ ଥିବା ମହିଳା ପ୍ରାର୍ଥୀଙ୍କ ତୁଳନାରେ ଏହା କମ୍‌ ରହିଛି । ସବୁଠୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି, ଓଡ଼ିଶାରେ ପ୍ରଥମ ଥର ପାଇଁ ୨ ଜଣ ତୃତୀୟ ଲିଙ୍ଗୀ (କିନ୍ନର) ଦଳୀୟ ଟିକେଟ୍‌ରେ ନିର୍ବାଚନକୁ ଓହ୍ଲାଇଛନ୍ତି । ବହୁଜନ ସମାଜବାଦୀ ପାର୍ଟି (ବିଏସ୍‌ପି) ଟିକେଟ୍‌ରେ କାଜଲ କିନ୍ନର କୋରେଇ ବିଧାନସଭାରୁ ନିର୍ବାଚନ ଲଢ଼ୁଥିବା ବେଳେ ଅଖିଳ ଭାରତ ହିନ୍ଦୁ ମହାସଭା ଟିକେଟ୍‌ରେ ଶୀତଲ କିନ୍ନର କଟକ-ବାରବାଟୀ ବିଧାନସଭା ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି ।

ସିଇଓଙ୍କ କାର୍ଯ୍ୟଳୟରୁ ମିଳିଥିବା ତଥ୍ୟ ଅନୁସାରେ, ଚଳିତ ନିର୍ବାଚନରେ ୩ କୋଟି ୨୪ ଲକ୍ଷ ୬୮ ହଜାର ୬୩୫ ଜଣ ଭୋଟର ନିଜର ମତାଧିକାର ସାବ୍ୟସ୍ତ କରିବେ । ସେମାନଙ୍କ ମଧ୍ୟରେ ୧ କୋଟି ୬୬ ଲକ୍ଷ ୨୫ ହଜାର ୫୫୫ ଜଣ ପୁରୁଷ ଭୋଟର ଅଛନ୍ତି । ୧ କୋଟି ୫୮ ଲକ୍ଷ ୪୦ ହଜାର ୧୩୮ ଜଣ ମହିଳା ଓ ୨,୯୪୩ ଜଣ ତୃତୀୟ ଲିଙ୍ଗୀ ଭୋଟର ରହିଛନ୍ତି । ଭୋଟରଙ୍କ ସଂଖ୍ୟା ବଢ଼ିଥିବାରୁ ନିର୍ବାଚନ ଆୟୋଗ ଏଥର ପୋଲିଂ ବୁଥ୍‌ ସଂଖ୍ୟା ମଧ୍ୟ ବଢ଼ାଇଛନ୍ତି । ୨୦୧୪ ନିର୍ବାଚନ ବେଳେ ରାଜ୍ୟରେ ୩୫,୯୫୯ଟି ବୁଥ୍‌ ଥିଲା । ଚଳିତ ଥର ନିର୍ବାଚନରେ ବୁଥ୍‌ ସଂଖ୍ୟା ୧,୬୪୭ ବଢ଼ି ୩୭,୬୦୬ରେ ପହଞ୍ଚିଛି ।