ଅଜଣା ଗାଡ଼ି ଧକ୍କାରେ ୫ ଗୋରୁ ମୃତ

ଚିଲିକା ୨୪/୮ : ବାଲୁଗାଁ ବାଇପାସ୍‌ ୧୬ନଂ ଜାତୀୟ ରାଜପଥ ବେଲପଡ଼ା ଛକ ନିକଟରେ ଶୁକ୍ରବାର ଭୋର ୬ଟା ବେଳେ କୌଣସି ଏକ ଅଜଣା ଗାଡ଼ି ଧକ୍କାରେ ଘଟଣାସ୍ଥଳରେ ୫ଟି ଗାଈଙ୍କ ମୃତ୍ୟୁ ଘଟିଛି । ବିଳମ୍ବିତ ପ୍ରହର ପର୍ଯ୍ୟନ୍ତ ଗୋରୁଙ୍କ ମୃତ ଶରୀର ରାଜପଥରେ ପଡ଼ି ରହିଥିବା ବେଳେ ଗୋରୁ ମାଲିକଙ୍କ ଦେଖା ମିଳିନାହିଁ ।

ବର୍ଷାଋତୁରେ ଧାନଚାଷ ଯୋଗୁଁ ଗାଈଗୋରୁ ବିଲ ମଧ୍ୟକୁ ଚରିବାକୁ ଯାଇପାରିନଥାନ୍ତି । ଗୋରୁ ମାଲିକମାନେ ଗୁହାଳରେ ଦୀର୍ଘ ସମୟ ମଧ୍ୟ ରଖିନଥାନ୍ତି । ଫଳରେ ଶହ ଶହ ସଂଖ୍ୟାରେ ଗୋରୁ ବଜାର ଅଞ୍ଚଳ, ଗ୍ରାମ ପାଶ୍ୱର୍ ଓ ଜାତୀୟ ରାଜପଥରେ ଦିବାରାତ୍ର ଦେଖିବାକୁ ମିଳିଥାଏ । ଯାହା ଦ୍ୱାରା ଯାନବାହନ ଚଳାଚଳରେ ବ୍ୟାଘାତ ସୃଷ୍ଟି ହେବା ସହ ଦୁର୍ଘଟଣା ବହୁବାର ଘଟୁଥିବା ଦେଖାଦେଇଛି ।

ଶୁକ୍ରବାର ସକାଳ ସମୟରେ ବେଲପଡ଼ା ଛକଠାରେ ଶହ ଶହ ଗାଈ ଜାତୀୟ ରାଜପଥ ଦେଇ ଯାଉଥିବା ବେଳେ ଦ୍ରୁତଗତିରେ ଆସୁଥିବା ଏକ ଅଜଣାଗାଡ଼ି ଧକ୍କା ଦେବା ଫଳରେ ୫ଟି ଗାଈ ଏବଂ ଗୋଟିଏ ଷଣ୍ଢ ଘଟଣାସ୍ଥଳରେ ମୃତ୍ୟୁ କରିଥିବା ଜଣାଯାଇଛି । ବିଳମ୍ବିତ ସମୟ ପର୍ଯ୍ୟନ୍ତ ଗାଈଗୋରୁଙ୍କ ମୃତଦେହ ଜାତୀୟ ରାଜପଥରୁ ଉଠି ନ ଥିବା ଦେଖାଦେଇଥିଲା ।

   ସମ୍ବନ୍ଧିତ ଖବର


ବିଧାନସଭା କୋଭିଡ୍ ଟେଷ୍ଟ – ୧୩୬ ପଜିଟିଭ୍

ଶ୍ରୀମନ୍ଦିର ପାଶ୍ୱର୍ରୁ ଉଚ୍ଛେଦ କ୍ଷତିଗ୍ରସ୍ତଙ୍କୁ ଜମି ଦେବା ନେଇ ବିବାଦ-ଉଚ୍ଛେଦ ପ୍ରକ୍ରିୟାରେ ସ୍ଥିତାବସ୍ଥା, ସରକାରଙ୍କୁ ନୋଟିସ୍‌

ଆଦିତ୍ୟ ମୃତ୍ୟୁ ଘଟଣା- କ୍ରାଇମ୍ ବ୍ରାଂଚରେ ହାଜର ହେଲେ ଏକ୍ସ ଗର୍ଲ ଫ୍ରେଣ୍ଡ କୁହାଯାଉଥିବା ଚିନ୍ମୟୀ

ଏବେ ପାଗ ଶୁଖିଲା – ୨୯,୩୦ରେ ବର୍ଷା ସାମାନ୍ୟ ବଢ଼ିବ

ବିଧାନସଭା ବେଳେ ବିକ୍ଷୋଭ ମନା

କରୋନା ନେଲା ଆଉ ୧୪ ଜୀବନ, ରାଜ୍ୟରେ ମୃତ୍ୟୁ ସଂଖ୍ୟା ୭୯୭କୁ ବୃଦ୍ଧି