ଭୁବନେଶ୍ୱର,୦୭/୦୩: ପ୍ରଗତିବାଦୀ ଅଫିସ୍ରୁ ମଞ୍ଚେଶ୍ୱର ଥାନା ପୁଲିସ୍ ୨ଟି ଗାଡ଼ି ଜବତ କରିଛି । ଉକ୍ତ ଦୁଇଟି ଗାଡି ହେଲା ସେଠାରେ ପୂର୍ବରୁ କାମ କରୁଥିବା ଡି.ଆର ଆଚାର୍ଯ୍ୟଙ୍କର । ଉକ୍ତ ଖବରକାଗଜ ସଂସ୍ଥାର କିଛି କର୍ମଚାରୀ ଜବରଦସ୍ତ ୨ଟି ଗାଡି ରଖି ଦେଇଥିଲେ । ସେପଟେ ପୁଲିସ୍ ସଂସ୍ଥାର ମାଲିକଙ୍କ ସହ ୬ଜଣ କର୍ମଚାରୀଙ୍କୁ ଖୋଜୁଥିବା ଜଣାପଡିଛି ।
ସୂଚନା ମୁତାବିକ, ଶ୍ରୀ ଆଚାର୍ଯ୍ୟ ଉକ୍ତ ସଂସ୍ଥାରେ ଚାକିରି କରୁଥିଲେ । କୌଣସି ଘଟଣା ପାଇଁ ସେ ସେଠାରୁ ଚାକିରି ଛାଡିଥିଲେ । ହେଲେ ଖବରକାଗଜ ସଂସ୍ଥାରେ ତାଙ୍କର ଲାଗିଥିବା ୨ଟି ଗାଡି ଦେଇନଥିଲେ ବରିଷ୍ଠ କର୍ମଚାରୀ । ଏମିତିକି ତାଙ୍କୁ ନାହିଁ ନଥିବା ସମସ୍ୟାରେ ପକାଇ ଥିଲେ । ଏନେଇ ସେ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ଏତଲା ରଖି ପୁଲିସ୍ ଚୁପ୍ ବସିଥିଲା । କିଛି ଉପାୟ ନପାଇ ଶ୍ରୀ ଆଚାର୍ଯ୍ୟ କୋର୍ଟରେ କେସ୍ କରିଥିଲେ । ଘଟଣାର ତଦନ୍ତ କରି ତୁରନ୍ତ ରିପୋର୍ଟ ଦେବାକୁ କହିଥିଲେ । ମଞ୍ଚେଶ୍ୱର ଥାନା ପୁଲିସ୍ ଘଟଣା ତଦନ୍ତ କରି ସଂସ୍ଥାର ଅଫିସ୍ ଭିତରେ ପଶି କ୍ରେନ୍ ଲଗାଇ ଉଠାଇ ଆଣିଛି । ଏନେଇ ଜୋନ୍ ଏସିପି କହିଛନ୍ତି ଘଟଣାର ତଦନ୍ତ ଚାଲିଛି, ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ।
