ଭୁବନେଶ୍ୱର,୦୯/୦୬: ଲକ୍ ଡାଉନ୍ରେ ମଦ ନେଇ ଯାଉଥିଲେ । ମାଡି ବସିଲା ପୁଲିସ । ଖାରବେଳନଗର ଥାନା ଚେକ ପଏଣ୍ଟରେ ଦୁଇ ଜଣ ଅଭିଯୁକ୍ତକୁ ଗିରଫ କରିଛି ପୁଲିସ । ସେମାନେ ହେଲେ ମାଳିସାହି ଅଞ୍ଚଳର ବିଜୁ ବେହେରା (୪୦), ମୋଜାମିଲ ଲାଇକ (୨୪)ସେମାନଙ୍କ ପାଖରୁ ୧୮୨.୫ ଲିଟର ମଦ ଜବତ ହୋଇଛି ।
ସୂଚନା ଅନୁସାରେ ବିଜୁ ତାର ସହଯୋଗୀ ସହ ଚୋରା ମଦ ନେଇ ଯାଉଥିବା ବେଳେ ଖାରବେଳନଗର ଠାରେ ପୁଲିସ ଅଟକାଇଥିଲା । ପରେ ଗାଡି ଯାଞ୍ଚ କରିବା ବେଳେ ବିପୁଳ ପରିମାଣର ମଦ ସହ ନଗଦ ୨୧ଶହ ଟଙ୍କା ଜବତ କରିଥିଲା । ପୁଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ।