PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ପୁରୀରେ ଦୁଇଟି ସିଏନ୍‌ଜି ଷ୍ଟେସନ ଉଦ୍‌ଘାଟନ କଲେ କେନ୍ଦ୍ରମନ୍ତ୍ରୀ: ୧୯ ଜିଲ୍ଲାରେ ପାଇପ୍‌ରେ ମିଳିବ ଗ୍ୟାସ: ଧର୍ମେନ୍ଦ୍ର

ପୁରୀ,୨୮ା୨(ବ୍ୟୁରୋ): ପୁରୀର ବାଲୁଖଣ୍ଡ ଏବଂ ଉତ୍ତରା ଛକ ନିକଟରେ ଦୁଇଟି ସିଏନ୍‌ଜି ଷ୍ଟେସନର ଶୁଭ ଉଦ୍‌ଘାଟନ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଗାମୀ ସାଢ଼େ ୫ ବର୍ଷରେ ଘରେ ଘରେ ପାଇପ୍‌ରେ ପାଣି ଆସିବା ଭଳି ଓଡ଼ିଶାର ୧୯ଟି ଜିଲ୍ଲାର ଅଧିବାସୀଙ୍କୁ ୨୪ ଘଣ୍ଟିଆ ରନ୍ଧନ ଗ୍ୟାସ ମିଳିବ । ଏ କାମ ପୁରୀ ସହରରେ ଶୀଘ୍ର ଆରମ୍ଭ ହେବ । ଗ୍ୟାସ୍‌ ଅଥରିଟି ଅଫ୍‌ ଇଣ୍ଡିଆ (ଗେଲ୍‌) ପକ୍ଷରୁ ଶରଧାବାଲିଠାରେ ଅନୁଷ୍ଠିତ ଉଦ୍‌ଘାଟନୀ ସଭାରେ ଶ୍ରୀ ପ୍ରଧାନ ଏହା କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି, ଖାଦ୍ୟ, ଜଳ, ପବନ, ବସ୍ତ୍ର ପରି ପେଟ୍ରୋଲ, ଡିଜେଲ, ଜାଳେଣି, ଇନ୍ଧନ, ବିଜୁଳି ମଧ୍ୟ ଅତ୍ୟାବଶ୍ୟକ ଜିନିଷ ହେଲାଣି । ଆଜିର ଯୁଗରେ ଇନ୍ଧନ ଓ ଉର୍ଜାର ଆବଶ୍ୟକତା ରହିଛି । ଉର୍ଜା ଧୀରେ ଧୀରେ ସ୍ୱଚ୍ଛ ହେବା ସହ ପ୍ରଦୂଷଣମୁକ୍ତ ଏବଂ ଶସ୍ତା ହେବା ଦରକାର । ଫଳରେ ଜଣେ ସାଧାରଣ ଲୋକ ଇନ୍ଧନକୁ ହାତପାଆନ୍ତାରେ ପାଇପାରିବ ।
ନରେନ୍ଦ୍ର ମୋଦିଙ୍କ ନେତୃତ୍ୱରେ ଆଜି ସାରା ଭାରତ ବର୍ଷରେ ଗାଁକୁ ବିଜୁଳି ଯାଇପାରିଛି । ଓଡ଼ିଶାରେ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାର କ୍ରିୟାନ୍ୱୟନ ମାଧ୍ୟମରେ ଆଜି ଘରେ ଘରେ ଏଲ୍‌ପିଜି ପହଞ୍ଚିଛି । ବର୍ତ୍ତମାନ ସମୟରେ ଯାନବାହନରେ ଯିବା ପାଇଁ ପେଟ୍ରୋଲ, ଡିଜେଲର ଆବଶ୍ୟକତା ହେଉଛି । ଭାରତବର୍ଷ ଏବଂ ପୃଥିବୀର ଅଗ୍ରଣୀ ଅଞ୍ଚଳରେ ପେଟ୍ରୋଲ, ଡିଜେଲ ବଦଳରେ ଧୀରେଧୀରେ ସ୍ୱଚ୍ଛ ଇନ୍ଧନ ଲଗାଇବାର କାମ ହୋଇସାରିଲାଣି ।
ଶ୍ରୀ ପ୍ରଧାନ କହିଛନ୍ତି, ବିଶ୍ୱସ୍ତରର କଳାକୌଶଳ ସହ ଗ୍ୟାସ ଅଧାରିତ ଅର୍ଥନୀତି ଭାରତକୁ ପରିଣତ କରିବାକୁ ପଡ଼ିବ । ଆଜି ଗ୍ୟାସ ଆଧାରିତ ଅର୍ଥନୀତି ଧାମରାରେ ୬ ହଜାର କୋଟି ଟଙ୍କା ଖର୍ଚ୍ଚ କରି ଗୋଟିଏ ଏଲ୍‌ଏନ୍‌ଜି ଟର୍ମିନାଲ କାମ ଦ୍ରୁତ ଗତିରେ ଚାଲିଛି । ବିଶ୍ୱ ଏବଂ ଭାରତର ବିଭିନ୍ନ ଅଞ୍ଚଳରୁ ଗ୍ୟାସ ଜାହାଜରେ ଧାମରା ବନ୍ଦରରେ ପହଞ୍ଚିବ । ଧାମରା ବନ୍ଦରରୁ ଓଡ଼ିଶା, ଝାଡ଼ଖଣ୍ଡ, ବିହାର, ପଶ୍ଚିମବଙ୍ଗ, ଉତ୍ତରପ୍ରଦେଶ ପର୍ଯ୍ୟନ୍ତ ଏବଂ ପୁରୀ ଭଳି ତୀର୍ଥକ୍ଷେତ୍ରକୁ ପ୍ରଧାନମନ୍ତ୍ରୀ ଉର୍ଜା ଗଙ୍ଗା ନାଁରେ ଗ୍ୟାସ ପହଞ୍ଚିବ । ଓଡ଼ିଶାରେ ପାଖାପାଖି ୭୭୦ କିମି ପାଇପ୍‌ଲାଇନ୍‌ ୪ ହଜାର କୋଟି ଟଙ୍କା ବ୍ୟୟରେ ଓଡ଼ିଶାର ୧୩ଟି ଜିଲ୍ଲା ଦେଇ ଧାମରାରେ ଟର୍ମିନାଲ ହେବ । ଓଡ଼ିଶା ଦେଇ ଅଧା ଭାରତକୁ ଇନ୍ଧନ ପହଞ୍ଚିବ । ସେହି ପାଇପ୍‌ଲାଇନ୍‌ରେ କଟକ, ଖୋର୍ଦ୍ଧା, ଅନୁଗୁଳ, ଢେଙ୍କାନାଳ, ବାଲେଶ୍ୱର, ଭଦ୍ରକ, ମୟୂରଭଞ୍ଜ, ବରଗଡ଼, ଦେବଗଡ଼, ସମ୍ବଲପୁର, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, କେନ୍ଦୁଝର, ପୁରୀ, ନୟାଗଡ଼, ଗଞ୍ଜାମ ପ୍ରଭୃତି ୧୯ଟି ଜିଲ୍ଲାକୁ ପାଇପ୍‌ ଗ୍ୟାସ ପହଞ୍ଚିବ । ଏହାର କାମ ଆଜି ଏଠାରେ ଆରମ୍ଭ ହେଲା । କାର୍ଯ୍ୟକ୍ରମରେ ଗେଲ୍‌ର ଅଧିକାରୀମାନେ ଉପସ୍ଥିତ ଥିଲେ ।

ସମ୍ବନ୍ଧିତ ଖବର