PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • Tokyo Olympics : ଭାରତକୁ ପ୍ରଥମ ପଦକ, ଭାରଉତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ମନରେଗାରେ ୩୧୭୧ କୋଟି କେନ୍ଦ୍ରୀୟ ଅନୁଦାନ ବାକି

ଭୁବନେଶ୍ୱର,୫ା୨(ବ୍ୟୁରୋ): ୨୦୧୩-୧୪ରୁ ଏଯାବତ୍‌ ମହାତ୍ମା ଗାନ୍ଧି ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ମନରେଗା)ରେ ଓଡ଼ିଶାକୁ ମିଳିବା କଥା ୧୨ ହଜାର ୬୩୧ କୋଟି ୯୫ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ । ହେଲେ କେନ୍ଦ୍ର ଦେଇଛି ୯୪୬୦ କୋଟି ୩୭ ଲକ୍ଷ ଟଙ୍କା । ଏବେ ବି ୩୧୭୧ କୋଟି ୫୮ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ ବକେୟା ରହିଛି । ପଞ୍ଚାୟତିରାଜ ମନ୍ତ୍ରୀ ରମେଶ ଚନ୍ଦ୍ର ମାଝୀ ଏଭଳି ତଥ୍ୟ ଦେଇଛନ୍ତି ।
ବିଧାୟକ ଅଂଶୁମାନ ମହାନ୍ତିଙ୍କ ପ୍ରଶ୍ନର ଉତ୍ତରରେ ମନ୍ତ୍ରୀ ଶ୍ରୀ ମାଝୀ ଜଣାଇଛନ୍ତି, ୨୦୧୮-୧୯ ବର୍ଷ (ବର୍ତ୍ତମାନ ସୁଦ୍ଧା) ମନରେଗାରେ ଓଡ଼ିଶାକୁ ୨୭୬୬ କୋଟି ୩୮ଲକ୍ଷ ଟଙ୍କା କେନ୍ଦ୍ର ଦେବା କଥା । ହେଲେ ମିଳିଛି ୨୦୯୪ କୋଟି ୩୯ ଲକ୍ଷ ଟଙ୍କା । ଆହୁରି ୬୭୧ କୋଟି ୯୯ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ ବକେୟା ଅଛି । ସେହିପରି ୨୦୧୩-୧୪ରେ କେନ୍ଦ୍ରରୁ ୭୫୭ କୋଟି ୫୨ ଲକ୍ଷ ଟଙ୍କା ମିଳିଥିବାବେଳେ ୬୦୬ କୋଟି ୬୮ ଲକ୍ଷ ଟଙ୍କା ବକେୟା ଅଛି । ୨୦୧୪-୧୫ରେ ୧୦୩୫ କୋଟି ୩୦ ଲକ୍ଷ ଟଙ୍କା ମିଳିଛି । ବାକି ପଡ଼ିଛି ୬୧୫ କୋଟି ୬୩ ଲକ୍ଷ । ୨୦୧୫-୧୬ରେ ୧୪୭୯ କୋଟି ୪୧ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ ମିଳିଥିବାବେଳେ ୬୨୩ କୋଟି ୩୭ ଲକ୍ଷ ବକେୟା ଅଛି । ୨୦୧୬-୧୭ରେ ୧୮୯୫ କୋଟି ୨୬ ଲକ୍ଷ ଟଙ୍କା ମିଳିଛି । ଆହୁରି ୩୧୮ କୋଟି ୨ ଲକ୍ଷ ବାକି ଅଛି । ୨୦୧୭-୧୮ରେ ମିଳିବା କଥା ୨୫୩୪ କୋଟି ୩୮ ଲକ୍ଷ ଟଙ୍କା । ହେଲେ ମିଳିଛି ୨୧୯୮ କୋଟି ୪୯ ଲକ୍ଷ ଟଙ୍କା । ବକେୟା ଅଛି ୩୩୫ କୋଟି ୮୯ ଲକ୍ଷ ଟଙ୍କା ।
ଧାର୍ଯ୍ୟ ହିସାବ ଅନୁଯାୟୀ ୨୦୧୩-୧୪ରୁ ୨୦୧୮-୧୯ (ବର୍ତ୍ତମାନ ସୁଦ୍ଧା) ପର୍ଯ୍ୟନ୍ତ ମନରେଗାରେ ମୋଟ ୧୨ ହଜାର ୬୩୧ କୋଟି ୯୫ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ ମିଳିବା କଥା । ମିଳିଛି ୯୪୬୦ କୋଟି ୩୭ ଲକ୍ଷ ଟଙ୍କା । ୩୧୭୧ କୋଟି ୫୮ ଲକ୍ଷ ଟଙ୍କାର କେନ୍ଦ୍ରୀୟ ଅନୁଦାନ ବକେୟା ଅଛି ।
ରାଜ୍ୟ ସରକାର ପ୍ରତ୍ୟେକ ଅନୁଦାନଗୁଡ଼ିକର ବିନିଯୋଗପତ୍ର ଦାଖଲ କରିଛନ୍ତି । କେନ୍ଦ୍ର ସରକାରଙ୍କଠାରୁ ବକେୟା ପାଇବା ପାଇଁ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରାଳୟକୁ ରାଜ୍ୟ ସରକାର ଚିଠି ଲେଖି ଅନୁରୋଧ କରିଛନ୍ତି । ଏହାବାଦ୍‌ ୨୦୧୫-୧୬ରେ ରାଜ୍ୟ ସରକାର ନିଜ ବଜେଟରୁ ୫୯୬ କୋଟି ୮୧ ଲକ୍ଷ ଟଙ୍କା ପ୍ରଦାନ କରି ମରୁଡ଼ି ପ୍ରଭାବିତ ୨୧୫ ବ୍ଲକରେ ଅତିରିକ୍ତ ୫୦ ଦିନର କାର୍ଯ୍ୟ ଯୋଗାଇ ଦେଇଛନ୍ତି । ଏହାବ୍ୟତୀତ ୫୨ ଟଙ୍କାର ଅତିରିକ୍ତ ମଜୁରି ପ୍ରଦାନ କରିବାର ବ୍ୟବସ୍ଥା କରାଯାଇଥିଲା । ୨୦୧୭-୧୮ରେ କେନ୍ଦ୍ର ସରକାରଙ୍କ ବକେୟା ଅର୍ଥ ଯୋଗୁ ନିର୍ଦ୍ଧାରିତ ସମୟରେ ମଜୁରି ପାଇନଥିବା ହିତାଧିକାରୀଙ୍କୁ ଠିକ୍‌ ସମୟରେ ମଜୁରି ପ୍ରଦାନ ପାଇଁ ରାଜ୍ୟ ସରକାର ମନରେଗା ଯୋଜନା ଅଧୀନରେ ସୃଷ୍ଟି ହୋଇଥିବା ଆବର୍ତ୍ତନ ପାଣ୍ଠିରୁ ୩୦୦ କୋଟି ଟଙ୍କା ପ୍ରଦାନ କରିଛନ୍ତି ।

ସମ୍ବନ୍ଧିତ ଖବର