PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜାଗର ଯାତ୍ରା ପାଇଁ ଜାରି ହେଲା କଟକଣା , ମନ୍ଦିର ଭିତରେ ଓ ବାହାରେ ଗହଳି ହେବା ଓ ମେଳା ବସିବା ନେଇ ମଧ୍ୟ ଲାଗିଲା କଟକଣା , ଏସ୍‌ଆର୍‌ସି ପକ୍ଷରୁ କଟକଣା ଜାରି
  • ||
  • ରାଇରଙ୍ଗପୁର: ମହିଳାଙ୍କୁ ଟାଙ୍ଗିଆ ହାଣି ହତ୍ୟା କରିବା ପରେ ଜାମଦା ଥାନାରେ ଆତ୍ମ ସମର୍ପଣ ଯୁବକ
  • ||
  • କୋରାପୁଟ: ସ୍କର୍ପିଓକୁ ପିଟିଲା ମାଲବାହୀ ଟ୍ରେନ, ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • ସୁନ୍ଦରଗଡ଼: ଭିଜିଲାନ୍ସ ଜାଲରେ ପଡ଼ିଲେ ବଡଗାଁ ସହକାରୀ ଯନ୍ତ୍ରୀ, ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ପୈତୃକ ଗ୍ରାମ ସହ ଲେଫ୍ରିପଡା ବାସଭବନ ଚାଲିଛି ରେଡ଼
  • ||
  • ଭୁବନେଶ୍ବର: ଆଜି ଟ୍ୱିନ୍ ସିଟିର ପୋଲିସ କମିଶନର ଭାବେ ଦାୟିତ୍ୱ ନେବେ ବରିଷ୍ଠ ଆଇପିଏସ୍‌ ସୌମେନ୍ଦ୍ର ପ୍ରିୟଦର୍ଶୀ
  • ||
  • କୋଲକାତା : କୋଲକାତା ଅଗ୍ନିକାଣ୍ଡ ଘଟଣା, ମୃତକଙ୍କ ସଂଖ୍ୟା ୯କୁ ବୃଦ୍ଧି, ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କାର ସହାୟତା ରାଶି ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ବଲାଙ୍ଗୀର: ବରଯାତ୍ରୀ ଯାଇଥିଲେ ଯୁବକ, କନିଆଁ ଘର ନିକଟ ଡ୍ରେନରେ ପଡି ଆଖିବୁଜିଲେ
  • ||
  • ଭଞ୍ଜନଗର : ଜଳୁଛି ଗଞ୍ଜାମ ଜିଲ୍ଲା ଭଞ୍ଜନଗର ଉତ୍ତର ଘୁମୁସର ବନଖଣ୍ଡ, ନିଆଁ ଲିଭାଇବାକୁ ଅସକ୍ଷମ ପାଲଟିଛି ବନ ବିଭାଗ, ଗାଁ ମୁହାଁ ବନ୍ୟଜନ୍ତୁ
  • ||

କୋର୍ଟରେ ପଡ଼ିରହିଛି ୧୩ଲକ୍ଷ ୧୭ହଜାର ମାମଲା

ଭୁବନେଶ୍ୱର,୭ା୨(ବ୍ୟୁରୋ): ଓଡ଼ିଶାର ବିଭିନ୍ନ କୋର୍ଟରେ ପଡ଼ି ରହିଛି ଲକ୍ଷ ଲକ୍ଷ ମାମଲା । କେଉଁଠି ବିଚାରପତି ନାହାନ୍ତି ତ ଆଉ କେଉଁ କୋର୍ଟରେ ପଦ ପୂରଣ ହେଉନାହିଁ । ଫଳରେ ମାମଲା ବିଚାରରେ ବିଳମ୍ବ ହେଉଛି । ବିଧାନସଭା ରିପୋର୍ଟ କହୁଛି, ୩୦ ଜିଲ୍ଲାରେ ସମୁଦାୟ ୧୩ ଲକ୍ଷ ୧୭ ହଜାର ୧୧୭ଟି ମାମଲା ବିଚାର ପାଇଁ ପଡ଼଼ି ରହିଛି । ପଡୋଶୀ ପଶ୍ଚିମବଙ୍ଗ ଠାରୁ ଓଡ଼ିଶାରେ ୪୨ ପ୍ରତିଶତରୁ ଅଧିକ ମାମଲା ବିଚାର ଅପେକ୍ଷାରେ ଅଛି । ଏ ଦିଗରେ ସରକାର ଅଧିକ ନଜର ଦେଉନାହାନ୍ତି । ସେଥିପାଇଁ ବର୍ଷକୁ ବର୍ଷ ମାମଲାର ଭାର ବଢ଼ି ଚାଲିଛି ।
ରିପୋର୍ଟ ମୁତାବକ ସମୁଦାୟ ୧୩ ଲକ୍ଷ ୧୭ ହଜାର ୧୧୭ଟି ମାମଲା ବିଚାର ପାଇଁ କୋର୍ଟଗୁଡ଼ିକରେ ପଡ଼଼ିରହିଛି । ସେଥିମଧ୍ୟରୁ ୧୦ ଲକ୍ଷ ୧୧ ହଜାର ୪୬୫ଟି ଅପରାଧିକ (କ୍ରିମିନାଲ) ମାମଲା ଥିବା ବେଳେ ୩ ଲକ୍ଷ ୫ ହଜାର ୬୫୨ ଟି ଦେୱାନି(ସିଭିଲ୍‌) । ଖୋର୍ଦ୍ଧା ଜିଲ୍ଲାର ବିଭିନ୍ନ କୋର୍ଟରେ ସର୍ବାଧିକ ୪୫ ହଜାର ୧୧୯ ଟି ଦେୱାନି ମାମଲା ଓ ୧ ଲକ୍ଷ ୩ ହଜାର ୨୯୭ଟି ଅପରାଧିକ ମାମଲା ବିଚାରାଧୀନ ରହିଛି । ସବୁଠାରୁ କମ୍‌ ମାମଲା ରହିଛି ମାଲକାନଗିରି ଜିଲ୍ଳାରେ । ଏହି ଜିଲ୍ଲାରେ ମାତ୍ର ୩୪୦ ଟି ଦେୱାନି ଓ ୫,୮୮୪ ଟି ଅପରାଧିକ ମାମଲା ପଡ଼ିରହିଛି ।
ମାମଲା ବିଚାରଧୀନ ଭାବେ ପଡ଼ିରହିବାର ଅନେକ କାରଣ ରହିଛି । ଏହାର ପ୍ରମୁଖ କାରଣ ହେଲା ଅନେକ କୋର୍ଟରେ ମୋଟ ଉପରେ ବିଚାରପତି ନାହାନ୍ତି । ରିପୋର୍ଟରୁ ଜଣାପଡ଼ିଛି ୫୬ ବିଚାରପତିଙ୍କ ପଦବି ଖାଲି ରହିଛି । ସେଥିମଧ୍ୟରୁ ୮ଟି ଜିଲ୍ଳା ଜଜ୍‌, ୭ ଟି ବରିଷ୍ଠ ସିଭିଲ୍‌ ଜଜ୍‌ ଓ ୪୧ ଟି ସିଭିଲ୍‌ ଜଜ୍‌ ପଦବୀ ଖାଲିପଡ଼ିଛି । ଏ ବିଷୟରେ ଆଇନ୍‌ ମନ୍ତ୍ରୀ ପ୍ରତାପ ଜେନା କହିଛନ୍ତି, ଖାଲି ପଦବି ଗୁଡ଼ିକ ପୂରଣ ଦିଗରେ ବିହିତ ପଦକ୍ଷେପ ଗ୍ରହଣ କରାଯାଉଛି ।

ସମ୍ବନ୍ଧିତ ଖବର