ନୂଆଦିଲ୍ଲୀ, ୨୭/ ୦୧: ନୂଆ କୃଷି ଆଇନ୍କୁ ବିରୋଧ କରି ପବିତ୍ର ଗଣତନ୍ତ୍ର ଦିବସ ଅବସରରେ ରାଜଧାନୀ ଦିଲ୍ଲୀରେ ଟ୍ରାକ୍ଟର ପରେଡ କରିଥିଲେ ଆନ୍ଦୋଳନରତ କୃଷକ। ଗତକାଲି (ମଙ୍ଗଳବାର) ୭୨ ତମ ସାଧାରଣତନ୍ତ୍ର ଦିବସ ଅବସରରେ ଆନ୍ଦୋଳନରତ କୃଷକ ମାନେ ରାଜଧାନୀ ଦିଲ୍ଲୀରେ ଟ୍ରାକ୍ଟର ପରେଡ୍ କରିଥିଲେ। ପରେ ରାଜଧାନୀ ଦିଲ୍ଲୀ ଓ ପାଖାପାଖୀ ଅଞ୍ଚଳରେ ହୋଇଥିଲା ହିଂସାକାଣ୍ଡ। କୃଷକ ନେତାଙ୍କ ଉତ୍ପାତ ପରେ ଦିଲ୍ଲୀ ପୁଲିସ ଆକ୍ସନ୍ ମୁଡରେ। ଗଣତନ୍ତ୍ର ଦିବସ ଅବସରରେ ହୋଇଥିବା ଟ୍ରାକ୍ଟର ପରେଡରେ ଯେଉଁ କୃଷକ ମାନେ ଯେଉଁ ଉନ୍ମୁକ୍ତ କାଣ୍ଡ ଭିଆଇ ଥିଲେ ସେ ନେଇ ୧୫ଟି ଏତଲା ରୁଜୁ କରିଛି ଦିଲ୍ଲୀ ପୁଲିସ। ଅଧିକ ଅଭିଯୋଗ ଆସିଲେ ଆହୁରି ମାମଲା ରୁଜୁ କରିବୁ ବୋଲି ଦିଲ୍ଲୀ ପୁଲିସ ପକ୍ଷରୁ କୁହାଯାଇଛି।
wp:embed {"url":"https://twitter.com/ANI/status/1354254267863842816","type":"rich","providerNameSlug":"twitter","responsive":true,"className":""}ଏଥିସହିତ ଦିଲ୍ଲୀରେ ୧୫ ସିଆରପିଏଫ୍ ଫୋର୍ସ ମୁତୟନ ଥିବା ବେଳେ ହରିୟାଣା ଓ ପଞ୍ଜାବରେ ହାଇଆର୍ଲଟ ଜାରି ହୋଇଛି। ଦିଲ୍ଲୀ ପୁଲିସର ଜଣେ ଅଧିକାରୀ କହିଛନ୍ତି ଯେ, ପୂର୍ବ ଜିଲ୍ଲାରେ ତିନୋଟି ଏତଲା ଦାୟର ହୋଇଥିବା ବେଳେ ଦ୍ବାରାକାରେ ୩ ଓ ଶାହଦରା ଜିଲ୍ଲାରେ ଗୋଟିଏ ଏତଲା ପୁଲିସ ପକ୍ଷରୁ ଦାୟର କରାଯାଇଛି। ଇଷ୍ଟନରେଞ୍ଜରେ କେବଳ ୫ଟି ମାମଲା ରୁଜୁ କରିଛି ପୁଲିସ। ଟ୍ରାକ୍ଟର ରାଲି ପାଇଁ ଦିଆଯାଇଥିବା ସର୍ତ୍ତ ଉଲଂଘନ କରିଥିବାରୁ ଏତଲା ରୁଜୁ ହୋଇଥିବା ଜଣେ ପୁଲିସ ଅଧିକାରୀ ସୂଚନା ଦେଇଛନ୍ତି।
ଏଥିସହିତ ଦିଲ୍ଲୀ ପୁଲିସ ପକ୍ଷରୁ କୁହାଯାଇଛି ଯେ, ଦିଲ୍ଲୀରେ ନୂଆ କୃଷି ଆଇନକୁ ବିରୋଧ କରି ଟ୍ରାକ୍ଟର ମାର୍ଚ୍ଚ ବେଳେ ଘଟିଥିବା ହିଂସାକାଣ୍ଡରେ ପାଖାପାଖୀ ୮୬ ଜଣ ପୁଲିସ କର୍ମୀ ଆହତ ହୋଇଛନ୍ତି। ଏଥିସହିତ ଜଣଙ୍କ ଉପରେ ଟ୍ରାକ୍ଟର ଓଲଟିପଡ଼ିବାରୁ ତାଙ୍କର ମୃତ୍ୟୁ ହୋଇଥିବା ସୂଚନା ଦେଇଛି ଦିଲ୍ଲୀ ପୁଲିସ।
ଦିଲ୍ଲୀ ପୁଲିସ ପକ୍ଷରୁ ଆହୁରି କୁହାଯାଇଛି ଯେ, ଯବାନମାନେ ସମସ୍ତ ସର୍ତ୍ତ ଅନୁପାଳନ କରିବା ପାଇଁ ସମସ୍ତ ପ୍ରକାର ପ୍ରୟାସ କରିଥିଲେ। ହେଲେ ଆନ୍ଦୋଳନରତ କୃଷକ ମାନେ ନିର୍ଦ୍ଦାରିତ ସମୟ ପୂର୍ବରୁ ଟ୍ରାକ୍ଟର ମାର୍ଚ୍ଚ ଆରମ୍ଭ କରିଦେଇଥିଲେ। ଯାହାଫଳରେ ତାଙ୍କୁ ରୋକିବା କଷ୍ଟକର ହୋଇ ଯାଇଥିଲା। ଏବେ ସିସିଟିଭି ଫୁଟେଜରୁ ହିଂସାକାଣ୍ଡ ଭିଆଇ ଥିବା କୃଷକ ମାନଙ୍କୁ ଚିହ୍ନଟ କରୁଛି ଦିଲ୍ଲୀ ପୁଲିସ।
ଅପରପକ୍ଷେ ଦିଲ୍ଲୀ ପୁଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଭୟାନକ ଭାବେ ଟ୍ରାକ୍ଟର ଚଳାଇ ପୁଲିସ ଉପରକୁ ଆକ୍ରମଣ ପାଇଁ ପ୍ରୟାସ କରାଯାଇଥିଲା। ବିଭିନ୍ନ ସ୍ଥାନରେ ପ୍ରଦର୍ଶନକାରୀମାନେ ବ୍ୟାପକ ଭଙ୍ଗାରୁଜା କରିଥିଲେ। ସାଧାରଣ ଜନତାଙ୍କ ସମ୍ପତ୍ତି ମଧ୍ୟ ଏଥିରେ ନଷ୍ଟ ହୋଇଥିବା ସେ କହିଛନ୍ତି।
