PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ମେଡାଲ ହରାଇବେ ମମତାଙ୍କ ସହ ଧାରଣାରେ ବସିଥିବା ୫ ପୁଲିସ ଅଫିସର

ନୂଆଦିଲ୍ଲୀ,୭ ।୨(ଏଜେନ୍ସି): ଚଳିତ ସପ୍ତାହରେ ସିବିଆଇ ବିରୋଧରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଧାରଣାରେ ବସିଥିବା ରାଜ୍ୟର ୫ ଜଣ ବରିଷ୍ଠ ପୁଲିସ ଅଫିସରଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି ସ୍ୱରାଷ୍ଟ୍ର ମନ୍ତ୍ରଣାଳୟ ରାଜ୍ୟ ସରକାରଙ୍କୁ ଚିଠି ଲେଖିଛି । ଏଥିସହ ସେହି ପୁଲିସ ଅଫିସର ସର୍ବଭାରତୀୟ ସେବା ଆଇନର ଉଲ୍ଲଂଘନ କରିଥିବାରୁ ସେମାନଙ୍କ ମେଡାଲ ପ୍ରତ୍ୟାହାର କରିନେବାକୁ ମଧ୍ୟ ମନ୍ତ୍ରଣାଳୟ ଯୋଜନା କରୁଛି । ଏହି ଅଫିସରଙ୍କୁ ଡେପୁଟେସନ ତାଲିକାରୁ ବାଦ୍‌ ଦେବା ସହିତ ସେମାନଙ୍କୁ କିଛି ବର୍ଷ ପାଇଁ କେନ୍ଦ୍ର ସରକାରଙ୍କ ଅଧୀନରେ କାର୍ଯ୍ୟ କରିବା ଉପରେ ରୋକ୍‌ ଲଗାଯିବାର ସମ୍ଭାବନା ରହିଛି । ଏହି ପୁଲିସ ଅଫିସରଙ୍କ ମଧ୍ୟରେ ଅଛନ୍ତି ରାଜ୍ୟ ପୁଲିସ ଡିଜି ବୀରେନ୍ଦ୍ର, ଏଡିଜି ବିନୀତ କୁମାର ଗୋୟଲ, ଏଆଇଜି ଅନୁଜ ଶର୍ମା, ବିଧାନନଗର ପୁଲିସ କମିଶନର ଜ୍ଞାନୱନ୍ତ ସିଂହ ଏବଂ ଏସିପି ସୁପ୍ରତିମ ଡରକାର । ସାରଦା ଚିଟ୍‌ଫଣ୍ଡ ମାମଲାରେ ସିବିଆଇ କୋଲକାତା ପୁଲିସ କମିଶନର ରାଜୀବ କୁମାରଙ୍କୁ ଗିରଫ କରିବା ଲାଗି ପ୍ରୟାସ କରିବା ଘଟଣାର ପ୍ରତିବାଦରେ ଗତ ୩ ତାରିଖରୁ ମମତା ଧାରଣା ଦେଇଥିଲେ । ତେବେ କୁମାରଙ୍କୁ ଗିରଫ ନକରିବାକୁ ସୁପ୍ରିମକୋର୍ଟ ସିବିଆଇକୁ କହିବା ପରେ ମଙ୍ଗଳବାର ସନ୍ଧ୍ୟାରେ ମମତା ଧାରଣା ପ୍ରତ୍ୟାହାର କରିଥିଲେ । ସେହିଭଳି ପୁଲିସ ଅଫିସରମାନେ ଯେଭଳି ସର୍ବଭାରତୀୟ ସେବା ଆଇନ ଓ ମର୍ଯ୍ୟାଦା ମାନିବେ ତାହା ସୁନିଶ୍ଚିତ କରାଇବା ଲାଗି କେନ୍ଦ୍ର ସରକାର ସବୁ ରାଜ୍ୟକୁ ଚିଠି ଲେଖିବେ ବୋଲି ଜଣାପଡିଛି ।