ଭୁବନେଶ୍ଵରେ, ୧୩/୦୫ : ରାଜ୍ୟରେ ୪ ଲୋକସଭା ଓ ୨୮ ବିଧାନସଭା ଆସନରେ ମତଦାନ ଜାରି ରହିଛି। ସକାଳ ୧୧ଟା ସୁଦ୍ଧା ୨୩.୨୮% ମତଦାନ ହୋଇଛି। ନୂଆପଡ଼ାରେ ସର୍ବାଧିକ ୨୭.୮୮% ଭୋଟିଂ ହୋଇଛି। ସେହିଭଳି ରାୟଗଡ଼ାରେ ସର୍ବନିମ୍ନ ୨୧% ଭୋଟିଂ ହୋଇଛି। ଏତଦ୍ ବ୍ୟତୀତ ମୋହନାରେ ୨୧.୪୭%, ନବରଙ୍ଗପୁରରେ ୨୧.୫୦%, ନର୍ଲାରେ ୨୬.୪୬%, ପାରଳାଖେମୁଣ୍ଡିରେ ୨୨.୬୪%, ପଟ୍ଟାଙ୍ଗିରେ ୨୪.୮୧%, ଓ ଉମରକୋଟରେ ୨୬.୨୦% ମତଦାନ ହୋଇଛି।
ସୂଚନାଯୋଗ୍ୟ ଯେ, ଓଡିଶାରେ ସକାଳ ୭ଟାରୁ କଡ଼ା ସୁରକ୍ଷା ମଧ୍ୟରେ ଆରମ୍ଭ ହୋଇଛି ମତଦାନ। ଆଜି ବ୍ରହ୍ମପୁର, କଳାହାଣ୍ଡି, ନବରଙ୍ଗପୁର, କୋରାପୁଟ ଚାଲିଛି ଭୋଟିଂ। ଆଜି ବ୍ରହ୍ମପୁର ଲୋକସଭା ଆସନ ଅନ୍ତର୍ଗତ ୭ ବିଧାନସଭା ଆସନ- ଛତ୍ରପୁର, ଗୋପାଳପୁର, ବ୍ରହ୍ମପୁର, ଦିଗପହଣ୍ଡି, ଚିକିଟି, ମୋହନା, ପାରଳାଖେମୁଣ୍ଡିରେ ଭୋଟ ଗ୍ରହଣ ହେଉଛି।
ସେହିପରି କଳାହାଣ୍ଡି ଲୋକସଭା ଆସନ ଆସନ ଅନ୍ତର୍ଗତ ୭ ବିଧାନସଭା ଆସନ- ନୂଆପଡ଼ା, ଖରିଆର, ଲାଞ୍ଜିଗଡ଼, ଜୁନାଗଡ଼, ଧର୍ମଗଡ଼, ଭବାନୀପାଟଣା, ନର୍ଲାରେ ମତଦାନ ହେଉଛି। ନବରଙ୍ଗପୁର ଲୋକସଭା ଆସନ ଅନ୍ତର୍ଗତ ୭ ବିଧାନସଭା ଆସନ- ଉମରକୋଟ, ଝରିଗାଁ, ନବରଙ୍ଗପୁର, ଡାବୁଗାଁ, କୋଟପାଡ, ମାଲକାନଗିରି, ଚତ୍ରକୋଣ୍ଡାରେ ମତଦାନ ଚାଲିଛି। କୋରାପୁଟ ଲୋକସଭା ଆସନ ଅନ୍ତର୍ଗତ ୭ ବିଧାନସଭା ଆସନ- ଗୁଣୁପୁର, ବିଷମ କଟକ,ରାୟଗଡ଼ା, ଲକ୍ଷ୍ମୀପୁର, ଜୟପୁର, କୋରାପୁଟ, ପଟ୍ଟାଙ୍ଗୀ ମତଦାନ ହେଉଛି।