PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼: ପୁଲିସ ପଞ୍ଝାରେ ଆନ୍ତରାଜ୍ୟ ଡକାୟତି ଗ୍ୟାଙ୍ଗ, ଧରିଲା ବୀରମିତ୍ରପୁର ପୋଲିସ
  • ||
  • ବୌଦ୍ଧ: ବିଦ୍ୟୁତ ଆଘାତରେ ଟଳିପଡିଲେ ଯୁବକ, କଣ୍ଟାମାଳ ବ୍ଲକ ତେନ୍ତୁଳୀଖୁଣ୍ତି ଗ୍ରାମରୁ ଆସିଲା ଦୁଃଖଦ ଖବର
  • ||
  • ବୁର୍ଲା: ରୋଗୀ ସମ୍ପର୍କୀୟଙ୍କୁ ବାରମ୍ବାର ଲୁଟ କରୁଥିବା ୪ ଜଣିଆଁ ଡ଼କାୟତ ଗ୍ୟାଙ୍ଗକୁ ଗିରଫ କଲା ବୁର୍ଲା ପୁଲିସ…
  • ||
  • ରାଜନଗର: ଅଗଷ୍ଟ ୫ରୁ ପର୍ଯ୍ୟଟକଙ୍କ ପାଇଁ ଖୋଲିବ ଭିତରକନିକା, ରାତ୍ରୀଯାପନ ପାଇଁ ମିଳିବନି ଅନୁମତି…
  • ||
  • ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ଗୁଳିବିନିମୟ ଜଣେ ହାର୍ଡକୋର ମାଓବାଦୀ ମୃତ
  • ||
  • ମାଲକାନଗିରି: ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ମାଓ ଓ ଯବାନଙ୍କ ମଧ୍ୟରେ ଗୁଳିବିନିମୟ, ଜଣେ ହାର୍ଡକୋର ମାଓବାଦୀ ନିହତ
  • ||
  • ବଲାଙ୍ଗୀର: ଆତ୍ମସମର୍ପଣ କଲା କେକେବିଏନ ଡିଭିଜନର କ୍ୟାଡରର ମାଓବାଦୀ
  • ||
  • ବ୍ରହ୍ମପୁର: ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ଉଦଘାଟିତ, ଦାୟିତ୍ୱ ନେଲେ ଭାରପ୍ରାପ୍ତ କୁଳପତି
  • ||
  • ଭୁବନେଶ୍ୱର: କେନ୍ଦ୍ରାପଡ଼ାର ରସାବଳିକୁ ଜିଆଇ ଟ୍ୟାଗ ମାନ୍ୟତା ଦାବି, କେନ୍ଦ୍ର ମନ୍ତ୍ରୀ ପୀୟୂଷ ଗୋଏଲଙ୍କୁ ଭେଟି ଦାବି କଲେ ମୁନ୍ନା ଖାଁ, ସୁବାସ ସିଂ, ମମତା ମହନ୍ତ
  • ||
  • ଭୁବନେଶ୍ୱର: ଥମୁନି କରୋନ ମୃତ୍ୟୁ, ଆଉ ୬୪ ଜଣଙ୍କ ଜୀବନ ନେଲା ମହାମାରୀ
  • ||
  • ଯଶିପୁର ନିକଟସ୍ଥ ବଡ଼ବିଲ କୁଆବଣି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗାଡି ଚକତଳେ ଚାପିହୋଇ ଯୁବକଙ୍କ ମୃତ୍ୟୁ…
  • ||
  • ପୁରୀ: ହଟିବ ଜଗା ଦର୍ଶନ କଟକଣା ! ଅଗଷ୍ଟ ୪ରେ ଶ୍ରୀମନ୍ଦିର ସମନ୍ୱୟ କମିଟି ବୈଠକ
  • ||
  • ଭୁବନେଶ୍ୱର: ଓଡ଼ିଶା ସହ ୧୦ ରାଜ୍ୟ ବଢ଼ାଉଛି ଚିନ୍ତା, ୪୬ ଜିଲ୍ଲାରେ ୧୦%ରୁ ଅଧିକ ଟିପିଆର
  • ||
  • ଭୁବନେଶ୍ୱର: ଓଡ଼ିଶାରେ କୁମିଛି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୪୩୭ କୋଭିଡ୍ ପଜିଟିଭ
  • ||

ଗୁଡ୍‌ ନିଉଜ୍‌ ଇଣ୍ଡିଆ ସେଲ୍‌ଟର୍‌ ହୋମ୍‌ରେ ଚଢ଼ଉ: ୪୦ ଛାତ୍ରଛାତ୍ରୀ ଉଦ୍ଧାର

କଟକ/ଚୌଦ୍ୱାର-ଗୁରୁଡିଝାଟିଆ, ୧୫ା୩ (ବ୍ୟୁରୋ/ଆପ୍ର): ପ୍ରଶାସନ ଦ୍ୱାରା ନିଷେଧ ହୋଇଥିବା ଗୁଡ୍‌ ନିଉଜ ଇଣ୍ଡିଆ ସେଲ୍‌ଟର ହୋମ୍‌ ଚୋରାରେ ଚାଲିଛି । ଏନେଇ ସୂଚନା ମିଳିବା ପରେ ଆଜି ସେଲ୍‌ଟର ହୋମ୍‌ରେ ପ୍ରଶାସନ ପକ୍ଷରୁ ମିଳିତ ଚଢ଼ଉ ହୋଇଛି । ଆଶ୍ଚର୍ଯ୍ୟର ବିଷୟ ଏଠାରେ ପିଲାମାନଙ୍କୁ ପାଲ ଟାଣି ବାଉଁଶ ବୁଦା ମୂଳେ ରଖାଯାଇଥିବା ଦେଖିବାକୁ ମିଳିଛି । ଚଢ଼ଉ ପରେ ସେଠାରୁ ପ୍ରାୟ ୪୦ ଜଣ ଛାତ୍ରଛାତ୍ରୀଙ୍କୁ ଉଦ୍ଧାର କରାଯାଇଛି ।
ଅନ୍ୟପଟେ ପୂର୍ବରୁ ସେଲ୍‌ଟର ହୋମ୍‌ରେ ରହି ପାଠ ପଢୁଥିବା ପିଲା ପରୀକ୍ଷା ଦେବାକୁ ଆସି ଏଠାରେ ଅସ୍ଥାୟୀ ଭାବେ ଥିବା ଗୁଡ୍‌ ନିଉଜ ଇଣ୍ଡିଆ କର୍ତ୍ତୃପକ୍ଷ ସଫେଇ ଦେଇଛନ୍ତି । ତେବେ ଏହି ଚଢ଼ଉ ବେଳେ କିଛି ସ୍ଥାନୀୟ ଲୋକ ପ୍ରଶାସନକୁ ବିରୋଧ କରିବାରୁ ସେଠାରେ ଉତ୍ତେଜନା ଦେଖାଦେଇଥିଲା ।
ଗଲା ଡିସେମ୍ବରରେ ଢେଙ୍କାନାଳ ସ୍ଥିତି ଗୁଡ୍‌ ନିଉଜ ଇଣ୍ଡିଆ ସେଲ୍‌ଟର ହୋମ୍‌ରେ ଯୌନ କେଳେଙ୍କାରୀ ଘଟଣା ପଦାକୁ ଆସିବା ପରେ ସଂସ୍ଥାର ରାଜ୍ୟ ତମାମ୍‌ ୨୨ଟି ଶାଖା ଉପରେ ଚଢ଼ଉ କରାଯାଇଥିଲା । ସେହିକ୍ରମରେ ଚୌଦ୍ୱାର ଶଙ୍କରପୁର ଓ ମଙ୍ଗରାଜପୁର ମଧ୍ୟରେ ଥିବା ସେଲ୍‌ଟର ହୋମ୍‌ରେ ଚଢ଼ଉ କରାଯାଇଥିଲା । ସେଠାରେ ରହୁଥିବା ମୋଟ ୧୨୬ଜଣ ପିଲାଙ୍କ ମଧ୍ୟରୁ ୭୮ ଜଣଙ୍କୁ ସେମାନଙ୍କ ପରିବାରକୁ ହସ୍ତାନ୍ତର କରାଯିବା ସହିତ ଅବଶିଷ୍ଟ ୪୮ ଜଣଙ୍କୁ ଜିଲ୍ଲାର ବିଭିନ୍ନ ଅନୁଷ୍ଠାନରେ ଥଇଥାନ କରାଯାଇଥିଲା । ଏହା ପରେ ଗୁଡ୍‌ ନିଉଜ୍‌ ଇଣ୍ଡିଆ ସେଲ୍‌ଟର ହୋମ୍‌ର ସମସ୍ତ ରୁମ୍‌କୁ ଜିଲ୍ଲା ପ୍ରଶାସନ ପକ୍ଷରୁ ସିଲ୍‌ କରାଯାଇଥିଲା । ଘଟଣାକୁ ଏହା ମଧ୍ୟରେ ତିନି ମାସ ବିତିଲାଣି । ଏହି ସମୟ ମଧ୍ୟରେ ସେଲ୍‌ଟର ହୋମ୍‌ର କର୍ତ୍ତୃପକ୍ଷ ପୁଣି କିଛି ଛାତ୍ରଛାତ୍ରୀଙ୍କୁ ଆଣି ପାଖରେ ରଖିବା ଆରମ୍ଭ କରିଥିଲେ । ରୁମ୍‌ଗୁଡ଼ିକ ସିଲ୍‌ ହୋଇଥିବାରୁ ସେଠାରୁ ପ୍ରାୟ ୫ଶହ ମିଟର ଦୂରରେ ଏକ ବାଉଁଶ ବୁଦା ମୂଳରେ ପାଲଟାଙ୍ଗି କିଛି ଅସ୍ଥାୟୀ ଘର ନିର୍ମାଣ କରି ସେଠାରେ ପିଲାଙ୍କୁ ରଖାଯାଇଥିଲା ।
ଏହି ବିଷୟ ନେଇ ଆଜି ସୂଚନା ମିଳିବା ପରେ ସିଡବ୍ଲୁସି, ଡିସିପିଓ, ଚାଇଲ୍ଡ ଲାଇନ୍‌ ଓ ଚୌଦ୍ୱାର ପୁଲିସ ସେଠାରେ ଚଢ଼ଉ କରିଥିଲେ । ଚଢ଼ଉ ବେଳେ ଉକ୍ତ ଅସ୍ଥାୟୀ ଘରୁ ପ୍ରାୟ ୪୦ ଜଣ ପିଲାଙ୍କୁ ଉଦ୍ଧାର କରାଯାଇଥିଲା । ଉଦ୍ଧାର ପିଲାଙ୍କ ମଧ୍ୟରୁ ଭରସା ସ୍ୱେଚ୍ଛାସେବୀ ଅନୁଷ୍ଠାନରେ ୧୧ ଜଣଙ୍କୁ ଓ ଚୌଦ୍ୱାର ସ୍ଥିତ ଶିଶୁ ସଦନରେ ୨୯ ଜଣଙ୍କୁ ରଖାଯାଇଛି । ପରେ ତାଙ୍କ ପରିବାରକୁ ହସ୍ତାନ୍ତର କରିବା ପ୍ରକ୍ରିୟା ସିଡବ୍ଲୁସି ପକ୍ଷରୁ ଆରମ୍ଭ ହେବ । ଅନ୍ୟପଟେ ଏହା ସେଲ୍‌ଟର ହୋମ୍‌ ନୁହେଁ ବରଂ ପୁର୍ବରୁ ସେଲଟର ହୋମରେ ରହି ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପଢ଼ୁଥିବା ପିଲାଙ୍କର ଏବେ ପରୀକ୍ଷା ଚାଲିଥିବାରୁ ତାଙ୍କୁ ଏବେ ଅସ୍ଥାୟୀ ଭାବେ ରଖାଯାଇଛି । ସେହି ପିଲାମାନଙ୍କର ପରିବାରବର୍ଗ ଏଠାରେ ଆଣି ଛାଡ଼ିଛନ୍ତି । ପରୀକ୍ଷା ସରିବା ପର୍ଯ୍ୟନ୍ତ ପିଲାମାନେ ଏଠାରେ ରହିବା ପାଇଁ ଅସ୍ଥାୟୀ ଭାବେ ବ୍ୟବସ୍ଥା ହୋଇଥିବା ଆଶ୍ରମ ପରିଚାଳକ ଦୀପକ ପରିମାଣିକ ସୂଚନା ଦେଇଛନ୍ତି । ମାତ୍ର ଏହି କଥାକୁ ପ୍ରଶାସନ ବିଶ୍ୱାସ ନକରି ତାର କାର୍ଯ୍ୟାନୁଷ୍ଠାନ ଗ୍ରହଣ କରିଛି । ତେବେ ପ୍ରଶାସନର ଆଜି ଚଢ଼ଉ ବେଳେ ପିଲାମାନଙ୍କ ସପକ୍ଷରେ କିଛି ସ୍ଥାନୀୟ ଲୋକ ମତ ଦେବାରୁ ସେଠାରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା । ଆଜିର ଏହି ଚଢ଼ଉରେ ସିଡବ୍ଲୁସି ଅଧ୍ୟକ୍ଷା ମନ୍ଦାକିନୀ ଜେନା, ସଦସ୍ୟ ଚିତ୍ତ ରଞ୍ଜନ ମହାନ୍ତି, ଅମୀୟ ଭୁଷଣ ବିଶ୍ୱାଳ, ଶ୍ରୀକାନ୍ତ ମହାନ୍ତି, ଶିଶୁ ସୁରକ୍ଷା ଅଧିକାରୀ ପ୍ରଗତି ମହାନ୍ତି ଓ ଚାଇଲ୍ଡ ଲାଇନ୍‌ର ନାରାୟଣ ଶୁକ୍ଲା ପ୍ରମୁଖ ସାମିଲ ହୋଇଥିଲେ ।