PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇସ୍ତଫା ଦେଲେ ଦିଲ୍ଲୀ ଉପରାଜ୍ୟପାଳ ଅନୀଲ ବୈଜଲ, ରାଷ୍ଟ୍ରପତିଙ୍କୁ ପଠାଇଲେ ଇସ୍ତଫା ପତ୍ର
  • ||
  • ଜ୍ଞାନବାପୀ ମସଜିଦ ବିବାଦ: ଶିବ ଲିଙ୍ଗକୁ ନେଇ ଆପତ୍ତିଜନକ ମନ୍ତବ୍ୟ ପଡିଲା ମହ‌ଙ୍ଗା, AIMIM ନେତା ଦାନିଶ କ୍ୟୁରେସୀ ଗିରଫ
  • ||
  • ଦେବଗଡ଼ : ମଦ ନିଶାରେ ଭୁଲିଗଲା ରକ୍ତ ସମ୍ପର୍କ, ଜନ୍ମକଲା ପୁଅକୁ କଟୁରୀରେ ହାଣି ହତ୍ୟାକଲା ସଇତାନ ବାପା
  • ||
  • ଭୁବନେଶ୍ଵର : ତିର୍ତ୍ତୋଲ ବିଧାୟକଙ୍କ କୋର୍ଟ ମ୍ୟାରେଜ୍‌କୁ ନେଇ ପରିବାରରେ ଅସନ୍ତୋଷ, ଆତ୍ମହତ୍ୟା ଉଦ୍ୟମ କଲେ ବିଜୟଙ୍କ ମାଆ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ଵର : ବରମୁଣ୍ଡା ତ୍ରିନାଥ ମନ୍ଦିର ନିକଟରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର
  • ||
  • ପୁରୀ : ଜୀବନ ନେଲା ମୁକୁଳା ଡ୍ରେନ୍ ! ପୁରୀ ବଡଦାଣ୍ଡ ନାଳରୁ ଯୁବକଙ୍କ ମୃତଦେହ ଉଦ୍ଧାର
  • ||
  • କଟକ : ପାଣି ଟାଙ୍କି ତଳୁ ଯୁବତୀଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||

ଏମାସରେ ଆସିବ ଆଉ ସାଢ଼େ ୧୯ ଲକ୍ଷ ଟିକା, ଅତିରିକ୍ତ ଟିକା ଦେବାକୁ ବୈଠକରେ ରାଜ୍ୟର ଦାବି

pic-indiatoday

ଭୁବନେଶ୍ବର: ଅଗଷ୍ଟ ୨ ତାରିଖ ମଧ୍ୟରେ ରାଜ୍ୟକୁ ଆସିବ ଆଉ ପାଖାପାଖି ସାଢେ ୧୯ ଲକ୍ଷ ଟିକା । କୋଭିସିଲ୍ଡର ୧୫ ଲକ୍ଷ ୯୨ ହଜାର ୭୭୦ ଡୋଜ୍‌ ଆଉ କୋଭାକ୍ସିନ୍‌ର ୩ ଲକ୍ଷ ୪୬ ହଜାର ୧୧୦ ଡୋଜ୍‌ । ଏତିକି ଡୋଜ୍‌ ଆସିବାକୁ ଥିବା ବେଳେ ରାଜ୍ୟରେ କିନ୍ତୁ ଅନେକ ଲୋକ ଅନାଇ ବସିଛନ୍ତି ଦ୍ୱିତୀୟ ଡୋଜ୍‌ ପାଇଁ । ଅଧିକ ଲୋକଙ୍କୁ ଟିକା ଦେବାର କ୍ଷମତା ରାଜ୍ୟର ରହିଛି । ତେଣୁ ଅଧିକ ଡୋଜ୍‌ ଟିକା ଦେବାକୁ ପୁଣି ଦାବି ଦୋହରାଇଛି ଓଡ଼ିଶା । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ବୈଠକରେ ସାମିଲ ହୋଇ ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର କେନ୍ଦ୍ରର ଦୃଷ୍ଟି ଆକର୍ଷଣ କରିଛନ୍ତି । ଅଧିକ ଟିକା ମିଳୁନଥିବାରୁ ରାଜ୍ୟରେ ସଂକଟ ଦେଖାଯାଇଛି ।

କେନ୍ଦ୍ର କରିଥିବା ସିଡ୍ୟୁଲ୍‌ ଅନୁସାରେ, କୋଭିସିଲ୍ଡ ଟିକା ଆସନ୍ତା ୧୬ ତାରିଖରେ ୩ ଲକ୍ଷ ୩୪ ହଜାର ୫୮୦ ଡୋଜ୍‌, ୧୮ରେ ୨ ଲକ୍ଷ ଡୋଜ୍‌, ୨୪ରେ ୨ ଲକ୍ଷ ୬୮ ହଜାର ୪୧୦, ୨୮ ତାରିଖରେ ୨ ଲକ୍ଷ ୬୭ ହଜାର ୬୬୦ ଡୋଜ୍‌ ଆସିବ । ସମାନ ତାରିଖରେ ଆଉ ୨ ଲକ୍ଷ ୭୫୦ ଡୋଜ୍‌ ଆସିବ । ୩୧ ଜୁଲାଇରେ ୩ ଲକ୍ଷ ୨୧ ହଜାର ୩୭୦ ଡୋଜ୍‌ ଆସିବ । କୋଭାକ୍ସିନ୍‌ ଟିକା ଗତ ୧୩ ତାରିଖରେ ୩୮ ହଜାର ୭୬୦ ଡୋଜ୍‌ ଆସିଛି । ୨୨ ତାରିଖରେ ୩୭ ହଜାର ୫୦୦, ୨୪ରେ ୩୮ ହଜାର ୧୩୦, ୨୭ ତାରିଖରେ ୭୩ ହଜାର ୩୩୦ ଓ ଅଗଷ୍ଟ ୨ ତାରିଖରେ ୧ ଲକ୍ଷ ୫୮ହଜାର ୩୯୦ ଡୋଜ୍‌ ଆସିବ ।

ରାଜ୍ୟରେ ଏବେ ଦିନକୁ ୩ ଲକ୍ଷରୁ ଅଧିକ ଡୋଜ୍‌ ଦିଆଯାଇପାରିବ । ୧୫ ଦିନରେ ୪୦ ଲକ୍ଷରୁ ଅଧିକ ଡୋଜ୍‌ ଦିଆଯାଇପାରିବ ବୋଲି ଯୁକ୍ତି ବାଢିଛି । ବୁଧବାର ୫୬୫ କେନ୍ଦ୍ରରେ ୧ ଲକ୍ଷ ୪୬ ହଜାର ୯୪୭ ଜଣ ଟିକା ନେଇଛନ୍ତି । ୧୭ ଜଣ ସ୍ୱାସ୍ଥ୍ୟକର୍ମୀ ପ୍ରଥମ ଡୋଜ୍‌, ୧୪୩ ଜଣ ଦ୍ୱିତୀୟ ଡୋଜ, ୧୦ ଜଣ ସମ୍ମୁଖ ଯୋଦ୍ଧା ପ୍ରଥମ ଡୋଜ୍‌, ୭୦୫ ଜଣ ଦ୍ୱିତୀୟ ଡୋଜ୍‌ ନେଇଛନ୍ତି । ୧୮-୪୪ ବର୍ଷର ପ୍ରଥମ ଡୋଜ୍‌ ନେଇଛନ୍ତି ୫୨ ହଜାର ୪୮୨ ଜଣ । ଦ୍ୱିତୀୟ ଡୋଜ୍‌ ନେଇଛନ୍ତି ୯୨୨୨, ୪୫ ବର୍ଷରୁ ଅଧିକ ବର୍ଷର ୧୯ହଜାର ୫୫୯ ଜଣ ପ୍ରଥମ ଡୋଜ୍‌ ଓ ୬୪ ହଜାର ୮୦୯ ଜଣ ଦ୍ୱିତୀୟ ଡୋଜ୍‌ ନେଇଛନ୍ତି । ବର୍ତ୍ତମାନ ସୁଦ୍ଧା ୧ କୋଟି ୩୬ ଲକ୍ଷ ୭ହଜାର ୨୭୪ ଡୋଜ୍‌ ଦିଆସରିଲାଣି ।

ଏବେ ରାଜ୍ୟରେ ମାତ୍ର ୨ ଲକ୍ଷ ୬୨ ହଜାର ୬୦ ଡୋଜ୍‌ କୋଭିସିଲ୍ଡ ଓ ୨ ଲକ୍ଷ ୩୨ ହଜାର ୫୩୦ ଡୋଜ୍‌ କୋଭାକ୍ସିନ୍‌ ମହଜୁଦ୍‌ ରହିଛି । ଆସନ୍ତା କାଲି ୧୦୭୭ କେନ୍ଦ୍ରରେ ଟିକାଦାନ ହେବ । ବାଲେଶ୍ୱର, ଢେଙ୍କାନାଳ ଓ ନବରଙ୍ଗପୁର ଭଳି ଜିଲ୍ଲାରେ ଟିକାକରଣ ବନ୍ଦ ରହିବ ।