PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତେଲକୋଇ: ଟ୍ରକ୍ ପଛରେ ପିଟି ହେଲା ବାଇକ୍ : ୨ ଗୁରୁତର
  • ||
  • ୩ୟ ଟେଷ୍ଟ ଜିତିଲା ଭାରତ – ଇଂଲଣ୍ଡକୁ ୧୦ ୱିକେଟ୍‌ରେ ହରାଇଲା ଟିମ୍ ଇଣ୍ଡିଆ
  • ||
  • ଭୁବନେଶ୍ୱର- ୨୨ ବର୍ଷ ପରେ ବହୁ ଚର୍ଚ୍ଚିତ ବାରଙ୍ଗ ଦୁଷ୍କର୍ମ ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ ଘଟଣାରେ କମିଶନରେଟ୍‌ ପୋଲିସୁ ଶୁଭେଚ୍ଛା ଜଣାଇଲେ ରାଜ୍ୟପାଳ
  • ||
  • ଚନ୍ଦକା ଜଙ୍ଗଲରେ ନିଆଁ – ନିଆଁକୁ ଆୟତ୍ତ କଲା ଜଙ୍ଗଲ ବିଭାଗ
  • ||
  • ଭଞ୍ଜନଗର – ଅଚିହ୍ନା ପ୍ରେମୀ ଯୁଗଳଙ୍କ ଆତ୍ମହତ୍ୟା ସନ୍ଦେହ , ଜଙ୍ଗଲ ନିଆଁରେ ଜଣେ ସଂପୂର୍ଣ୍ଣ ପାଉଁଶ, ଗଛରେ ଝୁଲୁଛି ଅର୍ଦ୍ଧଦଗ୍ଧ ଯୁବତୀର ଶବ।
  • ||
  • ଅହମ୍ମଦାବାଦରେ ଭାରତ-ଇଂଲଣ୍ଡ ୩ୟ ଟେଷ୍ଟ , ୨ୟ ଇନିଂସ୍‌ରେ ୮୧ ରନରେ ଇଂଲଣ୍ଡ ଅଲ୍ଆଉଟ୍
  • ||
  • ଭାରତ ଇଂଲଣ୍ଡ ଟେଷ୍ଟ ମ୍ୟାଚ- ଭାରତ ୧୪୫ ରନ୍‌ରେ ଅଲ୍‌ ଆଉଟ୍‌
  • ||
  • ନବରଙ୍ଗପୁର- ପରକିୟାପ୍ରୀତି ମହଙ୍ଗା , ପ୍ରେମିକ ସହ ବିବାହିତ ମହିଳା ଫେରାର ହୋଇ ଧରାପଡିବା ପରେ ଗାଁ ଦାଣ୍ଡରେ ବାନ୍ଧି ନିର୍ଧୁମ ଛେଚା ଖାଇଲେ ।
  • ||
  • ପାରାଦୀପ- ପାରଦୀପ ବନ୍ଦର ପକ୍ଷରୁ ୨୭ ହଜାର କୋଟି ଟଙ୍କାରୁ ଉର୍ଦ୍ଧ୍ଵ ୨୭ ଟି ବିଭିନ ପ୍ରକଳ୍ପର ଏମଓୟୁ ସ୍ୱାକ୍ଷରିତ
  • ||
  • ଅନୁଗୁଳ: ଓଡ଼ପଡ଼ାରେ ୮ ବଖରା ଘର ଭାଙ୍ଗିଲେ ହାତୀ ପଲ
  • ||
  • ରାଜଗାଙ୍ଗପୁର ସମିତିସଭ୍ୟ ଉପନିର୍ବାଚନ । କୁକୁଡ଼ାମୁଣ୍ଡାରେ ପୁଷ୍ପିତା ଓ ବୁଚକୁପଡା ରେ ବସନ୍ତଙ୍କ ବିଜୟ । ଦୁଇଟିରେ ବିଜେଡି ସମର୍ଥିତ ପାର୍ଥୀଙ୍କ ବାଜିମାତ।
  • ||
  • ନୂଆପଡ଼ା – ଜିଲ୍ଲା ପରିଷଦ ଜୋନ୍ ୨ ନିର୍ବାଚନ ଫଳାଫଳ ବିଜେଡ଼ି ପ୍ରାର୍ଥୀ ଅବନୀ ରଞ୍ଜନ ଯୋଶୀ ୧୦୬୨୪ ଭୋଟରେ ବିଜୟୀ
  • ||
  • ଭଦ୍ରକ: ଦୁଷ୍କର୍ମ ଉଦ୍ୟମ କରି ବିଫଳ ହେବା ପରେ ମହିଳାଙ୍କୁ ଏସିଡ ମାଡ଼ ଘଟଣା, ୨୦ବର୍ଷ ପରେ ଗିରଫ ହେଲା ଅଭିଯୁକ୍ତ ସୁବାସ
  • ||
  • ବାଲେଶ୍ବର: ଯୌତୁକ ନିର୍ଯାତନା ମୃତ୍ୟୁ ଅଭିଯୋଗ ମାମଲା, ୫ଜଣଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି ବାଲେଶ୍ୱର ଏଡିଜେମ କୋର୍ଟ
  • ||
  • ନୀଳଗିିରି: ଓଡ଼ିଆ ପଥର କାରିଗରଙ୍କ କମାଲ୍, ରାଜସ୍ଥାନରେ ଟ୍ରାଫିକ ସମସ୍ୟା ଓ ତାର ସୁଧାର ପାଇଁ ଗାଇଲେ ଗୀତ,
  • ||
  • ରାୟଗଡା: ନାଗାବଳି ନଦୀରୁ ଅଜଣା ମହିଳାଙ୍କ ମୃତଦେହ ଉଦ୍ଧାର, ତଦନ୍ତ କରୁଛି ପୁଲିସ
  • ||
  • କଟକ: ବୀରମିତ୍ରପୁର ନାବାଳିକା ଦୁଷ୍କର୍ମ ମାମଲା, ଗର୍ଭପାତ କରାଇଥିବା ଡାକ୍ତର ଦେବାଶିଷ ଘୋଷଙ୍କୁ ହାଇକୋର୍ଟରୁ ମିଳିଲା ଜାମିନ
  • ||
  • ଅନୁଗୁଳ: NTPC CISF ଯବାନଙ୍କ ଏକାଉଣ୍ଟରୁ ଟଙ୍କା ଲୁଟ ଘଟଣା, ସାଇବର ଲୁଟେରାକୁ ପଶ୍ଚିମବଙ୍ଗରୁ ଗିରଫ କଲା ପୁଲିସ୍
  • ||
  • ତାଳଚେର ଥର୍ମାଲ ବନ୍ଦ ପ୍ରସଙ୍ଗ: ଆଜି ଠାରୁ ପ୍ରତୀକ ଆନ୍ଦୋଳନ ଆରମ୍ଭ
  • ||
  • ବାଲେଶ୍ବର: ଓଡ଼ିଶା-ପଶ୍ଚିମବଙ୍ଗ ସୀମା ବିଦାଦର ସମାଧାନ ପାଇଁ ପଶ୍ଚିମବଙ୍ଗରେ ବୈଠକ
  • ||

ବହୁ ଚର୍ଚ୍ଚିତ ଅଞ୍ଜନା ମିଶ୍ର ଗଣଦୁଷ୍କର୍ମ ମାମଲା; ଭଙ୍ଗା ସ୍କୁଟର୍‌, ଲକେଟ୍‌ ଥିଲା ବଳିଷ୍ଠ ପ୍ରମାଣ: ତତ୍‌କାଳୀନ କ୍ରାଇମ୍‌ବ୍ରାଞ୍ଚ୍‌ ଆଇଓ ଜୟଶ୍ରୀ କୁଣ୍ଡୁ

କଟକ,୨୩/୦୨: ଚାକିରି ଜୀବନରେ ଅନେକ ଦୁଷ୍କର୍ମ ମାମଲାର ତଦନ୍ତ କରିଛି । ହେଲେ ଅଞ୍ଜନା ମିଶ୍ରଙ୍କ ଗଣଦୁଷ୍କର୍ମ ମାମଲା ନିଆରା ଥିଲା । ଆରମ୍ଭରୁ ମାମଲାର ତଦନ୍ତ ଅତ୍ୟନ୍ତ ଚ୍ୟାଲେଞ୍ଜିଂ ଥିଲା । ୧୯୯୯ ମସିହାରେ ମହିଳା ଥାନାରୁ ତଦନ୍ତ ଭାର କ୍ରାଇମବ୍ରାଞ୍ଚକୁ ହସ୍ତାନ୍ତର ହେବା ପରେ ତଦନ୍ତକାରୀ ଅଧିକାରୀ ଭାବେ ତତ୍‌କାଳୀନ ଆଇଜି ଆଇ.ଜେ. ଯାଚକ ମୋତେ ଦାୟିତ୍ୱ ଦେଇଥିଲେ । ଦୁଷ୍କର୍ମ ସମୟରେ ବ୍ୟବହାର ହୋଇଥିବା ସ୍କୁଟର ସମ୍ପର୍କରେ ପୀଡ଼ିତାଙ୍କଠାରୁ ଖବର ପାଇଥିଲି । ପୁରୁଣା ସ୍କୁଟର ସମ୍ପର୍କରେ ଖୋଜଖବର ନେବା ସମୟରେ ବାରଙ୍ଗ ଅଞ୍ଚଳରେ ଘଟଣାଦିନ ପଇଁତରା ମାରୁଥିବା ପୁଲିସ୍‌ଠାରୁ ଗାଡ଼ି ନମ୍ବର ସମ୍ପର୍କରେ ସୁରାକ୍‌ ପାଇଥିଲୁ । ଏଥିପାଇଁ ତତ୍କାଳୀନ ଆରଟିଓ ସାରଦା ପାତ୍ର ବହୁ ସାହାଯ୍ୟ କରିଥିଲେ । ଆରଟିଓ ଗାଡ଼ିର ମାଲିକାନା ବାହାର କରି ଦେବା ପରେ ଠିକଣା ସ୍ଥାନରେ କ୍ରାଇମବ୍ରାଞ୍ଚ ତଦନ୍ତକାରୀ ଟିମ୍‌ ପହଞ୍ଚିଥିଲା ।

ଉଲ୍ଲେଖ ଯୋଗ୍ୟ ଯେ, ଜାନୁଆରୀ ୯ ତାରିଖ ତଥା ଦୁଷ୍କର୍ମ ଘଟଣା ଘଟିବା ଦିନ ସ୍କୁଟର ମାଲିକଙ୍କଠାରୁ କେଉଁମାନେ ଗାଡ଼ି ନେଇଥିଲେ ତାହା ଜଣାପଡ଼ିଯିବା ପରେ ଆମେ ଦୁଷ୍କର୍ମକାରୀଙ୍କ ବାବଦରେ ତଥ୍ୟ ସୂଚନା ପାଇଯାଇଥିଲୁ । ମାତ୍ର ସେ ସମୟରେ ପଥର ଖାଦାନରେ କାମ କରୁଥିବା ପଦିଆ, ଟୁନିଆ ଆଦି କାମଧନ୍ଦା ଛାଡ଼ି ବାହାରେ ଲୁଚି ରହିବାରୁ ସେମାନଙ୍କୁ ଗିରଫ କରିବା ସାମାନ୍ୟ ବିଳମ୍ବ ହୋଇଥିଲେ ହେଁ କମ୍‌ ଦିନ ମଧ୍ୟରେ ଗିରଫ କରିବାରେ ସକ୍ଷମ ହୋଇଥିଲୁ । ପଦିଆ ଓ ଟୁନିଆ ଜେରା କରିବା ସମୟରେ ଅନେକ ତଥ୍ୟ ପ୍ରମାଣ ସେମାନଙ୍କଠୁ ଯୋଗାଡ଼ କରିଥିଲୁ । ମାତ୍ର ମୁଖ୍ୟ ଅଭିଯୁକ୍ତ ବିବନ ଓରଫ ବିବେକାନନ୍ଦ ବିଶ୍ୱାଳକୁ ଧରିବା ପାଇଁ ବହୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲୁ । ଗିରଫ ହୋଇଥିବା ଅଭିଯୁକ୍ତ ପଦିଆ ଓ ଟୁନିଆକୁ ଜେରା କରିବା ସମୟରେ ଗଣଦୁଷ୍କର୍ମ କରିବା ପରେ ପୀଡ଼ିତାଙ୍କଠୁ ଲୁଟ୍‌ପାଟ କରିଥିବା ସୁନା ହାର, ସୁନା ମୁଦି, ସୁନା ଲକେଟ୍‌ ଏବଂ ଅନ୍ୟାନ୍ୟ ସୁନା ଅଳଙ୍କାର ଯାଜପୁର ଅଞ୍ଚଳରେ ବିକ୍ରି କରିଥିବା ସ୍ୱୀକାର କରିଥିଲେ ।

ସୂଚନାକୁ ଆଧାର କରି ଯାଜପୁର ଅଞ୍ଚଳ ଯାଇ ଉକ୍ତ ଅଳଙ୍କାର ଦୋକାନରୁ ସୁନାଗହଣା ଜବତ କରିଥିଲୁ । ଟିଆଇ ପରେଡ୍‌ରେ ଅଭିଯୁକ୍ତମାନଙ୍କୁ ଅଳଙ୍କାର ବ୍ୟବସାୟୀ ଚିହ୍ନିବା ପରେ ଏହା ଅଭିଯୁକ୍ତମାନଙ୍କ ବିରୋଧରେ ଏକ ବଳିଷ୍ଠ ପ୍ରମାଣ ହୋଇଥିଲା । ହାଇପ୍ରୋଫାଇଲ୍‌ ମାମଲା ସାଙ୍ଗକୁ ଘଟଣାକୁ ନେଇ ରାଜନୈତିକ ବୟାନବାଜି ଏବଂ ରାଜନୈତିକ ଇସ୍ୟୁ ଚାଲିଥିବାରୁ ତତ୍‌କାଳୀନ ଆଇଜି ଶ୍ରୀ ଯାଚକ ପ୍ରତ୍ୟକ୍ଷଭାବେ ତଦନ୍ତ ପ୍ରକ୍ରିୟାକୁ ଅନୁଧ୍ୟାନ କରୁଥିଲେ । ମୁଁ ଇନ୍ସପେକ୍ଟର ଥିବା ସମୟରେ ମାମଲାର ତଦନ୍ତ କରୁଥିବାରୁ ସାକ୍ଷ୍ୟ, ପ୍ରମାଣ ଯୋଗାଡ଼ କରିବା ପ୍ରତିଟି କାର୍ଯ୍ୟ ମୋ ପାଇଁ ଏବଂ ଅନ୍ୟ ସହକର୍ମୀ ତତ୍‌କାଳୀନ ଇନ୍ସପେକ୍ଟର ୟୁ.ଏନ୍‌. ସାହୁ ଓ ମଧୁସୂଦନ ପଣ୍ଡାଙ୍କ ପାଇଁ ମଧ୍ୟ ବହୁ ଚ୍ୟାଲେଞ୍ଜ୍‌ ଥିଲା ।

ଏମିତିକି ଦୁଷ୍କର୍ମ ଘଟଣା ଷଡ଼ଯନ୍ତ୍ରରେ ପୀଡ଼ିତା ନିଜ ବୟାନରେ ତତ୍‌କାଳୀନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକ ଏବଂ ପୂର୍ବତନ ଆଡଭୋକେଟ୍‌ ଜେନେରାଲ୍‌ ଇନ୍ଦ୍ରଜିତ୍‌ ରାୟଙ୍କ ନାଁ କହିଥିଲେ । ସେ ଦୃଷ୍ଟିରୁ ଜାନକୀ ବାବୁ ମୁଖ୍ୟମନ୍ତ୍ରୀ ଥାଇ ମଧ୍ୟ ମୁଁ ତଦନ୍ତକାରୀ ଅଫିସର ଭାବେ ତାଙ୍କୁ ପଚରାଉଚରା କରିବା ସହ ତାଙ୍କ ବୟାନ ରେକର୍ଡ କରାଇଥିଲି । ସେହିପରି ଆଡଭୋକେଟ୍‌ ଜେନେରାଲ୍‌ ଶ୍ରୀ ରାୟଙ୍କୁ ମଧ୍ୟ ସେ ସମୟରେ ଜେରା କରିବାକୁ ପଡିଥିଲା ।