PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ମୋଦି ସରକାରଙ୍କ ବଡ଼ ଘୋଷଣା, ରେଳବାଇରେ ୪ ଲକ୍ଷଙ୍କୁ ମିଳିବ ନିଯୁକ୍ତି

ନୂଆଦିଲ୍ଲୀ,୨୩ା୧(ଏଜେନ୍ସି): ସରକାରୀ ଚାକିରି ପାଇଁ ଆଶାୟୀ ଥିବା ଯୁବକଯୁବତୀଙ୍କ ନିମନ୍ତେ ମୋଦି ସରକାର ଆଜି ଏକ ବଡ଼ ଘୋଷଣା କରିଛନ୍ତି । ଘୋଷଣା ଅନୁଯାୟୀ ରେଳବାଇରେ ଆସନ୍ତା ୨ ବର୍ଷ ମଧ୍ୟରେ ମୋଟ ୪ ଲକ୍ଷ ନିଯୁକ୍ତି ସୃଷ୍ଟି ହେବ । ଦୀର୍ଘଦିନ ଧରି ରେଳବାଇ ଚାକିରିକୁ ଅପେକ୍ଷା କରିଥିବା ଯୁବଗୋଷ୍ଠୀଙ୍କ ପାଇଁ ଏହା ନୂଆ ଆଶାର କିରଣ ଭଳି ହେବ । ଖୋଦ ରେଳମନ୍ତ୍ରୀ ପୀୟୂଷ ଗୋୟଲ୍‌ ବୁଧବାର ଏହି ସୂଚନା ଦେଇଛନ୍ତି ।
ରେଳମନ୍ତ୍ରୀ କହିଛନ୍ତି, ଆଗାମୀ ୨ ବର୍ଷ ମଧ୍ୟରେ ଭାରତୀୟ ରେଳବାଇରେ ୨.୩ ଲକ୍ଷ ନୂଆ ନିଯୁକ୍ତି ସୃଷ୍ଟି ହେବ । କିନ୍ତୁ ଖାଲି ଥିବା ପଦବୀ ଓ ଅବସର ନେବାକୁ ଥିବା କର୍ମଚାରୀଙ୍କୁ ଯଦି ମିଶାଯାଏ, ତେବେ ୨ ବର୍ଷ ମଧ୍ୟରେ ୪ ଲକ୍ଷରୁ ଅଧିକ ନିଯୁକ୍ତି ସୃଷ୍ଟି ହେବ ।
ତାଙ୍କ କହିବାନୁଯାୟୀ ୨.୩ ଲକ୍ଷ ନୂଆ ନିଯୁକ୍ତି ବାଦ୍‌ ଏବେ ରେଳବାଇରେ ୧.୩୨ ଲକ୍ଷ ପଦବୀ ଖାଲି ପଡ଼ିଛି । ତା’ଛଡ଼ା ଦୁଇବର୍ଷ ମଧ୍ୟରେ ୧ ଲକ୍ଷ କର୍ମଚାରୀ ଅବସର ଗ୍ରହଣ କରିବାକୁ ଯାଉଛନ୍ତି । ଏ ସବୁକୁ ମିଶାଇଲେ ଆଗାମୀ ୨ ବର୍ଷ ମଧ୍ୟରେ ରେଳବାଇ ଯୁବଗୋଷ୍ଠୀଙ୍କ ପାଇଁ ୪ ଲକ୍ଷରୁ ଅଧିକ ନିଯୁକ୍ତି ସୃଷ୍ଟି କରିବ । ତେବେ ୧.୫ ଲକ୍ଷ ନିଯୁକ୍ତି ପାଇଁ ପ୍ରକ୍ରିୟା ଆଗେଇଛି ଏବଂ ଏହା ଦୁଇରୁ ଅଢ଼େଇ ମାସ ମଧ୍ୟରେ ଶେଷ ହେବ ।
ରେଳବାଇରେ ସୃଷ୍ଟି ହେବାକୁ ଥିବା ୨.୩ ଲକ୍ଷ ନୂଆ ପଦବି ବାବଦରେ ଅଧିକ ସୂଚନା ଦେଇ ଗୋୟଲ୍‌ କହିଛନ୍ତି, ପ୍ରଥମ ପର୍ଯ୍ୟାୟରେ ୧ ଲକ୍ଷ ୩୧ ହଜାର ୪୨୮ ପଦବି ପାଇଁ ବିଜ୍ଞପ୍ତି ପ୍ରକାଶ ପାଇବ । ଫେବ୍ରୁଆରୀ କିମ୍ବା ମାର୍ଚ୍ଚରେ ବିଜ୍ଞପ୍ତି ଜାରି ହେବ । ସେହିଭଳି ୨୦୨୦ ମେ କିମ୍ବା ଜୁନ୍‌ରେ ୯୯ହଜାର ନିଯୁକ୍ତି ପାଇଁ ବିଜ୍ଞପ୍ତି ଜାରି କରାଯିବ । ସୃଷ୍ଟି ହେବାକୁ ଥିବା ନୂଆ ପଦବି (୨.୩ ଲକ୍ଷ) ମଧ୍ୟରେ ୩୪,୦୦୦ ଏସ୍‌ସି, ୧୭,୦୦୦ ଏସ୍‌ଟି ଏବଂ ୬୨,୦୦୦ ପଦବି ଓବିସି ପ୍ରାର୍ଥୀଙ୍କ ପାଇଁ ସଂରକ୍ଷଣ ରହିବ । ଆର୍ଥିକ ଦିଗରୁ ପଛୁଆ ଥିବା ପ୍ରାର୍ଥୀମାନଙ୍କ ପାଇଁ ୨୩,୦୦୦ ଚାକିରି ସଂରକ୍ଷଣ ରହିବ ।
ଏ ନେଇ ଘୋଷଣା କରିବା ପରେ ରେଳମନ୍ତ୍ରୀ ଗୋୟଲ୍‌ କହିଛନ୍ତି, ଅଧିକରୁ ଅଧିକ ଯୁବକଯୁବତୀ ରେଳବାଇରେ ସାମିଲ ହୋଇ ଦେଶର ସେବା କରନ୍ତୁ ବୋଲି ସରକାର ଚାହୁଁଛନ୍ତି । ଆମେ ସେମାନଙ୍କୁ ସ୍ୱାଗତ କରିବୁ । ଏଥିସହ ଗୋୟଲ୍‌ ପୂର୍ବ ସରକାରଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, ପୂର୍ବର ଉପା ସରକାର ଯଦି ରେଳବାଇରେ ପର୍ଯ୍ୟାପ୍ତ ନିବେଶ କରିଥାନ୍ତେ, ତେବେ ଆଜି ଏଭଳି ଦିନ ଦେଖିବାକୁ ପଡ଼ିନଥାନ୍ତା । ପୂର୍ବରୁ ରାଜନୈତିକ ଉଦ୍ଦେଶ୍ୟ ରଖାଯାଇ ନୂଆ ରେଳଲାଇନ୍‌ କଥା ଚିନ୍ତା କରାଯାଉଥିଲା । କିନ୍ତୁ ବର୍ତ୍ତମାନର ମୋଦି ସରକାର ଆବଶ୍ୟକତା ଅନୁସାରେ ନିଷ୍ପତ୍ତି ନେଉଛନ୍ତି ।

ସମ୍ବନ୍ଧିତ ଖବର