ଅପରାଜିତାଙ୍କ ପ୍ରଚାରବେଳେ ବିଜେପି କର୍ମୀଙ୍କୁ ଆକ୍ରମଣ, ୨ ଆହତ

ଭୁବନେଶ୍ୱର ୧୭/୪: ଖୋର୍ଦ୍ଧା ପରେ ଏବେ ରାଜଧାନୀରେ ପୁଣି ନିର୍ବାଚନୀ ହିଂସା ଦେଖିବାକୁ ମିଳିଛି । ଉତ୍ତର ଭୁବନେଶ୍ୱର ବିଜେପି ବିଧାୟକ ପ୍ରାର୍ଥୀ ଅପରାଜିତା ମହାନ୍ତିଙ୍କ ପ୍ରଚାର ସମୟରେ ଦଳୀୟ କର୍ମୀଙ୍କ ଉପରେ ଆକ୍ରମଣ ହୋଇଛି । ଆକ୍ରମଣରେ ବିଜେପିର ୨ କର୍ମୀ ଆହତ ହୋଇଛନ୍ତି ।

ଆଜି(ବୁଧବାର) ବିଜେପି କର୍ମୀମାନେ ପ୍ରଚାର କରୁଥିବା ସମୟରେ ଚନ୍ଦ୍ରଶେଖରପୁର ମଙ୍ଗଳା ବସ୍ତିରେ ହୋଇଥିଲା ଏହି ଆକ୍ରମଣ । କିଛି ଗୁଣ୍ଡା ଶ୍ରେଣୀର ଲୋକେ ବିଜେପିର ପ୍ରଚାର ଗାଡିକୁ ଭିତରକୁ ବସ୍ତି ଭିତରକୁ ପୂରାଇ ଦେଇନଥିଲେ । ଏପରିକି ଦଳୀୟ କର୍ମୀଙ୍କ ଉପରକୁ ଆକ୍ରମଣ କରିଥିଲେ । ଆକ୍ରମଣରେ ୨ ବିଜେପି କର୍ମୀ ଆହତ ହୋଇଛନ୍ତି । ଏନେଇ ବିଜେପି କର୍ମୀମାନେ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିଛନ୍ତି ।