IPL ୨୦୨୧: ବଳକା ମ୍ୟାଚ୍ରେ ଷ୍ଟାଡିୟମକୁ ଦର୍ଶକଙ୍କୁ ମିଳିପାରେ ଏଣ୍ଟ୍ରି, ବାସ୍ ରହିଛି ଏହି ସର୍ତ୍ତ
ନୂଆଦିଲ୍ଲୀ: ୟୁଏଇରେ ଖେଳାଯିବ ଆଇପିଏଲ-୧୪ର ବଳକା ମ୍ୟାଚ୍। ବିିସିସିଆଇ ଏନେଇ ମୋହର ମାରିବା ପରେ ଆଇପିଏଲ ୨୦୨୧ର ବଳକା ମ୍ୟାଚ୍ ପାଇଁ ଷ୍ଟାଡିୟମକୁ ଦର୍ଶକଙ୍କୁ ମିଳିପାରେ ଏଣ୍ଟ୍ରି। ଏନେଇ କିଛି ଗଣମାଧ୍ୟମରେ ଖବର ପ୍ରକାଶ ପାଇଛି। ରିପୋର୍ଟ ମୁତାବିକ ଯେଉଁ ଦର୍ଶକ କୋଭିଡ ଟିକା ନେଇ ସାରିଥିବେ ସେହି ବ୍ୟକ୍ତିଙ୍କୁ ଷ୍ଟାଡିୟମରେ ପ୍ରବେଶ ପାଇଁ ଅନୁମତି ୟୁଏଇ ସରକାର ଦେବେ ବୋଲି ପ୍ରକାଶ ପାଇଛି। ଅନ୍ୟପଟେ ବିସିସିଆଇ ଓ ଆଇପିଏଲର କିଛି ଅଧିକାରୀ ଦୁବାଇରେ ପହଁଞ୍ଚି ସ୍ଥିତି ଅନୁଧ୍ୟାନ କରିଛନ୍ତି।
କ୍ରିଜବଜରେ ପ୍ରକାଶିତ ଖବର ଅନୁଯାୟୀ, ୟୁଏଇ ସରକାରଙ୍କ କୋଭିଡ ଗାଇଡଲାଇନ୍ ହିସାବରେ ମଇଦାନକୁ ୫୦ ପ୍ରତିଶତ ଦର୍ଶକଙ୍କୁ ଅନୁମତି ମିଳି ପାରିବ। ଯଦି ଏଭଳି ହୁଏ ତେବେ ୨୦୨୧ ଆଇପିଏଲର ବଳକା ମ୍ୟାଚ୍ ଗୁଡ଼ିକୁ ଦର୍ଶକ ଷ୍ଟାଡଇୟମରେ ବସି ଉପଭୋଗ କରିପାରିବେ। ଅନ୍ୟପଟେ, ୟୁଏଇ ସରକାର ସର୍ତ୍ତ ରଖିଛନ୍ତି। ସର୍ତ୍ତ ଅନୁଯାୟୀ, ଯେଉଁ ବ୍ୟକ୍ତି ଭ୍ୟାକ୍ସିନ ନେଇ ସାରିଥିବେ ସେମାନଙ୍କୁ ଷ୍ଟାଡିୟମରେ ପ୍ରବେଶ ଅନୁମତି ମିଳି ପାରିବ। ହେଲେ ଏବେ ବି ଏନେଇ ବିଦ୍ଧିବଦ୍ଧ ଭାବେ ଘୋଷଣା ହୋଇନାହିଁ।
ଅପରପକ୍ଷେ, ବିସିସିଆଇ ସଭାପତି ସୌରଭ ଗାଙ୍ଗୁଲି, ଜୟ ଶାହା, ଉପସଭାପତି ରାଜୀବ ଶୁକ୍ଳା, ଅରୁଣ ଧୁମଲ ଦୁବାଇରେ ପହଁଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ସେଠାରେ ୟୁଏଇ ସରକାର ଓ ଏମିରାଟ୍ସ କ୍ରିକେଟ ବୋର୍ଡ ସହ ଆଲୋଚନା କରବିବେ ବୋଲି ସୂଚନା ରହିଛି। ସୂଚନାଯୋଗ୍ୟ, ଆଇପିଏଲର ବଳକା ମ୍ୟାଚ୍ ସେପ୍ଟେମ୍ବର-ଅକ୍ଟୋବରରେ ୟୁଏଇରେ ହେବ ବୋଲି ବିସିସିଆଇ ସୂଚନା ଦେଇ ସାରିଛି। ହେଲେ ବିଦ୍ଧିବଦ୍ଧ ଭାବେ ଏପର୍ଯ୍ୟନ୍ତ ତାରିଖ ଘୋଷଣା କରିନି ବିସିସିଆଇ।
