PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୬୨୮ ପଜିଟିଭ୍ ଚିହ୍ନଟ
  • ||
  • ନୂଆଦିଲ୍ଲୀ : ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ ମୋଦି
  • ||
  • ଭୁବନେଶ୍ୱର : ବଙ୍ଗୋପସାଗରରେ ଆଉ ଏକ ଲଘୁଚାପ, ୧୮ରୁ ପୁଣି ବଢ଼ିବ ବର୍ଷା, ଉତ୍ତର ଓଡିଶାରେ ପ୍ରବଳ ଛେଚିବ
  • ||
  • ସମ୍ବଲପୁର : ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଅସୁସ୍ଥ, ହସ୍ପିଟାଲରେ ଭର୍ତ୍ତିି
  • ||
  • ପୁରୀ : ଆଜି ଶ୍ରୀମନ୍ଦିରରେ ବାମନ ଜନ୍ମ ଓ ସୁନିଆଁ ପର୍ବ ପାଳନ, ଜଗା ଦର୍ଶନ ବନ୍ଦ
  • ||
  • ଭୁବନେଶ୍ୱର : ଆଜି ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଓଡ଼ିଶାର ପୁରପଲ୍ଲୀ ଚଳଚଞ୍ଚଳ
  • ||
  • ନୀଳଗିରି : ଡାକବଙ୍ଗଳା ରାସ୍ତାରେ ବୁଲୁଛି ଭାଲୁ
  • ||
  • ସାନଖେମୁଣ୍ଡି : ଗାଧୋଇ ଯିବା ବେଳେ ଧକ୍କା ଦେଲା ଅଜଣା ଗାଡ଼ି, ୨ ମହିଳା ମୃତ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ସହର ୧୨ ଘଣ୍ଟିଆ ବନ୍ଦ, ୪ ଦଫା ଦାବି ନେଇ ବନ୍ଦ ଡ଼କରା ଦେଇଛି ଟ୍ରକ୍ ମାଲିକ ସଙ୍ଘ
  • ||
  • ଜଳେଶ୍ଵର : ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା, ଜଳମଗ୍ନ ୫ଟି ପଞ୍ଚାୟତ
  • ||
  • ପାଟଣା : ଦାଉ ସାଧିଲା ଲଗାଣ ବର୍ଷା, ବନ୍ଧ ଭାଙ୍ଗି ବାଲି ଚରିଗଲା ଏକର ଏକର ଚାଷ ଜମି
  • ||

ମୁଖ୍ୟମନ୍ତ୍ରୀଙ୍କ ସମେତ ୭ ହେଭିୱେଟଙ୍କ ଭାଗ୍ୟ ସିଲ୍‌

source:indianexpress.com

ସମ୍ବଲପୁର, ୧୮ା୪(ଆପ୍ର): ଦ୍ୱିତୀୟ ପର୍ଯ୍ୟାୟରେ ଆଜି ରାଜ୍ୟର ୫ଟି ଲୋକସଭା ଓ ୩୫ଟି ବିଧାନସଭା ଆସନ ପାଇଁଁ ମତଦାନ ସମ୍ପନ୍ନ ହୋଇଛି । ଏଥିରୁ ରାଜ୍ୟର ପ୍ରଥମ ଲୋକସଭା ଆସନ ଭାବେ ପରିଚିତ ବରଗଡ଼ ଆସନ ଓ ଏହାର ଅନ୍ତର୍ଗତ ୭ଟି ବିଧାନସଭା ନିର୍ବାଚନମଣ୍ଡଳୀ ବରଗଡ଼ ଜିଲ୍ଲାର ୫ ଓ ଝାରସୁଗୁଡ଼ା ଜିଲ୍ଲାର ୨ଟି ନିର୍ବାଚନମଣ୍ଡଳୀ ରହିଛି । ଆଉ ଏହା ସହିତ ଭିଭିପାଟ୍‌ ମେସିନ୍‌ରେ ସିଲ୍‌ ହୋଇଯାଇଛି ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ପଶ୍ଚିମ ଓଡ଼ିଶାର ୭ ଜଣ ହେଭିୱେଟ ନେତାନେତ୍ରୀଙ୍କ ରାଜନୈତିକ ଭାଗ୍ୟ । ଆଜି ଭୋଟଗ୍ରହଣ ହୋଇଥିବା ନିର୍ବାଚନମଣ୍ଡଳୀଗୁଡ଼ିକ ହେଉଛି ଅତାବିରା, ବରଗଡ଼, ବିଜେପୁର, ପଦ୍ମପୁର ଓ ଭଟଲି ସମେତ ଶିଳ୍ପ ସମୃଦ୍ଧ ଝାରସୁଗୁଡ଼ା ଜିଳ୍ଲାର ୨ଟି ବିଧାନସଭା ଆସନ ଝାରସୁଗୁଡ଼ା ଓ ବ୍ରଜରାଜନଗର ନିର୍ବାଚନ ମଣ୍ଡଳୀ ।

ବରଗଡ଼ ଜିଲ୍ଲାରେ ସନ୍ଧ୍ୟା ସୁଦ୍ଧା ହସ୍ତଗତ ସୂଚନା ମତେ ୭୦% ମତଦାନ ହୋଇଛି । ଜିଲ୍ଲାର ପଦ୍ମପୁର ନିର୍ବାଚନମଣ୍ଡଳୀରେ ୬୭%, ବିଜେପୁରରେ ୬୪, ବରଗଡ଼ରେ ୭୨.୬, ଅତାବିରାରେ ୭୫ ଏବଂ ଭଟଲି ନିର୍ବାଚନମଣ୍ଡଳୀରେ ୭୦% ମତଦାନ ହୋଇଛି । ଝାରସୁଗୁଡ଼ା ଜିଲ୍ଲାର ଝାରସୁଗୁଡ଼ା ନିର୍ବାଚନମଣ୍ଡଳୀରେ ୭୯% ଏବଂ ବ୍ରଜରାନଗରରେ ୭୮% ମତଦାନ ହୋଇଥିବା ପ୍ରକାଶ । ବିଧାୟିକା ରାଧାରାଣୀ ପଣ୍ଡାଙ୍କ ସୁରକ୍ଷା ଅଧିକାରୀଙ୍କୁ ଆକ୍ରମଣରେ ସେ ଗୁରୁତର ଆହତ ହୋଇଛନ୍ତି । ଅନ୍ୟ ଏକ ଘଟଣା କ୍ରମରେ ବରଗଡ଼ ଜିଲ୍ଲା ସୋହେଲା ଥାନା ବଞ୍ଜାରୀ ଗାଁରେ ଭୋଟଦାନ ବେଳେ ଜଣେ ଯୁବକଙ୍କୁ ଛୁରାମାଡ଼ ହୋଇଛି । ତାଙ୍କୁ ବୁର୍ଲା ମେଡିକାଲ ସ୍ଥାନାନ୍ତର କରାଯାଇଛି । ଅନ୍ୟ କେତେକ ସ୍ଥାନରେ ପାଟିତୁଣ୍ଡ ଓ ଗଣ୍ଡଗୋଳ ଭଳି ସାମାନ୍ୟ ଘଟଣାକୁ ଛାଡ଼ି ଜିଲ୍ଲାରେ ମତଦାନ ଶାନ୍ତିପୂର୍ଣ୍ଣ ରହିଛି ।

ବରଗଡ଼ ଜିଲ୍ଲାରେ ଭୋଟିଂ ଅନିୟମିତତା ଅଭିଯୋଗ ପରେ ବରଗଡ଼ର ଶକ୍ତିନଗର, ଅରେଇଗୁଡ଼ି ଓ ଝାରବନ୍ଧ ବ୍ଲକ୍‌ ଡଭାର ଗୋଟିଏ ଲେଖାଏ ବୁଥ୍‌ରେ ସାନି ନିର୍ବାଚନ ପାଇଁ ନିର୍ଦ୍ଦେଶ ଦିଆଯାଇଛି । ଆଜି ଭିଭିପାଟ ମେସିନ୍‌ରେ ରାଜନୈତିକ ଭାଗ୍ୟ ସିଲ୍‌ ହୋଇଥିବା ହେଭିୱେଟଙ୍କ ମଧ୍ୟରେ ଅଛନ୍ତି ବିଜେପୁରରୁ ପ୍ରତିଦ୍ୱନ୍ଦ୍ୱିତା କରୁଥିବା ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଜେଡି ବରଗଡ଼ ସାଂସଦ ପ୍ରାର୍ଥୀ ପ୍ରସନ୍ନ ଆଚାର୍ଯ୍ୟ, ବରଗଡ଼ ବିଧାୟକ ପ୍ରାର୍ଥୀ ଦେବେଶ ଆଚାର୍ଯ୍ୟ, ଅତାବିରା ଆସନରୁ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ, ଭଟଲି ଆସନରୁ ମନ୍ତ୍ରୀ ସୁଶାନ୍ତ ସିଂ, କଂଗ୍ରେସ ଛାଡ଼ି ବିଜେଡିରେ ସାମିଲ ହୋଇଥିବା ଝାରସୁଗୁଡ଼ା ଆସନରୁ ନବ ଦାସ, ବ୍ରଜରାନଗରରୁ ବିଜେଡିର କିଶୋର ମହାନ୍ତି ଓ ବିଜେପିର ବିଧାୟିକା ରାଧାରାଣୀ ପଣ୍ଡା ।