ଲଖନପୁର/ଜାମଗାଁ ୯/୫ : ଝାରସୁଗୁଡ଼ାରେ ଚାଞ୍ଚଲ୍ୟ। କାର ଭିତରୁ ବାପା, ମାଆ ଓ ଝିଅର ମୃତଦେହ ଉଦ୍ଧାର। ଝାରସୁଗୁଡା ଜିଲ୍ଲା ଲଖନପୁର ଥାନା ଅନ୍ତର୍ଗତ ବାଣ୍ଡିପାହାଡ଼ ନିକଟସ୍ଥ ପଡିଆରେ ଏକ କାରରୁ ବାପା, ମା ଏବଂ ଜଣେ ନାବାଳିକା ଝିଅର ମୃତଦେହ ପୁଲିସ ଠାଵ କରିଛି। ମୃତ୍ୟୁର କାରଣ ଅସ୍ପଷ୍ଟ ହୋଇଥିବା ବେଳେ ପୋଲିସ ଘଟଣା ସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି।

ସୂଚନାନୁଯାୟୀ, ମୃତକମାନେ ହେଲେ ବ୍ରଜରାଜନଗର ଓରିଏଣ୍ଟ ଥାନା ଅନ୍ତର୍ଗତ କାଳୀନଗରର ସୁଜିତ ରାୟ(୩୭ ବର୍ଷ), ସ୍ତ୍ରୀ ଖୁସବୁ ରାୟ(୨୮ ବର୍ଷ) ଏବଂ ଝିଅ ଅର୍ପିତା ରାୟ(୧୨ ବର୍ଷ) ବୋଲି ଜଣାପଡିଛି। ସମସ୍ତ ମୃତକଙ୍କ ମୁଣ୍ଡରେ ଗୁଳି ବାଜିଥିବା ଚି଼ହ୍ନ ରହିଛି ଏବଂ କାରରେ ମଧ୍ୟ ଗୁଳି ଦାଗ ରହିଛି। ବାପା ସୁଜିତ ରାୟ ପ୍ରଥମେ ସ୍ତ୍ରୀ ଓ ଝିଅକୁ ଗୁଳି କରିବା ପରେ ନିଜେ ଆତ୍ମହତ୍ୟା କରିଥିବା ନେଇ ପ୍ରାଥମିକ ତଦନ୍ତରୁ ପୋଲିସ ସନ୍ଦେହ କରୁଛି। କାର ଓ ବନ୍ଧୁକକୁ ପୋଲିସ ଜବତ କରିଛି। ସାଇଣ୍ଟିଫିକ ଟିମ ଉପସ୍ଥିତରେ ଶବ ଜବତ କରି ବ୍ୟବଛେଦ ପାଇଁ ଝାରସୁଗୁଡା ପଠାଇଛି।