ସେମିଳିଗୁଡ଼ା, ୩୧/ ୧୦: ପୁଣିଥରେ ରାଜ୍ୟରେ ଏକ ବଡ଼ ଧରଣର ଗଞ୍ଜେଇ ଚୋରା ଚାଲାଣର ପର୍ଦ୍ଦାଫାସ୍। କୋରାପୁଟ ଜିଲ୍ଲା ସେମିଳିଗୁଡ଼ା ପୋଲିସକୁ ମିଳିଛି ବଡ଼ ସଫଳତା। ଏକ କମାଣ୍ଡର ଗାଡିରୁ ପୋଲିସ ୫୦ ଲକ୍ଷ ଟଙ୍କାର ଗଞ୍ଜେଇ ଜବତ କରିଛି । ଏନେଇ ସେମିଳିଗୁଡା ଥାନା ଆଇଆଇସି ଧିରେନ କୁମାର ବେହେରା ସୂଚନା ଦେଇଛନ୍ତି ।
ଆଇଆଇସିଙ୍କ ସୂଚନାନୁସାରେ, ନଦନ୍ଦପୁରରୁ ଏକ କମାଣ୍ଡର ସେମିଳିଗୁଡା ଅଭିମୁଖେ ଆସୁଥିଲା । ବୋଡେଙ୍ଗା ଛକଠାରେ ପୋଲିସକୁ ଦେଖି ଗାଡିଟି ଦ୍ରୁତ ଗତିରେ ପଳାଇଥିଲା । ପୋଲିସ ଏହାକୁ ପିଛା କରି ଧରିଥିଲା । ତେବେ ଗାଡିକୁ ରାସ୍ତାରେ ରଖି ଡ୍ରାଇଭରଜଣଙ୍କ ଫେରାର ହୋଇଯାଇଥିଲେ । ପୋଲିସ ଗାଡିରୁ ବିପୁଳ ପରିମାଣର ଗଞ୍ଜେଇ ଜବତ କରିଥିଲା
ଏହି ଘଟଣାରେ ସେମିଳିଗୁଡା ପୋଲିସ ଏକ ମାମଲା ରୁଜୁ କରି କମାଣ୍ଡରକୁ ଜବତ କରିଛି । ଏହି ଘଟଣାରେ ଆଉ କେହି ସଂପୃକ୍ତ ଅଚନ୍ତି ତାହାର ମଧ୍ୟ ତଦନ୍ତ ଆରମ୍ଭ ହୋଇଛି ।