PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

୨୦୨୨ ହକି ବିଶ୍ୱକପ୍‌: ବିଡ୍‌ ଦାଖଲ କଲା ଭାରତ, କଳିଙ୍ଗକୁ ଫେରିବ ହକି ବିଶ୍ୱକପ୍‌ !

ଭୁବନେଶ୍ୱର, ୫ ।୨ (ବ୍ୟୁରୋ): ପୁଣି କଳିଙ୍ଗ ଷ୍ଟାଡିୟମକୁ ଫେରିପାରେ ହକି ବିଶ୍ୱକପ୍‌ । ତେବେ ତାହା କେଉଁ ବର୍ଗରେ ରହିବ ଆସନ୍ତା ଜୁନ ମାସରେ ସ୍ପଷ୍ଟ ହେବ । ୨୦୨୨ରେ ପୁରୁଷ ହକି ବିଶ୍ୱକପ୍‌ ଓ ୨୦୨୩ରେ ମହିଳା ହକି ବିଶ୍ୱକପ୍‌ ଆୟୋଜିତ ହେବ । ଉଭୟ ବିଶ୍ୱକପ୍‌ର ଆୟୋଜନ ନେଇ ଗତ ୩୧ ମାସ ସୁଦ୍ଧା ବିଡ୍‌ ଆହ୍ୱାନର ଶେଷ ତାରିଖ ରହିଥିଲା । ଭାରତ ଉଭୟ ପୁରୁଷ ଓ ମହିଳା ବିଶ୍ୱକପ୍‌ ଆୟୋଜନ କରିବା ପାଇଁ ଏଫ୍‌ଆଇଏଚ୍‌ରେ ବିଡ୍‌ ଦାଖଲ କରିଛି । ଆସନ୍ତା ଜୁନ ମାସରେ ବିଡ୍‌ ଖୋଲା ଯାଇ ଚୂଡ଼ାନ୍ତ ଭେନ୍ୟୁର ନାମ ଘୋଷଣା କରାଯିବ । ୨୦୧୮ରେ ଭାରତ ପୁରୁଷ ହକି ବିଶ୍ୱକପ୍‌ର ଆୟୋଜକ ଥିଲା, ତେଣୁ ହୁଏତ ଏଥର ମହିଳା ବିଶ୍ୱକପ୍‌ ଆୟୋଜନ ନେଇ ଅଧିକାର ମିଳିପାରେ । ଯଦି ଭାରତ ମହିଳା ବିଶ୍ୱକପ୍‌ ବିଡ୍‌ରେ ବିଜୟୀ ହୁଏ ତେବେ କଳିଙ୍ଗ ଷ୍ଟାଡିୟମରେ ଏହି ସଂସ୍କରଣ ଆୟୋଜିତ ହେବାର ଯଥେଷ୍ଟ ସମ୍ଭାବନା ରହିଛି ।

୨୦୧୮ ପୁରୁଷ ହକି ବିଶ୍ୱକପ୍‌ର ଆୟୋଜନ ଉଭୟ ହକି ଇଣ୍ଡିଆ ଓ ଓଡ଼ିଶା ସରକାରଙ୍କୁ ବହୁ ପ୍ରଶଂସା ଆଣି ଦେଇଛି । ପୂର୍ବରୁ କୌଣସି ସଂସ୍କରଣ ଏଭଳି ଭାବେ ଆୟୋଜିତ ହୋଇ ନଥିଲା । ସ୍ୱତନ୍ତ୍ର ଉଦ୍‌ଘାଟନୀ ଉତ୍ସବ ବିଶ୍ୱକପ୍‌ ଆୟୋଜନରେ ନୂଆ ଅଧ୍ୟାୟ ସୃଷ୍ଟି କରିଥିଲା । ଏହାକୁ ନେଇ ଏଫ୍‌ଆଇଏଚ୍‌ ସଭାପତି ନରିନ୍ଦର ବାତ୍ରା ଓଡ଼ିଶା ସରକାରଙ୍କୁ ଭୂୟସୀ ପ୍ରଶଂସା କରିଥିଲେ ।  ତେଣୁ ଏଥର ଯଦି ପୁଣି ଭାରତ ମହିଳା କିମ୍ବା ପୁରୁଷ କୌଣସି ବିଶ୍ୱକପ୍‌ ଆୟୋଜନ ଅଧିକାର ହାସଲ କରେ, ତାହା ଭୁବନେଶ୍ୱରରେ ଆୟୋଜନ କରିବାକୁ ଚାହିଁବ ହକି ଇଣ୍ଡିଆ । ରାଜ୍ୟ କ୍ରୀଡ଼ା ବିଭାଗ କ୍ରୀଡ଼ା ସଂପର୍କିତ କୌଣସି ଚ୍ୟାଲେଞ୍ଜକୁ ସବୁବେଳେ ସାମ୍ନା କରିବାକୁ ପ୍ରସ୍ତୁତ ରହିଛି ।

୨୦୨୨ ପୁରୁଷ ଓ ୨୦୨୩ ମହିଳା ବିଶ୍ୱକପ୍‌ ଆୟୋଜନ ପାଇଁ ଭାରତ ସମେତ ଏକାଧିକ ଦେଶ ବିଡ୍‌ ଦାଖଲ କରିଛନ୍ତି । ପୁରୁଷ ସଂସ୍କରଣ ଜୁଲାଇ ୧ରୁ ୧୭ ତାରିଖ (୨୦୨୨) ମଧ୍ୟରେ ଆୟୋଜିତ ହେବ । ଭାରତ ସମେତ ଜର୍ମାନୀ, ମାଲେସିଆ ଓ ସ୍ପେନ ଏହି ସଂସ୍କରଣ ଆୟୋଜନ ନେଇ ବିଡ୍‌ ଦାଖଲ କରିଛନ୍ତି । ସେମିତି ମହିଳା ବିଶ୍ୱକପ୍‌ ଜାନୁଆରୀ ୧୩ରୁ ୨୯ (୨୦୨୩) ମଧ୍ୟରେ ଆୟୋଜନ କରାଯିବ । ଅଷ୍ଟ୍ରେଲିଆ, ଭାରତ ଓ ନ୍ୟୁଜିଲାଣ୍ଡ ଏହି ସଂସ୍କରଣ ଆୟୋଜନ ନେଇ ଆଗ୍ରହୀ ରହିଛନ୍ତି ।

ଏଫ୍‌ଆଇଏଚ୍‌ (ଅନ୍ତର୍ଜାତୀୟ ହକି ମହାସଂଘ)ର ସୂଚନା ଅନୁସାରେ, ବିଭିନ୍ନ ଦେଶ ପକ୍ଷରୁ ଦାଖଲ କରାଯାଇଥିବା ବିଡ୍‌ର ମୂଲ୍ୟାୟନ ଖୁବ୍‌ ଶୀଘ୍ର ଆରମ୍ଭ ହେବ । ଆସନ୍ତା ଜୁନ ମାସରେ ଏଫ୍‌ଆଇଏଚ୍‌ ଏକ୍ସିକ୍ୟୁଟିଭ ବୋର୍ଡ ବୈଠକ ରହିଛି । ଏହି ବୈଠକରେ ଉଭୟ ବିଶ୍ୱକପ୍‌ର ଚୂଡ଼ାନ୍ତ ଭେନ୍ୟୁର ନାମ ଘୋଷଣା କରାଯିବ ।