PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ବିସ୍ମୟ ବାଳକ ବୁଦ୍ଧାଦିତ୍ୟ: ୪ ବର୍ଷ ବୟସରେ ଦୌଡୁଛନ୍ତି ଭୁବନେଶ୍ୱରରୁ ପୁରୀ

ବୁଧିଆ ସିଂଙ୍କ ଭଳି ଆଉ ଜଣେ ବିସ୍ମୟ ବାଳକ ବୁଦ୍ଧାଦିତ୍ୟ ସ୍ୱାଇଁ । ବୟସ ମାତ୍ର ୪ ବର୍ଷ ଏକ ମାସ । ଏହି ବୟସରେ ସେ ଦୌଡ଼ୁଛନ୍ତି ଭୁବନେଶ୍ୱରରୁ ପୁରୀ । ମାତ୍ର ୮ ଘଣ୍ଟା ୪୦ ମିନିଟ୍‌ ମଧ୍ୟରେ ୬୦ କିଲୋ ମିଟରରୁ ଊଦ୍ଧ୍ୱର୍ ଦୂରତା ଅତିକ୍ରମ କରି ପାରୁଛନ୍ତି । ଭୁବନେଶ୍ୱର ଉପକଣ୍ଠ କେଶୁରା ପାୱାର ହାଉସ କଲୋନୀରେ ରହୁଛନ୍ତି । ବାପା ଦେବଦତ୍ତ ଓ ମା’ ଗୋପା ରାଉତ ।
୨୦୦୬ରେ ବୁଧିଆ ସିଂ ମାତ୍ର ୪ ବର୍ଷ ବୟସରେ ଭୁବନେଶ୍ୱରରୁ ପୁରୀ ୬୫ କି.ମି ରାସ୍ତାକୁ ୭ ଘଣ୍ଟାରେ ଅତିକ୍ରମ କରି ଲିମ୍‌କା ବୁକ୍‌ ଅଫ୍‌ ରେକର୍ଡରେ ସାମିଲ ହୋଇଥିଲେ । ଏହାପରେ ସେ ବହୁ ମାରାଥନରେ ଦୌଡ଼ି ପୁରସ୍କୃତ ହୋଇଥିଲେ । ପରବର୍ତ୍ତୀ ସମୟରେ ରାଜ୍ୟ ସରକାରଙ୍କ ହସ୍ତକ୍ଷେପ ପରେ ବୁଧିଆ କ୍ରୀଡ଼ା ଛାତ୍ରାବାସରେ ରହିଥିଲେ । ଏବେ ନିଜ ଘରେ ରହୁଛି । ଠିକ୍‌ ବୁଧିଆଙ୍କ ଭଳି ସାହସ ଏବଂ ଦୃଢ଼ ମନୋବଳ । ନିଶା କେବଳ ଦୌଡ଼ିବା । ଦୌଡ଼ ଆରମ୍ଭ କଲେ ଲକ୍ଷ୍ୟ ହାସଲ କରି ନସାରିବା ପର୍ଯ୍ୟନ୍ତ ଥକି ପଡ଼ନ୍ତି ନାହିଁ ବୁଦ୍ଧାଦିତ୍ୟ । ବାପା ଦେବଦତ୍ତଙ୍କ କହିବା ଅନୁସାରେ, ବୁଦ୍ଧାଦିତ୍ୟ ଅତି ଛୋଟ ବେଳରୁ ହିଁ ଅଧିକ ଦୁଷ୍ଟାମି କରୁଥିଲା । ଦୁଷ୍ଟାମିବେଳେ ତା’ ଶରୀରରୁ ଆପଣାଛାଏଁ ବାରି ହେଉଥିଲା ଅସୀମ ଶକ୍ତିର ଝଲକ । ତେଣୁ ପୁଅଙ୍କୁ ଅଳ୍ପ ଅଳ୍ପ ଦୌଡ଼ାଇବା ପାଇଁ ପ୍ରୋତ୍ସାହିତ କଲୁ । ଏଥିରେ ବୁଦ୍ଧାଦିତ୍ୟ ଆଦୌ କ୍ଳାନ୍ତ ଅନୁଭବ କରୁନଥିଲା । ବରଂ କେଶୁରା ଖେଳ ପଡ଼ିଆରେ ବାରମ୍ବାର ପରିକ୍ରମା କରୁଥିଲା । ଏ ବିଷୟରେ ଆମେ ଡାକ୍ତରଙ୍କ ପରାମର୍ଶ ନେଇଥିଲୁ । ଡାକ୍ତର ପୁଅର ସାହସ ଓ ଶକ୍ତି ଦେଖି କୌଣସି କ୍ରୀଡ଼ାରେ ନିୟୋଜିତ କରିବାକୁ ପ୍ରସ୍ତାବ ଦେଇଥିଲେ । ସେବେଠୁ ବୁଦ୍ଧାଦିତ୍ୟ ଦୌଡ଼ୁଛି ।’
ବୁଦ୍ଧାଦିତ୍ୟଙ୍କୁ ସାକ୍ଷାତ କଲେ ସେ ଆପଣା ଛାଏଁ କହି ଦେଉଛନ୍ତି, ସେ କେତେବେଳେ ଉଠୁଛନ୍ତି, ପଡ଼ିଆରେ କେତେ ଘେରା ପରିକ୍ରମା କରୁଛନ୍ତି, ଆହୁରି କେତେ କ’ଣ କଥା । ପ୍ରକୃତରେ ଶିଶୁଟିର ଏହି ସାହସ ଦେଖିଲେ ଆଶ୍ଚର୍ଯ୍ୟ ଓ ଚକିତ ଲାଗୁଛି । ଗତ ୬ ମାସ ଧରି ବୁଦ୍ଧାଦିତ୍ୟ ଦୌଡ଼ିବା ଅଭ୍ୟାସ ଆରମ୍ଭ କରିଛନ୍ତି । ସେ କେଶୁରା ଲିଟିଲ ପ୍ଲେ ସ୍କୁଲ୍‌ରେ ନର୍ସରୀ ଛାତ୍ର । ଦୌଡ଼ିବା ବ୍ୟତୀତ ପାଠ ପଢ଼ିବା ଓ ଜୁଡୋ ଶିକ୍ଷା ମଧ୍ୟ କରୁଛନ୍ତି । ଦିନରେ ଯେତେବେଳେ ବି ସମୟ ମିଳେ ସେ କେବଳ ଦୌଡ଼ିବାକୁ ପସନ୍ଦ କରନ୍ତି । ମା’ ଗୋପା ଯେତିକି ଜାଣିଛନ୍ତି ସେହି ଅନୁସାରେ ପୁଅଙ୍କୁ ଖାଇବାକୁ ଦେଉଛନ୍ତି । ତେବେ ବୁଦ୍ଧାଦିତ୍ୟ ଆମିସଠୁ ନିରାମିସ ଖାଇବାକୁ ଅଧିକ ପସନ୍ଦ କରନ୍ତି । ଖାଇବାରେ ସେ ଦୁଷ୍ଟାମି କରନ୍ତି ନାହିଁ, ମା’ ଯାହା ଦିଅନ୍ତି ତାହା ସେ ଖାଇ ଦିଅନ୍ତି । ବୁଦ୍ଧାଦିତ୍ୟଙ୍କ ଏହି ଦୃଢ଼ ଇଚ୍ଛାଶକ୍ତି ଓ ଆଗ୍ରହ ଦେଖି ବାପା-ମା’ ଏବେ ତାଙ୍କର ଭବିଷ୍ୟତ ନେଇ ଚିନ୍ତିତ ହୋଇ ପଡ଼ିଛନ୍ତି । ଘରର ଆର୍ଥିକ ଅବସ୍ଥା ସେମିତି ସ୍ୱଚ୍ଛଳ ନୁହଁ ଯେ ଦୌଡ଼ିବା ପାଇଁ ପୁଅର ସବୁ ଆବଶ୍ୟକତା ଭରଣ କରି ପାରିବେ । ଏବେ ପିଲା ଛୋଟ ଅଛି । ସେ ବଡ଼ ହେବ । ସେହି ଅନୁସାରେ ଆବଶ୍ୟକତା ବଢ଼ି ବଢ଼ି ଚାଲିବ । ସରକାର ଯଦି ବୁଦ୍ଧାଦିତ୍ୟର କଥା ବୁଝନ୍ତି ତେବେ ସେ ନିଶ୍ଚିତ ଭାବେ ଦିନେ ରାଜ୍ୟ ତଥା ଦେଶ ପାଇଁ ଗୌରବ ଆଣିବ ବୋଲି ବାପା ଦେବଦତ୍ତ ବିଶ୍ୱାସ ରଖିଛନ୍ତି । ବୁଦ୍ଧାଦିତ୍ୟ ଇତି ମଧ୍ୟରେ ୩/୪ ଥର ଭୁବନେଶ୍ୱରରୁ ପୁରୀ ଦୌଡ଼ି ସାରିଲେଣି । କିନ୍ତୁ କଥା ହେଉଛି ରାଜ୍ୟରେ ଏଭଳି ଆଉ ଜଣେ ପ୍ରତିଭା ଗତ ବର୍ଷ ଚିହ୍ନଟ ହୋଇଥିଲେ । ସେ ହେଉଛନ୍ତି ଦିବ୍ୟ ରଞ୍ଜନ ଓଝା । ଘର ଜଗତସିଂହପୁର । ୪ ବର୍ଷ ବୟସରେ ଦୈନିକ ୨୫ରୁ ୩୦ କିଲୋ ମିଟର ଦୌଡ଼ୁଛନ୍ତି । କୋଚ୍‌ ବିରଞ୍ଚିଙ୍କ ହତ୍ୟା ପରେ ବୁଧିଆଙ୍କ କ୍ୟାରିୟର ଭିନ୍ନ ମୋଡ଼ ନେଇଥିଲା । ଅବହେଳା ଯୋଗୁ ସେ ତାଙ୍କ ପୂର୍ବ ପ୍ରତିଭା ଏକ ପ୍ରକାର ହରାଇ ବସିଛନ୍ତି ।
ନିଜସ୍ୱ ଉଦ୍ୟମରେ ବାପା-ମା’ମାନେ ନିଜ ପିଲାମାନଙ୍କୁ ଲକ୍ଷ୍ୟ ସ୍ଥଳରେ ବହଞ୍ଚାଇବା ସମ୍ଭବ ନୁହଁ । ଏଥିପାଇଁ ସରକାରଙ୍କ ସହଯୋଗର ଆବଶ୍ୟକତା ରହିଛି । ଏବେ ବୁଦ୍ଧାଦିତ୍ୟ ହୁଅନ୍ତୁ ଅବା ଦିବ୍ୟ ରଞ୍ଜନ ସରକାର ଯଦି ସେମାନଙ୍କୁ ଏଭଳି ବୟସରୁ ଉପଯୁକ୍ତ ଦୃଷ୍ଟି ଦିଅନ୍ତେ, ତେବେ ସେମାନେ ବଡ଼ ହୋଇ ବିଶ୍ୱ ଆଥଲେଟିକ୍ସରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରି ପାରନ୍ତେ ।

ସମ୍ବନ୍ଧିତ ଖବର