PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବଗଡ଼ – କୁଣ୍ଢେଇଗୋଳା ଏଏସ୍ଆଇ ପରମାନନ୍ଦ ନାଏକ ନିଲମ୍ୱିତ , ଅଭିଯୋଗକାରିଣୀଙ୍କୁ ଲାଞ୍ଚ ମାଗିବା ଅଭିଯୋଗରେ ନିଲମ୍ୱିତ କଲେ ଦେବଗଡ଼ ଏସ୍‌ପି ମନୋଜ କୁମାର ମହାନ୍ତି
  • ||
  • ଜେଲ୍‌ରେ ୪୫ ବର୍ଷରୁ ଉର୍ଦ୍ଧ୍ୱ ଓ ୬୦ ବର୍ଷରୁ ଉର୍ଦ୍ଧ୍ୱ ବୟସ୍କ କଏଦୀଙ୍କୁ ଦିଆଯିବ କୋଭିଡ୍‌ ଟିକା , ଅନୁରୋଧ କଲେ ଜେଲ୍‌ ଡିଜି
  • ||
  • ପଞ୍ଚାୟତିରାଜ୍‌ ଦିବସ ଲାଗି ଆସନ୍ତା କାଲି ସ୍କୁଲ କଲେଜ୍ ଛୁଟି ଘୋଷଣା କଲା ଉଚ୍ଚ ଶିକ୍ଷା ବିଭାଗ
  • ||
  • ଆଠଗଡ଼ – ବାବା ଧବଳେଶ୍ୱରଙ୍କ ପୀଠରେ ହେବନି ଜାଗର ଯାତ୍ରା, କେବଳ ପୂଜକଙ୍କ ଦ୍ୱାରା କରାଯିବ ନୀତିକାନ୍ତି
  • ||
  • ଭିଜିଲାନ୍ସ ଜାଲରେ ଅନୁଗୁଳର ଡିଡବ୍ଲୁଓ ଚାରୁଲତା ମଲ୍ଲିକ , ୪୯ ହଜାର ଲାଞ୍ଚ୍‌ ନେଉଥିବା ବେଳେ ଧରାପଡ଼ିଲେ
  • ||
  • ଆସନ୍ତା ୨୬ରେ ବାଂଲାଦେଶ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , କୋଭିଡ୍‌ ପରେ ମୋଦିଙ୍କ ଏହା ପ୍ରଥମ ବାଂଲାଦେଶ ଗସ୍ତ
  • ||
  • ବାଲି ଚୋରା ରାକେଟ୍‌ର ପର୍ଦ୍ଦାଫାସ କଲା କ୍ରାଇମ୍‌ ବ୍ରାଞ୍ଚର ଏସ୍‌ଟିଏଫ୍ ଟିମ୍ । ସୁନ୍ଦରଗଡ଼ ଇବ୍ ନଦୀରୁ ବାଲି ଚୋରା ଚାଲାଣ ବେଳେ ଧରିଲା ଏସ୍‌ଟିଏଫ୍
  • ||
  • ଧର୍ମଗଡ଼ : ବାଇକ୍ ଉପରେ ମାଡ଼ିଗଲା ବସ୍‌ , ୩ ମୃତ ଗୋଲାମୁଣ୍ଡା ଥାନା ଡ଼ଙ୍ଗରିଗୁଡ଼ା ନିକଟରେ ଏହି ଦୁର୍ଘଟଣା ଘଟିଛି
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ପ୍ରଥମ ଇନିଂସରେ ୨୦୫ ରନରେ ଇଂଲଣ୍ଡ ଅଲଆଉଟ୍
  • ||
  • ଛତ୍ରପୁର: ସରକାରୀ ଜମିରେ ବେଆଇନ ଘର କରିଥିବା ଜନସାଧାରଣଙ୍କ ଉନ୍ମକ୍ତକାଣ୍ଡ,ଏନଏସି କାର୍ଯ୍ୟାଳୟରେ ଭଙ୍ଗାରୁଜା ସହ ସିଇଓଙ୍କୁ ପିଟିଲେ,
  • ||
  • ସୁନ୍ଦରଗଡ଼: ଡୁଡୁକା ହାଇସ୍କୁଲର ପ୍ରଧାନ ଶିକ୍ଷକଙ୍କ ଠାରୁ ୩୫ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ପଞ୍ଝାରେ ପଡ଼ିଲେ ହେମଗିର ବିଇଓ ସୁରେନ୍ଦ୍ର କୁମାର ସାହୁ
  • ||
  • ପାରାଦୀପ: କୁଜଙ୍ଗ ଅଞ୍ଚଳରୁ 700 ଗ୍ରାମ ଗଞ୍ଜେଇ ଜବତ କଲା ପାରାଦୀପ ଅବକାରୀ ବିଭାଗ
  • ||
  • ଗଞ୍ଜାମ: ଛତ୍ରପୁର ତାରାତାରିଣୀ ରାସ୍ତା ବଡଶଙ୍ଖ ନିକଟ ରେଳଲାଇନ ତଳେ ଶିଶୁର ମୁଣ୍ଡ- ଗଣ୍ଡି ଅଲଗା ମୃତଦେହ ଠାବ, ବଳି ସନ୍ଦେହ
  • ||
  • କେନ୍ଦ୍ରାପଡ଼ାରେ ଷ୍ଟିଲ୍ ପ୍ଲାଣ୍ଟ ପାଇଁ ମୁଖ୍ୟମନ୍ତ୍ରୀଙ୍କ ଉପସ୍ଥିରେ ଏମ୍‌ଓୟୁ ସ୍ବାକ୍ଷର, ମିତ୍ତଳ କରିବେ ଷ୍ଟିଲ୍ ପ୍ଲାଣ୍ଟ
  • ||
  • ଓଡିଶା ସୀମାନ୍ତ ଝାଡ଼ଖଣ୍ଡର ଟକଲୋ ଥାନା ଅଞ୍ଚଳରେ ନକ୍ସଲଙ୍କ ଲ୍ୟାଣ୍ଡ ମାଇନ ବିସ୍ପୋରଣରେ ଜାଗୁଆର ଫୋର୍ସର ତିନି ଯବାନ ଶହୀଦ, ଦୁଇ ଜଣ ଗୁରୁତର
  • ||
  • ବଲାଙ୍ଗିର: ଟିଟିଲାଗଡରେ ବଡ଼ଧରଣର ଜିଏସଟି ଚଢଉ, ଏକକାଳୀନ ୪ଟି ସ୍ଥାନରେ ଚଢ଼ଉ କରୁଛି ଏନ୍ଫୋର୍ସମେଣ୍ଟ ଟିମ୍
  • ||
  • ନନ୍ଦପୁର: ସାପ୍ତାହିକ ହାଟକୁ ଆସୁଥିବା ବେଳେ ଓଲଟିଲା ଅଟୋ, ୧୨ ଆହତ, ୩ ଗୁରୁତର
  • ||
  • ଭୁବନେଶ୍ବର: ଖୁବ ଶୀଘ୍ର ହେବ ପୌର ନିର୍ବାଚନ, ଏ ନେଇ ପ୍ରକ୍ରିୟା ଚାଲିଛି: ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା
  • ||
  • କଟକ: ସିଏମ୍‌ସି ବିକାଶ ଭବନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ଦମକଳ ବାହୀନି ନିଯୋଜିତ
  • ||
  • କେନ୍ଦୁଝର: ଘାଟିରେ ଓଲଟିଲା ଯାତ୍ରୀବାହୀ ବସ୍ ‘ହ୍ୟୁମାଲ୍’, ଅନେକ ଯାତ୍ରୀ ଆହତ, ବସ୍‌ରେ ଥିଲେ ୪୦ରୁ ଅଧିକ ଲୋକ‌
  • ||

ଚନ୍ଦ୍ରଭାଗାରେ ବୁଡ଼ ପକାଇଲେ ୩ଲକ୍ଷ ଶ୍ରଦ୍ଧାଳୁ

କୋଣାର୍କ,୧୨ା୨(ଆପ୍ର): ପବିତ୍ର ମାଘସପ୍ତମୀ ତିଥିରେ ଆଜି ଚନ୍ଦ୍ରଭାଗା ତୀର୍ଥ ପୁଷ୍କରିଣୀରେ ୩ଲକ୍ଷରୁ ଅଧିକ ଶ୍ରଦ୍ଧାଳୁ ବୁଡ଼ ପକାଇଛନ୍ତି । ଭୋର ୪ଟାରେ ଶ୍ରୀତ୍ରିବେଣୀଶ୍ୱର, ଶ୍ରୀଦକ୍ଷିଣେଶ୍ୱର, ଶ୍ରୀଈଶାନେଶ୍ୱର ଦେବଙ୍କ ଚଳନ୍ତି ପ୍ରତିମା ଚନ୍ଦ୍ରଭାଗା ତୀର୍ଥ ପୁଷ୍କରିଣୀରେ ସ୍ନାନ କରିଥିଲା । ୪ଟା ୧୦ରେ ଅପେକ୍ଷାରତ ସାଧୁସନ୍ଥ, ଶ୍ରଦ୍ଧାଳୁ ବୁଡ଼ ପକାଇଥିଲେ । ବେଳାଭୂମିରେ ସୂର୍ଯ୍ୟଦେବଙ୍କୁ ଦର୍ଶନ କରି ଆଶୀର୍ବାଦ ଲାଭ କରିବା ସହ ଅଶେଷ ପୁଣ୍ୟ ଅର୍ଜନ କରିଥିଲେ । କୁହୁଡ଼ି ନଥିବାରୁ ଅପରୂପ ସୂର୍ଯ୍ୟୋଦୟ ଦର୍ଶନ କରିବାର ସୌଭାଗ୍ୟ ଲାଭ କରିଥିଲେ । ଏହି ତିଥିରେ ଚନ୍ଦ୍ରଭାଗା ତୀର୍ଥ ପୁଷ୍କରିଣୀରେ ବୁଡ଼ ପକାଇଲେ ସମସ୍ତ ପାପ କ୍ଷୟ ହୁଏ ବୋଲି ଜନମାନସରେ ବିଶ୍ୱାସ ରହିଛି ।
ପୂର୍ବ ନିର୍ଦ୍ଧାରିତ କାର୍ଯ୍ୟସୂଚୀ ଅନୁଯାୟୀ ସୋମବାର ରାତି ୯ଟାରେ ତିନି ଠାକୁର ନିଜ ନିଜ ଆସ୍ଥାନରୁ ବିମାନରେ ବିଜେ କରିଥିଲେ । ତିନି ଠାକୁରଙ୍କୁ ବର୍ଣ୍ଣାଢ୍ୟ ଶୋଭାଯାତ୍ରାରେ ଅଣାଯାଇଥିଲା । ତିନି ଠାକୁର ବଜାର ପରିକ୍ରମା କରିବା ପରେ ଏନ୍‌ଏସି କାର୍ଯ୍ୟାଳୟ, ଆର୍‌ଆଇ ଅଫିସ, ତହସିଲ ଅଫିସ ଓ ଆଇବିରେ ପୂଜାର୍ଚ୍ଚନା କରାଯାଇଥିଲା । ପରେ ଚନ୍ଦ୍ରଭାଗା ପୂଜା ମଣ୍ଡପ ଅଭିମୁଖେ ବାହାରି ଥିଲେ । ସୋମବାର ସନ୍ଧ୍ୟାରୁ ମେଳା ପଡ଼ିଆରେ ଶ୍ରଦ୍ଧାଳୁମାନେ ମାଟି ହାଣ୍ଡିରେ ରୋଷେଇ କରି ଖାଇବା ପରେ ହାଣ୍ଡିଭଙ୍ଗା ପୁଷ୍କରିଣୀରେ ହାଣ୍ଡିଗୁଡ଼ିକୁ ଭାଙ୍ଗି ଅସ୍ଥାୟୀ କୁଡ଼ିଆରେ ବୁଡ଼ ପାଇଁ ଅପେକ୍ଷା କରିଥିଲେ । ତିନି ଠାକୁର ତିନି ବିମାନରେ ବିଜେ କରି ଶୋଭାଯାତ୍ରାରେ ବାହାରିବା ସମୟରେ ଶ୍ରଦ୍ଧାଳୁମାନେ ଠାକୁରଙ୍କ ନିକଟରେ ଭିଡ଼ ଜମାଇଥିଲେ ।
ରାତି ୩ଟାରେ ଚନ୍ଦ୍ରଭାଗା ପୂଜା ମଣ୍ଡପରେ ତିନି ଠାକୁର ବିଜେ କରିଥିଲେ । ଆଧ୍ୟାତ୍ମିକ ପରିବେଶରେ ହରିବୋଲ ଓ ହୁଳହୁଳି ଶବ୍ଦ ତୀର୍ଥ କ୍ଷେତ୍ରକୁ ପ୍ରକମ୍ପିତ କରିଥିଲା । ତୀର୍ଥ ପୁଷ୍କରିଣୀରେ ପୁରୀ ରାଧାବଲ୍ଲଭ ମଠ ପକ୍ଷରୁ ସାଧୁସନ୍ଥ ୧୦୮ ଦୀପ ଆଳତି କରିଥିଲେ । ସମସ୍ତ ନୀତି ସମାପନ ପରେ ତିନି ଠାକୁର ତୀର୍ଥ ଜଳରେ ସ୍ନାନ କରିଥିଲେ । ଏହା ପରେ ଭୋର ୪ଟା ୧୦ମିରେ ଅପେକ୍ଷାରତ ସାଧୁସନ୍ଥ ଓ ଶ୍ରଦ୍ଧାଳୁ ତୀର୍ଥ ପୁଷ୍କରିଣୀରେ ବୁଡ଼ ପକାଇଥିଲେ । ତୀର୍ଥ ପୁଷ୍କରିଣୀରେ ପାଣି କମ ଥିବାରୁ କିଛି ସମୟ ପରେ ପୁଷ୍କରିଣୀ ଜଳ ଗୋଳିଆ ହୋଇଯିବାରୁ ଶ୍ରଦ୍ଧାଳୁମାନେ ଅସନ୍ତୋଷ ବ୍ୟକ୍ତ କରିଥିଲେ । ବୁଡ଼ ପକାଇ ସାରିବା ପରେ ଶ୍ରଦ୍ଧାଳୁମାନେ ବେଳାଭୂମିରେ ସୂର୍ଯ୍ୟଦେବଙ୍କୁ ଦର୍ଶନ କରିଥିଲେ । ଗ୍ରହଶାନ୍ତି ନିମନ୍ତେ ଚନ୍ଦ୍ରଭାଗାରୁ ଚାଲିଚାଲି ନବଗ୍ରହ ପୀଠରେ ପୂଜାର୍ଚ୍ଚନା, ହୋମଯଜ୍ଞ ଓ ପରେ ସୂର୍ଯ୍ୟମନ୍ଦିର ପରିଦର୍ଶନ କରିଥିଲେ ।
ମାଘ ସପ୍ତମୀ ଅବସରରେ ସୂର୍ଯ୍ୟ ମନ୍ଦିର ପ୍ରବେଶ ଶୁଳ୍କ ଛାଡ଼ ଥିଲା । ଦିନ ତମାମ ଏହି ବିଶ୍ୱ ଐତିହ୍ୟସ୍ଥଳୀରେ ଶ୍ରଦ୍ଧାଳୁଙ୍କ ଭିଡ଼ ଲାଗି ରହିଥିଲା । ସେହିଭଳି ଶାମ୍ବ ଦଶମୀ ତିଥିରୁ ୨୭ଦିନ ଯାତ୍ରାରେ ବାହାରିଥିବା ପ୍ରଭୁ ସୂର୍ଯ୍ୟ ନାରାୟଣଙ୍କ ଚଳନ୍ତି ପ୍ରତିମା ରଥାରୂଢ ହୋଇ ଅବଧୂତ ମଠକୁ ବାହୁଡ଼ି ଆସିଥିଲେ ।ଚନ୍ଦ୍ରଭାଗା ବୁଡ଼ ନିମନ୍ତେ ସୋମବାର ଅପରାହ୍ଣରୁ ମଙ୍ଗଳବାର ପର୍ଯ୍ୟନ୍ତ କୋଣାର୍କ ଓ ଚନ୍ଦ୍ରଭାଗାରେ ରାଜ୍ୟ ସମେତ ଦେଶ, ବିଦେଶର ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା । ମେଳା ପଡିଆରେ ଜିଲ୍ଲାପାଳ ଜ୍ୟୋତି ପ୍ରକାଶ ଦାସ, ଅତିରିକ୍ତ ଜିଲ୍ଲାପାଳ ବିନୟ କୁମାର ଦାଶ, ଉପଜିଲ୍ଲାପାଳ ଭାବତାରଣ ସାହୁ, କେନ୍ଦ୍ରାଞ୍ଚଳ ଆଇଜି ସୌମେନ୍ଦ୍ର ପ୍ରିୟଦର୍ଶୀ, ଏସ୍‌ପି ସାର୍ଥକ ଷଡ଼ଙ୍ଗୀ, ଅତିରିକ୍ତ ଏସ୍‌ପି ପ୍ରଭାତ କୁମାର ସ୍ୱାଇଁ, ଏନ୍‌ଏସି ନିର୍ବାହୀ ଅଧିକାରୀ ଏମ୍‌ ଶ୍ରୀନିବାସ, ପ୍ରଶାସନିକ ଅଧିକାରୀ ପ୍ରମୁଖ ଉପସ୍ଥିତ ରହି ସୁରକ୍ଷା ବ୍ୟବସ୍ଥା ତଦାରଖ କରିଥିଲେ । ଶାନ୍ତିଶୃଙ୍ଖଳା ରକ୍ଷା ନିମନ୍ତେ ୩୦ ପ୍ଲାଟୁନ୍‌ ଫୋର୍ସ, ୨୦୦ ସ୍ୱେଚ୍ଛାସେବୀ ନିୟୋଜିତ ଥିଲେ ।