ଆଜିଠୁ +୩ ଦ୍ୱିତୀୟ ପର୍ଯ୍ୟାୟ ଆବେଦନ ଆରମ୍ଭ: ୧୦ରେ ବାହାରିବ ମେଧା ତାଲିକା

ଭୁବନେଶ୍ୱର ୨୬/୮ : ରାଜ୍ୟରେ ଥିବା ବିଭିନ୍ନ ଡିଗ୍ରୀ ଓ ସ୍ୱୟଂଶାସିତ କଲେଜ ଗୁଡ଼ିକର ଯୁକ୍ତ ତିନି ପ୍ରଥମ ବର୍ଷରେ ନାମଲେଖା ସରିବା ପରେ ଖାଲି ପଡ଼ିଥିବା ୯୭, ୩୫୪ ସିଟ୍‌ ପାଇଁ ଆସନ୍ତାକାଲିଠୁ ଅନ୍‌ଲାଇନ୍‌ରେ ଆବେଦନ ପ୍ରକ୍ରିୟା ଆରମ୍ଭ ହେବ । ଛାତ୍ରଛାତ୍ରୀମାନେ ଆସନ୍ତାକାଲିଠୁ ୩୧ ତାରିଖ ରାତି ୧୧ଟା ୫୯ ମିନିଟ୍‌ ପର୍ଯ୍ୟନ୍ତ ଅନ୍‌ଲାଇନ୍‌ରେ ଆବେଦନ କରିପାରିବେ । ଯେଉଁ ଛାତ୍ରଛାତ୍ରୀ ପ୍ରଥମ ପର୍ଯ୍ୟାୟ ଆବେଦନ କରିଥିଲେ ମଧ୍ୟ କୌଣସି କାରଣରୁ ନାମଲେଖାରୁ ବଞ୍ଚିତ ହୋଇଥିବେ ଅଥବା ପ୍ରଥମ ପର୍ଯ୍ୟାୟ ଆବେଦନ କରିପାରିନଥିବେ ସେମାନେ ଏହି ପର୍ଯ୍ୟାୟରେ ଆବେଦନ କରିପାରିବେ । ଆବେଦନ କରିବା ପରେ ସେପ୍ଟେମ୍ବର ୪ ତାରିଖରେ ସାମ୍ସ ସେଣ୍ଟରରେ କମନ୍‌ ଆପ୍ଲିକେସନ୍‌ ଫର୍ମ(କ୍ୟାଫ୍‌)ର ହାର୍ଡ କପି ଦାଖଲ କରିବେ ।

ଏହା ପରେ ମେଧା ତାଲିକା ସେପ୍ଟେମ୍ବର ୧୦ ତାରିଖରେ ପ୍ରକାଶ ପାଇବ । ମେଧା ତାଲିକା ପ୍ରକାଶ ପାଇବା ପରେ ଯୋଗ୍ୟବିବେଚିତ ଛାତ୍ରଛାତ୍ରୀମାନେ ୧୦ରୁ ୧୨ ତାରିଖ ଭିତରେ ଅନ୍‌ଲାଇନ୍‌ରେ ଆଡମିଶନ୍‌ ଫି’ ଦାଖଲ କରିବେ । ୧୩ ତାରିଖ ଦିନ ନାମଲେଖାର ସମସ୍ତ ତଥ୍ୟ ଅନ୍‌ଲାଇନ୍‌ରେ ଅପଡେଟ୍‌ ହେବ ।ଯେଉଁ ଛାତ୍ରଛାତ୍ରୀ ପୂର୍ବରୁ ପ୍ରଥମ ପର୍ଯ୍ୟାୟରେ ୟୁଜର୍‌ନେମ୍‌ ଓ ପାସ୍‌ୱାର୍ଡ ଜେନେରେଟ୍‌ କରିଛନ୍ତି ସେମାନେ ଏହାକୁ ବ୍ୟବହାର କରି ପୁଣିଥରେ ଆବେଦନ କରିବେ ।

ଆବେଦନ ଓ ଆଡମିଶନ୍‌ ଫି କେବଳ ଅନ୍‌ଲାଇନ୍‌ରେ ଡିପୋଜିଟ୍‌ କରିହେବ । ପ୍ରଥମ ପର୍ଯ୍ୟାୟରେ ପାସ୍‌ ଓ ବ୍ୟାଙ୍କ ଆକାଉଣ୍ଟର ସମ୍ପୂର୍ଣ୍ଣ ବିବରଣୀ ଏହି ପର୍ଯ୍ୟାୟରେ ସମାନ ହୋଇଥିବା ଆବଶ୍ୟକ । ଯଦି କୌଣସି ପାର୍ଥକ୍ୟ ଦେଖାଯାଏ ତେବେ ସେମାନେ ପ୍ରଥମ ପର୍ଯ୍ୟାୟରେ ଆଡ୍‌ମିଶନ ଫି’ ଆଉ ଫେରି ପାଇବେ ନାହିଁ ।

ଉଲ୍ଲେଖଯୋଗ୍ୟ, ରାଜ୍ୟରେ ସମୁଦାୟ ୧୦୪୭ ଡିଗ୍ରୀ ତଥା ସ୍ୱୟଂଶାସିତ କଲେଜର ୨ ଲକ୍ଷ ୬୧ ହଜାର ୭୬୨ ସିଟ୍‌ ପାଇଁ ପ୍ରଥମ ପର୍ଯ୍ୟାୟ ନାମଲେଖା ହୋଇଥିଲା । ହେଲେ ଏହି ପର୍ଯ୍ୟାୟରେ ସମୁଦାୟ ୧ ଲକ୍ଷ ୬୪ ହଜାର ୪୦୮ ସିଟ୍‌ ପୂରଣ ହେବା ପରେ କଳା, ବାଣିଜ୍ୟ ଓ ବିଜ୍ଞାନରେ ୯୧, ୪୨୪ ସିଟ୍‌ ଖାଲି ପଡ଼ିଥିବାବେଳେ ସଂସ୍କୃତରେ ୫, ୯୩୦ ସିଟ୍‌ ଖାଲି ପଡ଼ିଛି ।

   ସମ୍ବନ୍ଧିତ ଖବର


ଅଧିବେଶନ ପୂର୍ବରୁ ପରୀକ୍ଷା : ଆଉ ୬ ବିଧାୟକଙ୍କୁ କରୋନା

ଆଜିଠୁ ଆରମ୍ଭ ହେବ ବିଧାନସଭାର ମୌସୁମୀ ଅଧିବେଶନ, ସାମାଜିକ ଦୂରତା ଓ ମାସ୍କ ପିନ୍ଧିବା ବାଧ୍ୟତାମୂଳକ

ଅକ୍ଟୋବର ୪ ତାରିଖରେ ଖୋଲିବ ନନ୍ଦନକାନନ

ବିଧାନସଭାର ୧୪ ସଦସ୍ୟଙ୍କୁ କରୋନା

ବିଜେଡ଼ିରୁ ବିଦା ହେଲେ କଳ୍ପତରୁ ଓଝା: ଦଳବିରୋଧୀ କାର୍ଯ୍ୟ ପାଇଁ ବହିଷ୍କାର କଲେ ସୁପ୍ରିମୋ ନବୀନ ପଟ୍ଟନାୟକ

ବ୍ୟୋମକେଶ ରାୟଙ୍କୁ ବିଜୁ ଯୁବ ଜନତା ଦଳର ସଭାପତି, ଦେବୀ ରଞ୍ଜନ ତ୍ରିପାଠୀଙ୍କୁ ବିଜୁ ଛାତ୍ର ଜନତା ଦଳର ସଭାପତି ଦାୟିତ୍ୱ