PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁମୁଡିବନ୍ଧ: ଗାଈକୁ ବଞ୍ଚାଇଲା, ଛେଳି ପଲ ଉପରେ ଚଢିଗଲା ମାଲ୍ ବୋଝେଇ ଟ୍ରକ୍, ଓଲଟିବାରୁ କ୍ୟାବିନ୍‌ରେ ପଶିଗଲେ ଡ୍ରାଇଭର ଓ ହେଲ୍ପର୍
  • ||
  • ନରସିଂହପୁର: ଅଗ୍ନିକାଣ୍ଡରେ ଜଳିଗଲା ପାଞ୍ଚ ପରିବାରର ୫ ବଖରା ଘର, ପୋଡ଼ି ପାଉଁଶ ହୋଇଗଲା ଆସବାବପତ୍ର
  • ||
  • ଭୁବନେଶ୍ୱର: ଓଜେଇଇର ଏମ୍‌ବିବିଏସ୍, ବିଡ଼ିଏସ୍ କାଉନସେଲିଂ ସ୍ଥଗିତ
  • ||
  • ନୂଆଦିଲ୍ଲୀ: ଲୋକସଭାରେ ୩ କୃଷି ଆଇନ ଉଚ୍ଛେଦ ବିଲ୍ ପାରିତ
  • ||
  • କେନ୍ଦୁଝର: କାନଝରୀ ଡ୍ୟାମରୁ ଯୁବକଙ୍କ ମୃତଦେହ ଉଦ୍ଧାର, ଗତକାଲି ଗାଧୋଇଲା ବେଳେ ବୁଡି ଯାଇଥିଲେ…
  • ||
  • ରାୟଗଡ଼: ନିୟମଗିରି ପାହାଡର ବିଭିନ୍ନ ସ୍ଥାନରେ ମାଓବାଦୀଙ୍କ ବ୍ୟାନର ଓ ପୋଷ୍ଟର, ଡିସେମ୍ବର ୨ ରୁ ୮ ତାରିଖ ପର୍ଯ୍ୟନ୍ତ ପିଏଲଜିଏ ସପ୍ତାହ ପାଳନ
  • ||
  • ବ୍ରହ୍ମପୁର: ସପ୍ତାହେ ହେଲା ଶାଶୂ ଘର ଆଗରେ ତପସ୍ୱିନୀ: ସ୍ୱାମୀ ଘରକୁ ଯିବେ କି ନାହିଁ ଆଜି କୋର୍ଟରେ ଶୁଣାଣି
  • ||
  • ଯାଜପୁର: ପଦ୍ମଶ୍ରୀ ନନ୍ଦ ସାରଙ୍କୁ ହତ୍ୟା ଧମକ, ବଡ଼ ପୁଅକୁ ଲହୁ ଲୁହାଣ କଲେ ଗାଁର ଅସାମାଜିକ ଯୁବକ
  • ||
  • ଭୁବନେଶ୍ୱର : ୪/୫ରେ ଆନ୍ଧ୍ର କିମ୍ବା ଓଡ଼ିଶା ଉପକୂଳ ଛୁଇଁପାରେ ସମ୍ଭାବ୍ୟ ବାତ୍ୟା, ୩ରୁ ପଡ଼ିବ ପ୍ରଭାବ,
  • ||
  • ବ୍ରହ୍ମପୁର : ଭିଜିଲାନ୍ସ ଜାଲରେ କନଷ୍ଟେବଳ, ଏକକାଳୀନ ୩ଟି ସ୍ଥାନରେ ରେଡ୍‌, ବର୍ତ୍ତମାନ ସୁଦ୍ଧା ୫ ଲକ୍ଷ ଟଙ୍କା ଜବତ
  • ||
  • ପୁରୀ : ଦାରୁଦିଅଁଙ୍କ ପଇତାଲାଗି ନୀତି, ଅପରାହ୍ନ ୪ଟାରୁ ସର୍ବସାଧାରଣ ଦର୍ଶନ ମନା
  • ||
  • ଭୋଗରାଇ : ବାବା ଚନ୍ଦନେଶ୍ଵରଙ୍କ ମନ୍ଦିର ସମ୍ମୁଖରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ଟି ଅସ୍ଥାୟୀ ଦୋକାନ
  • ||
  • ଯାଜପୁର : ପଦ୍ମଶ୍ରୀ ନନ୍ଦ ସାରଙ୍କୁ ଆକ୍ରମଣ ଧମକ, ବଡ଼ ପୁଅକୁ ଲହୁ ଲୁହାଣ କଲେ ଗାଁର ଅସାମାଜିକ ଯୁବକ
  • ||

ଭିଜିଲାନ୍ସ ହାତରେ ଦୁଇ ଅଧିକାରୀ

ବାଲିପାଟଣା, ୨୯ା୧(ଆପ୍ର): ଲାଞ୍ଚ ନେବା ବେଳେ ବାଲିପାଟଣାର ଦୁଇ ଅଫିସର ଭିଜିଲାନ୍ସ ହାତରେ ଧରାପଡ଼ିଛନ୍ତି । ଏମାନଙ୍କ ମଧ୍ୟରେ ଜଣେ ଅଗ୍ନିଶମ ସେବା ସଂସ୍ଥାର ଷ୍ଟେସନ ଅଫିସର (ଏସ୍‌ଓ) ଅନ୍ୟ ଜଣେ ଗ୍ରାମପଞ୍ଚାୟତ ଟେକ୍‌ନିକାଲ ଆସିଣ୍ଟାଣ୍ଟ (ଜିପିଟିଏ) । ଭୁବନେଶ୍ୱରରୁ ଆସିଥିବା ଦୁଇଟି ଭିଜିଲାନ୍ସ ଟିମ୍‌ ଏହି ଦୁଇ ଅଫିସରଙ୍କୁ ଧରିଛନ୍ତି ।
ମଧ୍ୟାହ୍ନ ୧୨ଟାରେ ଏସ୍‌ଓ ପ୍ରଫୁଲ୍ଲ ବେହେରା ବେଙ୍ଗବତୀ ବସ୍ତିର ସୟଦ ସାହିର୍‌ ଉଲ୍ଲାଙ୍କଠାରୁ ୫ ହଜାର ଟଙ୍କା ନେଲା ବେଳେ ପୂର୍ବ ଯୋଜନାନୁଯାୟୀ ସେଠାରେ ଉପସ୍ଥିତ ତିନି ଡିଏସ୍‌ପି ପି. କେ. ନାୟକ, ଏସ.କେ. ସାମଲ ଓ ତନୁଜା ମହାନ୍ତିଙ୍କ ନେତୃତ୍ୱରେ ସାତ ଜଣିଆ ଟିମ୍‌ ଧରିଥିଲେ । ଏସ୍‌ଓ ଶ୍ରୀ ବେହେରା ଚତୁରତାର ସହ ଲାଞ୍ଚ ଟଙ୍କା ବାହାରକୁ ଫୋପାଡି ଦେଲା ବେଳେ ଭିଜିଲାନ୍ସ ଟିମ୍‌ ତାଙ୍କୁ କାବୁ କରିଥିଲେ ।
ସୂଚନାନୁଯାୟୀ ଗତ ଡିସେମ୍ବର ୧୬ ତାରିଖ ବିଳମ୍ବିତ ରାତିରେ ଅଠାନ୍ତର ପେଟ୍ରୋଲ ପମ୍ପ ନିକଟ ବେଙ୍ଗବସ୍ତିର ସୟଦ ସାହିର ଉଲ୍ଲାଙ୍କ ଏକ ଟ୍ରକକୁ କୌଣସି ଦୁର୍ବୃତ୍ତ ନିଆଁ ଲଗାଇ ଜାଳି ଦେଇଥିଲା । ସୟଦ ବାଲିପାଟଣା ଥାନାରେ ଏ ନେଇ ଏତଲା ଦେଇଥିଲେ । ଟ୍ରକର ଇନ୍‌ସ୍ୟୁରାନ୍ସ ପାଇଁ ସୟଦ ବାଲିପାଟଣା ଅଗ୍ନିଶମ ସେବା ସଂସ୍ଥାରୁ ଆବଶ୍ୟକ ପ୍ରମାଣପତ୍ର ପାଇବା ପାଇଁ ଆବେଦନ କରିଥିଲେ । ଅଗ୍ନିଶମ ସେବା ବିଭାଗ ଅଧିକାରୀ ଶ୍ରୀ ବେହେରା ତିନି ସପ୍ତାହ ହେଲାଣି ସୟଦଙ୍କୁ ଆଜିକାଲି କହି ଦୌଡ଼ାଉଥିଲେ । ଶେଷରେ ସେ ସାର୍ଟିଫିକେଟ ପାଇଁ ୨୦ ହଜାର ଟଙ୍କା ଦାବି କରିଥିଲେ । ସୟଦ ଏଥିରେ ଅକ୍ଷମତା ପ୍ରକାଶ କରିବାରୁ ଶେଷରେ ୧୦ ହଜାର ଟଙ୍କା ଦେବାକୁ କଥା ଛିଣ୍ଡିଥିଲା । ଏ ସମ୍ପର୍କରେ ସୟଦ ଭୁବନେଶ୍ୱର ଭିଜିଲାନ୍ସ କାର୍ଯ୍ୟାଳୟକୁ ଯାଇ ଘଟଣା ସମ୍ପର୍କରେ କହିଥିଲେ । ଯୋଜନା ମୁତାବକ ଆଜି ସୟଦ ଅଗ୍ନିଶମ ସେବା ଅଧିକାରୀଙ୍କୁ ୫ ହଜାର ଟଙ୍କା ଦେବା ବେଳେ ଭିଜିଲାନ୍ସ ଟିମ୍‌ ଧରିଥିଲେ ।
ଘଟଣାର ଘଣ୍ଟାଏ ପରେ ଭୁବନେଶ୍ୱର ଭିଜିଲାନ୍ସ କାର୍ଯ୍ୟାଳୟରୁ ଡିଏସପି ଅକ୍ଷୟ ମିଶ୍ରଙ୍କ ନେତୃତ୍ୱରେ ଆସିଥିବା ଅନ୍ୟ ଏକ ଟିମ୍‌ ଗ୍ରାମପଞ୍ଚାୟତ ବୈଷୟିକ ସହାୟକ (ଜିପିଟିଏ) କ୍ଷଣପ୍ରଭା ମୂଳିଆଙ୍କୁ ଧରିଥିଲେ । ଜିପିଟିଏ ଦେଉଳଧରପୁର ଗ୍ରାମପଞ୍ଚାୟତ ଅନ୍ତର୍ଗତ କଣ୍ଟାସାହିର ବିକ୍ରମ ବେହେରାଙ୍କୁ ଅଙ୍ଗନବାଡ଼ି କେନ୍ଦ୍ର ପାଇଁ ଫାଇନାଲ ବିଲ୍‌ ଦେବାକୁ ୬୦ ହଜାର ଟଙ୍କା ଲାଞ୍ଚ ମାଗିଥିଲେ । ମାତ୍ର ବିକ୍ରମ ୧୦ ହଜାର ଟଙ୍କା ୨୯ ତାରିଖରେ ଦେବେ ବୋଲି କଥା ଛିଣ୍ଡି ଥିଲା । ଏ ସମ୍ପର୍କରେ ବିକ୍ରମ ଭୁବନେଶ୍ୱର ଯାଇ ଭିଜିଲାନ୍ସ ପଦାଧିକାରୀଙ୍କୁ ଭେଟିଥିଲେ । ଯୋଜନା ମୁତାବକ ଆଜି ଡିଏସପି ଅକ୍ଷୟ ମିଶ୍ରଙ୍କ ନେତୃତ୍ୱରେ ଚାରି ଜଣିଆ ଟିମ୍‌ ବିକ୍ରମ ବେହେରାଙ୍କ ଠାରୁ ଜିପିଟିଏ ୧୦ ହଜାର ଟଙ୍କା ଲାଞ୍ଚ ନେବା ବେଳେ ତାଙ୍କୁ କାବୁ କରିଥିଲେ । ଉଭୟ ଏସ୍‌ଓ ଏବଂ ଜିପିଟିଏଙ୍କୁ ଭିଜିଲାନ୍ସ ଟିମ୍‌ ନିଜ ହେପାଜତରେ ଭୁବନେଶ୍ୱର ନେଇଯାଇଛନ୍ତି ।