PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡ଼ିଶା: ୨୪ ଘଣ୍ଟାରେ ଚିହ୍ନଟ ହେଲେ ୧୧ ହଜାର ୮୦୫ ଜଣ କରୋନା ପଜିଟିଭ, ୨୧ ଜଣଙ୍କ ଜୀବନ ନେଲା ମହାମାରୀ
  • ||
  • ବାଲେଶ୍ଵର : ଭାରସାମ୍ୟ ହରାଇ ପୋଲ ତଳକୁ ଖସିଲା କାର୍, ୩ ମୃତ ୨ ଗୁରୁତର
  • ||
  • OJEE: ଜୁନ୍‌ ୧୫ ଯାଏ ଛାତ୍ରଛାତ୍ରୀମାନେ ଅନ୍‌ଲାଇନ୍‌ରେ ଆବେଦନ କରିପାରିବେ, ଜୁନ୍‌ ୧୭ତାରିଖ ସୁଦ୍ଧା ଅନ୍‌ଲାଇନ୍‌ରେ ଫି’ଦାଖଲ କରିପାରିବେ
  • ||
  • ପୁରୀ:ଏ ବର୍ଷ ବି ବିନା ଭକ୍ତରେ ହେବ ବିଶ୍ଵ ପ୍ରସିଦ୍ଧ ରଥଯାତ୍ରା, କେବଳ ସେବାୟତ ଟାଣିବେ ରଥ
  • ||
  • ପୁରୀ: ଆଜି ମହାପ୍ରଭୁଙ୍କ ବାହାର ଚନ୍ଦନ ଯାତ୍ରା, ମେ ୧୫ରୁ ଜୁନ୍‌ ୬ ଯାଏଁ ୧୪୪ ଧାରା ଜାରି
  • ||
  • ଚାଷୀ କୂଳ ପାଇଁ ଖୁସି ଖବର: ମେ’ ୩୧ରେ କେରଳ ଛୁଇଁବ ମୌସୁମୀ,ଜୁନ୍ ୧୦ରୁ ୧୨ ସୁଦ୍ଧା ଓଡ଼ିଶା
  • ||
  • ଆଜି ପବିତ୍ର ଅକ୍ଷୟ ତୃତୀୟା, ମାଟି ମା’କୁ ପୂଜା କରି ଚାଷ କାମ ଅନୁୁକୂଳ କରିବେ ଚଷା ପୁଅ
  • ||

ବିଚିତ୍ର ନ୍ୟାୟ ବ୍ୟବସ୍ଥା! ୧୨ ଟଙ୍କାର ମାମଲା, ୧୫ ବର୍ଷ ପରେ ନୋଟିସ୍

ନବରଙ୍ଗପୁର ୨୬/୧୨: ୧୨ ଟଙ୍କାର ଖାଉଟି ମାମଲା ପାଇଁ ୧୫ ବର୍ଷ ପରେ ଆସିଲା ନୋଟିସ । ତାହାପୁଣି ପୁଣି ଧାର୍ଯ୍ୟ ସମୟର ୨ ଦିନ ପରେ ଉପଭୋକ୍ତାଙ୍କୁ ମିଳିଛି । ଏଭଳି ଏକ ଘଟଣା ଏବେ ନବରଙ୍ଗପୁର ଜିଲ୍ଲାରେ ଚର୍ଚ୍ଚାର ବିଷୟ ସାଜିଛି ।

ଘଟଣାରୁ ପ୍ରକାଶ, ୨୦୦୩ ମସିହା ମେ ୧୬ରେ ନବରଙ୍ଗପୁରର ଜଣେ ଗାଡ଼ି ମାଲିକ ତଥା ଡିଜେଲ ଉପଭୋକ୍ତା ଏନ୍‌. ପରମେଶ୍ୱରନ୍‌ ମାଝୀଗୁଡ଼ା ସ୍ଥିତ ଏକ ଡିଜେଲ ପମ୍ପରୁ ତାଙ୍କ ଜିପ୍‌ (ଓଆର ୧୦ ଏ ୭୯୮୮)ରେ ୧୦ଲିଟର ଡିଜେଲ ଭରିଥିଲେ । ସେହିଦିନ ସରକାର ଡିଜେଲ୍‌ ଲିଟର ପିଛା ୧ ଟଙ୍କା ୧୦ ପଇସା ଦର ହ୍ରାସ କରିଥିବା ଘୋଷଣା କରିଥିଲେ। ଡିଜେଲ ପମ୍ପ ମାଲିକ ଦର ହ୍ରାସ ପାଇବା ପରେ ବି ପୁରୁଣା ତଥା ଚଢ଼ା ଦର ନେଇଥିଲେ । ଲିଟର ପିଛା ୨୨ ଟଙ୍କା ୯୬ ପଇସା ହିସାବରେ ୧୦ ଲିଟରକୁ ୨୨୯ ଟଙ୍କା ୬୦ ପଇସା ନେଇଥିଲେ । ଲିଟର ପିଛା ୧ ଟଙ୍କା ୨୧ ପଇସା ହିସାବରେ ୧୨ ଟଙ୍କା ୧୦ ପଇସା ପମ୍ପମାଲିକ ଅଧିକ ନେଇଥିଲେ । କିନ୍ତୁ ସେହିଦିନ ଅନ୍ୟ ଏକ ଡିଜେଲ ପମ୍ପରୁ ଲିଟର ପିଛା ସରକାର ହ୍ରାସ କରିଥିବା ଦର ୨୧ଟା ୭୫ ଟଙ୍କାରେ ସେ ୨ ଲିଟର ଡିଜେଲ କ୍ରୟ କରିଥିଲେ । ମାଝୀଗୁଡା ପମ୍ପମାଲିକ ଅଧିକ ଟଙ୍କା ନେଇଥିବାରୁ ତାଙ୍କ ସହ ଏନ୍‌. ପରମେଶ୍ୱରନଙ୍କ ଯୁକ୍ତିତର୍କ ହୋଇଥିଲା । କିନ୍ତୁ କୌଣସି ସୁଫଳ ମିଳି ନଥିଲା । ଶେଷରେ ନ୍ୟାୟ ପାଇଁ ଦୁଇଟି ଡିଲେଜ୍‌ଲ ପମ୍ପ ରସିଦକୁ ନେଇ ପରମେଶ୍ୱରନ୍‌ ନବରଙ୍ଗପୁର ଖାଉଟି ଅଦଲତଙ୍କ ଦ୍ୱାରସ୍ଥ ହୋଇଥିଲେ ।

ଖାଉଟି ଅଦାଲତ ଏହି ମାମଲାର ବିଚାର କରି ୨୦୦୩ରେ ଡିଜେଲ ପମ୍ପମାଲିକଙ୍କୁ ଅର୍ଥଦଣ୍ଡରେ ଦଣ୍ଡିତ କରିଥିଲେ । ୫ହଜାର ଟଙ୍କା ସହ ମକଦ୍ଦମା ଖର୍ଚ୍ଚ ବାବଦକୁ ୧ ହଜାର ଟଙ୍କା ସମୁଦାୟ ୬ହଜାର ଟଙ୍କା ଉପଭୋକ୍ତା ପରମେଶ୍ୱରନ୍‌ଙ୍କୁ ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ । ଏହି ନିର୍ଦ୍ଦେଶକୁ ଚାଲେଞ୍ଜ କରି ଡିଜେଲପମ୍ପ ମାଲିକ ରାଜ୍ୟ ଖାଉଟି ଅଦାଲତରେ ୨୦୦୪ରେ ଅପିଲ୍‌ କରିଥିଲେ । ପମ୍ପମାଲିକଙ୍କ ଅପିଲ୍‌କୁ ବିଚାର କରି ରାଜ୍ୟ ଖାଉଟି ଅଦାଲତ ଉପଭୋକ୍ତାଙ୍କୁ ୧୫ ବର୍ଷ ପରେ ଅର୍ଥାତ ୨୦୧୯ ଡିସେମ୍ବର ୨୦ ତାରିଖରେ ରାଜ୍ୟ ଖାଉଟି ଅଦାଲତ କଟକରେ ହାଜର ହେବାକୁ ନୋଟିସ୍‌ ଜାରି କରିଛନ୍ତି । କିନ୍ତୁ ବିଡ଼ମ୍ବନାର ବିଷୟ ଏହି ନୋଟିସ୍‌ ୨୦ ତାରିଖ ଚାଲିଯିବା ପରେ ଅର୍ଥାତ ଡିସେମ୍ବର ୨୩ ତାରିଖରେ ପରମେଶ୍ୱରନ୍‌ଙ୍କ ନିକଟକୁ ଡାକ ଯୋଗେ ପହଞ୍ଚିଛି । ନୋଟିସ ପାଇବା ପରେ ପରମେଶ୍ୱରନ କହିଛନ୍ତି, ଖାଉଟି ମାମଲା ମାତ୍ର ୬ ମାସ ମଧ୍ୟରେ ଫଇସଲା ହେବା କଥା । କିନ୍ତୁ ଦୁର୍ଭାଗ୍ୟ ୧୫ ବର୍ଷ ପରେ ବିଚାର ପ୍ରକ୍ରିୟା ଆରମ୍ଭ କରିବାକୁ ନୋଟିସ୍‌ ଆସିଛି । ଏହି ମାମଲାର ଫଇସଲା ହେବାକୁ ଆଉ କେତେ ବର୍ଷ ଲାଗିବ ବୋଲି ସେ ପ୍ରଶ୍ନ ଉଠାଯାଇଛନ୍ତି ।