PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

୫ ନମ୍ବର ଡ୍ରେନ ପୁନଃ ନିର୍ମାଣ ବିଳମ୍ବିତ, ୫ ମାସ ପରେ ଘରେ ପଶିବ ନର୍ଦ୍ଦମା ଜଳ

ଉତ୍ତର ଭୁବନେଶ୍ୱର,୩ା୨(ଆ.ପ୍ର.): ମୌସୁମୀ ବିଦାୟ ନେବାର ତିନିମାସ ଟପିଲାଣି । ତଥାପି ଆରମ୍ଭ ହେଲାନାହିଁ ଭୂମିଅଧିଗ୍ରହଣ । ମୌସୁମୀ ପୁଣି ଆସିବାକୁ ପାଞ୍ଚ ମାସ ଅଛି । କେବେ ଭୂମି ଅଧିଗ୍ରହଣ,କେବେ ପାଞ୍ଚନମ୍ବର ଡ୍ରେନ ପୁନଃ ନିର୍ମାଣ? ଏ ନେଇ ଲକ୍ଷ୍ମୀସାଗର ଅଧିବାସୀଙ୍କ ମନରେ ପ୍ରଶ୍ନ ଉଙ୍କି ମାରୁଛି । ମହାନଗର ନିଗମ କମିସନର ଏବଂ ପଦାଧିକାରୀ ୨୦୧୯ ବର୍ଷାଋତୁ ପୂର୍ବରୁ ପାଞ୍ଚ ନମ୍ବର ଡ୍ରେନ ପୁନଃ ନିର୍ମାଣ କାମ ସରିଯିବ ବୋଲି ପ୍ରତିଶ୍ରୁତି ଦେଇଥିଲେ । ମାତ୍ର କାମ ଏ ଯାଏ ଆରମ୍ଭ ହୋଇ ନାହିଁ । ଗଲାବର୍ଷ ପରି ଏବର୍ଷ ବି ଘରେ ବର୍ଷା ଓ ନର୍ଦ୍ଦମା ପାଣି ପଶିବ ବୋଲି ଏବେଠୁ ଜଳଜଳ କରି ଦେଖାଗଲାଣି ।
ଲକ୍ଷ୍ମୀସାଗର ବାସିନ୍ଦାଙ୍କ ପାଇଁ ସବୁ ବର୍ଷ ପାଞ୍ଚନମ୍ବର ଡ୍ରେନଦୁଃଖ ଆଣୁଛି । ଏହି ଡ୍ରେନ କ୍ରମଶଃ ସଙ୍କୁଚିତ ହୋଇପଡୁଥିବାରୁ ଉଦ୍‌ବୃତ୍ତ ବର୍ଷା ଜଳ ଘରେ ପଶି ଲୋକଙ୍କୁ ହିନସ୍ତା କରୁଛି । ଲକ୍ଷ୍ମୀସାଗର ବାସିନ୍ଦା ଭୁବନେଶ୍ୱର ମହାନଗର ନିଗମର କମିସନର, ମେୟରଙ୍କୁ ବାରମ୍ବାର ଭେଟି ଏହାର ସ୍ଥାୟି ସମାଧାନ ପାଇଁ ଦାବି କରି ଆସୁଛନ୍ତି । ଗତ ବର୍ଷାଋୁତୁରେ ମହାନଗର ନିଗମର କମିସନର ବିଭାଗୀୟ ପଦାଧିକାରୀଙ୍କୁ ଧରି ୟୁନିଟ-୩ ଗୁରୁଦ୍ୱାର ଠାରୁ ଗଙ୍ଗୁଆ ଯାଏ ସ୍ଥିତି ଅନୁଧ୍ୟାନ କରିଥିଲେ । ଏହାର କିଛି ଦିନ ପରେ ଜମି ଅଧିଗ୍ରହଣ ନିମନ୍ତେ ମାପଚୁପ ଆରମ୍ଭ ହୋଇଥିଲା । ଏହା ଦେଖି ଲକ୍ଷ୍ମୀସାଗର ଅଞ୍ଚଳବାସୀ ଖୁସି ପ୍ରକଟ କରିଥିଲେ । କିନ୍ତୁ ପାଞ୍ଚ ନମ୍ବର ଡ୍ରେନ ପୁନଃ ନିର୍ମାଣ କାର୍ଯ୍ୟ ବିଳମ୍ବିତ ଯୋଗୁ ଏବେ ଲକ୍ଷ୍ମୀସାଗର ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଗତ ବର୍ଷାଋୁତୁରେ ଡ୍ରେନର ଅନେକ ସ୍ଥାନରେ ବନ୍ଧଭାଙ୍ଗି ଯିବା ଯୋଗୁ ବାଲିବସ୍ତା ପକାଯାଇ ଅସ୍ଥାୟୀ ସମାଧାନ କରାଯାଇଥିଲା । ମୌସୁମୀ ଆସିବା ପୂର୍ବରୁ ଯଦି ପଙ୍କଉଦ୍ଧାର କାର୍ଯ୍ୟ ସହ ଡ୍ରେନର ବାଡା ବା ବନ୍ଧ ନିର୍ମାଣ ନ କରାଯାଏ ତେବେ ପାଞ୍ଚ ମାସ ପରେ ପରିସ୍ଥିତି ଅଣାୟତ୍ତ ହୋଇପଡ଼ିବ । ଡ୍ରେନ, ନର୍ଦ୍ଦମାର କିଛି କିଛି ସ୍ଥାନରେ ଗଛ ଉଠିବା ସହ କୁଢକୁଢ ଅଳିଆ ଗଦା ହୋଇଛି । ଏହି କାରଣରୁ ଜଳ ନିଷ୍କାସନ ପଥ ଅତି ସଙ୍କୁଚିତ ହୋଇପଡ଼ିଛି । ଏବେ ବି ସମୟ ଅଛି ‘ବେଳ ଥାଉଥାଉ ବନ୍ଧ ବାନ୍ଧିପକାଅ’ ଆପ୍ତବାକ୍ୟ ପରି ତୁରନ୍ତ ପାଞ୍ଚ ନମ୍ବର ଡ୍ରେନ ପୁନଃ ନିର୍ମାଣ କାର୍ଯ୍ୟ ଆଗେଇ ନେବା ଦିଗରେ ମହାନଗର ନିଗମର ନୂତନ କମିସନର ଦୃଷ୍ଟିଦେବାକୁ ଲକ୍ଷ୍ମୀସାଗର ଅଞ୍ଚଳବାସୀ ଦାବି କରିଛନ୍ତି ।