PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ପଛୁଆ ବର୍ଗ ପକ୍ଷରୁ କୋକସରାରେ ସଂରକ୍ଷଣ ଦାବିରେ ରାସ୍ତା ଅବରୋଧ, ଯାତାୟତ ଠପ୍
  • ||
  • କଳାହାଣ୍ଡି: ଅଙ୍ଗନୱାଡି କର୍ମୀ ଚୟନ ପାଇଁ ରାମପୁର ଆଇସିଡିଏସ୍ ସିଡିପିଓ ଲକ୍ଷେ ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ ଟିମ୍
  • ||
  • କଟକ: ଦୀପାବଳିରେ ବାଣ ଫୁଟାଇବାକୁ ନେଇ ମାମଲା, ପିଟିସନ୍ ଖାରଜ; ସାନି ପିଟିସନ୍ ଦାଖଲ ଲାଗି ହାଇକୋର୍ଟଙ୍କ ନିର୍ଦେଶ
  • ||
  • ଭୁବନେଶ୍ୱର: କାର୍‌ଗିଲ୍‌ ବସ୍ତିରୁ ୨୫୪ ଗ୍ରାମ୍‌ ବ୍ରାଉନ୍‌ସୁଗାର ଜବତ, ଜଣେ ଗିରଫ
  • ||
  • ନୀଳଗିରି: ଯୁବତୀଙ୍କୁ ଦୁର୍ବ୍ୟବହାର କରିବା ଯୁବକଙ୍କୁ ପଡିଲା ମହଙ୍ଗା, ଧରାପଡି ନିର୍ଧୁମ ମାଡ଼ ଖାଇଲେ
  • ||
  • ସୀମାନ୍ତରେ ମାଓବାଦୀ ଯବାନ ଗୁଳିବିନିମୟ ୩ ମାଓବାଦୀ ନିହତ, ବନ୍ଧୁକ ଗୋଳାବାରୁଦ ଜବତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୩୧୨କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୨୫ କୋଭିଡ୍ ପଜିଟିଭ୍
  • ||
  • ଆଠଗଡ଼: ପବିତ୍ର କାର୍ତ୍ତିକ ମାସର ପ୍ରଥମ ସୋମବାର, ଖାଁ ଖାଁ ଧବଳେଶ୍ଵରଙ୍କ ପୀଠ
  • ||
  • ମୟୂରଭଞ୍ଜ: ଆଜି ୧୨ ଘଣ୍ଟିଆ ମୟୂରଭଞ୍ଜ ବନ୍ଦ, ୧୬ ଦଫା ଦାବିରେ ନେଇ ରାସ୍ତାକୁ ଓହ୍ଲାଇଛି ବିଜେପି
  • ||
  • ଭୁବନେଶ୍ୱର: ରାଜ୍ୟରେ ୫ ଦିନ ଯାଏ ବଢ଼ିବନି ଶୀତ, ୨୮ରୁ ୩୦ ଯାଏ କାଁ ଭାଁ ବର୍ଷା ସମ୍ଭାବନା
  • ||
  • ଭୁବନେଶ୍ୱର: ଆଜିଠୁ ଆରମ୍ଭ ହେବ ଅଷ୍ଟମ ଶ୍ରେଣୀ କ୍ଲାସ୍ ରୁମ୍ ପାଠପଢ଼ା, ପ୍ରଥମ ଦୁଇଦିନ ହସଖୁସି ପିଲାଙ୍କ ଶିକ୍ଷଣସ୍ତର ମପାଯିବ
  • ||
  • ରାୟଗଡ଼ା: ବସ୍ତି ଉଚ୍ଛେଦ ପ୍ରତିବାଦରେ ବିଜେପି ପକ୍ଷରୁ ୧୨ ଘଣ୍ଟିଆ ରାସ୍ତାରୋକ। ରାସ୍ତା ଅବରୋଧ ଆରମ୍ଭ ହେବାର ମାତ୍ର ୧ ଘଣ୍ଟା ପରେ ସମସ୍ତଙ୍କୁ ଉଠେଇ ନେଲା ପୁଲିସ।
  • ||
  • ଜଗତସିଂହପୁର: ୩୦୦ ଗ୍ରାମ ବ୍ରାଉନସୁଗର ସହ ନଗଦ ଟଙ୍କା ଜବତ କଲା ଜଗତସିଂହପୁର ପୋଲିସ, ଜଣେ ମହିଳା ଅଟକ
  • ||

ଷ୍ଟେସନରୁ ୩ ଲୁଟେରା ଗିରଫ: ୨୪ ମୋବାଇଲ୍‌, ଟଙ୍କା ଜବତ

ଭୁବନେଶ୍ୱର,୧୭ ।୩(ବ୍ୟୁରୋ): ଭୁବନେଶ୍ୱର ରେଳ ଷ୍ଟେସନରେ ଟ୍ରେନ୍‌ ଯାତ୍ରୀଙ୍କୁ ଲୁଟ୍‌ପାଟ କରି ଆତଙ୍କ ଖେଳାଇଥିବା ୩ କୁଖ୍ୟାତ ଲୁଟେରାଙ୍କୁ ରେଳବାଇ ଥାନା ପୁଲିସ ଗିରଫ କରିଛି । ସେମାନେ ହେଲେ ଲକ୍ଷ୍ମୀସାଗର ଥାନା ଅନ୍ତର୍ଗତ ବୁଦ୍ଧନଗର ପ୍ରଧାନସାହିର ଗୁଡ୍ଡୁ ଓରଫ ଶ୍ରୀମାଞ୍ଚଳ ପାଢ଼ୀ(୨୬), ବାବୁ ଓରଫ ରବି ବେହେରା(୧୯) ଓ ଯାଜପୁର ଚୋରଡ଼ାର ଆକାଶ ଓରଫ ଅଶୋକ ଦାସ(୨୦) । ଗିରଫ ଲୁଟେରାଙ୍କ ଠାରୁ ୨୪ଟି ମୋବାଇଲ୍‌ ଫୋନ୍‌ ଓ ୧୦ ହଜାର ଟଙ୍କା ଜବତ ହୋଇଛି । ରେଳବାଇ ଥାନା ପୁଲିସ ସୂଚନା ଅନୁଯାୟୀ, ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ ସୁରୋଳର ମନୋଜ କୁମାର ଦାସ ଝାରସୁଗୁଡ଼ା ଯିବା ପାଇଁ ଆଜି ଭୋର ସମୟରେ ଆସି ଭୁବନେଶ୍ୱର ରେଳ ଷ୍ଟେସନରେ ପହଞ୍ଚିଥିଲେ । ସେ ପ୍ଲାଟ୍‌ଫର୍ମ ନଂ-୧ରେ ଟ୍ରେନ୍‌କୁ ଅପେକ୍ଷା କରି ଛିଡ଼ା ହୋଇଥିଲେ । ଏହି ସମୟରେ ୩ ଲୁଟେରା ଆସି ମନୋଜଙ୍କ ହାତରୁ ବ୍ୟାଗ୍‌ ଝାମ୍ପିନେଇ ପଳାଇଥିଲେ । ମନୋଜ ଚୋର ଚୋର ବୋଲି ପାଟି କରିଥିଲେ ମଧ୍ୟ ୩ ଲୁଟେରା ଖସି ପଳାଇଥିଲେ । ଏନେଇ ମନୋଜ ରେଳବାଇ ଥାନାରେ ଅଭିଯୋଗ କରିଥିଲେ ।

ରେଳବାଇ ପୁଲିସ ସଙ୍ଗେ ସଙ୍ଗେ ଷ୍ଟେସନ ଓ ଆଖପାଖ ଅଞ୍ଚଳରେ ଚଢ଼ଉ କରିଥିଲା । ଗୁଡ୍ଡୁ, ବାବୁ ଓ ଆକାଶଙ୍କୁ ଗିରଫ କରିବାର ସଫଳ ହୋଇଥିଲା ପୁଲିସ । ସେମାନଙ୍କ ଠାରୁ ମନୋଜଙ୍କ ବ୍ୟାଗ୍‌ ଜବତ କରା ଯାଇଥିଲା । ଏଥିସହ ସେମାନଙ୍କ ଘରେ ପୁଲିସ ଚଢ଼ଉ କରି ଗୁଡ୍ଡୁ ଠାରୁ ୧୧ଟି ମୋବାଇଲ୍‌ ଓ ୨୫ ଶହ ଟଙ୍କା, ଆକାଶ ଠାରୁ ୭ଟି ମୋବାଇଲ୍‌ ଓ ୩୫ଶହ ଟଙ୍କା, ରବି ଠାରୁ ୬ଟି ମୋବାଇଲ୍‌ ଫୋନ୍‌ ଓ ୪ ହଜାର ଟଙ୍କା ଜବତ କରା ଯାଇଥିଲା । ଏହି ଲୁଟେରାମାନେ ବିଶେଷ କରି ଟ୍ରେନ୍‌ରେ ଚଢ଼ୁଥିବା ଲୋକଙ୍କୁ ଟାର୍ଗେଟ କରନ୍ତି । ସୁବିଧା ଦେଖି ଯାତ୍ରୀଙ୍କ ହାତରୁ ବ୍ୟାଗ୍‌ ଓ ମୋବାଇଲ୍‌ ଫୋନ୍‌ ଝାମ୍ପି ନିଅନ୍ତି । ୩ ଜଣ ଲୁଟେରାଙ୍କ ନାମରେ ପୂର୍ବରୁ ମଧ୍ୟ ରେଳବାଇ ଥାନାରେ ମାମଲା ରହିଛି । ଆଜି ଅପରାହ୍ଣରେ ୩ ଲୁଟେରାଙ୍କୁ କୋର୍ଟ ଚାଲାଣ କରା ଯାଇଥିଲା । ଜାମିନ୍‌ ନାମଞ୍ଜୁର ହେବାରୁ ସମସ୍ତଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି ।