ମୁମ୍ବାଇ,୨୨।୪: ମହାରାଷ୍ଟ୍ରର ହିଙ୍ଗୋଲି ଜିଲ୍ଲାରେ ରାଜ୍ୟ ରିଜର୍ଭ ପୋଲିସ ବଳ(ଏସଆରପିଏଫ୍)ର ୬ ଜଣ ଯବାନ କରୋନା ଭାଇରସ ସଂକ୍ରମିତ ହୋଇଥିବାର ଜଣାପଡିଛି। ଅଧିକାରୀଙ୍କ ସୂଚନା ଅନୁସାରେ, ସେମାନେ ନିକଟରେ ମୁମ୍ବାଇରେ ମୁତୟନ ଥିଲେ ଓ ଫେରିବା ପରେ ତାଙ୍କୁ ଅଲଗା ରଖାଯାଇଥିଲା। ସିଭିଲ ସର୍ଜନ ଡାକ୍ତର କିଶୋର ପ୍ରସାଦ ଶ୍ରୀବାସଙ୍କ କହିବା ଅନୁସାରେ, ଏସଆରପିର ଦୁଇଟି ୟୁନିଟର ଯବାନ ମୁମ୍ବାଇ ଫେରିଥିଲେ। ସେମାନେ ୪୫ ଦିନ ସେଠାରେ ମୁତୟନ ଥିଲେ। ତେଣୁ ସୁରକ୍ଷା ଦୃଷ୍ଟିରୁ ତାଙ୍କୁ ଅଲଗା ରଖାଯାଇଛି।
ହିଙ୍ଗୋଲିର ଏସଆରପିଏଫ୍ ହସ୍ପିଟାଲରେ ୧୯୪ ଜଣ ଯବାନ ରହିଛନ୍ତି। ତାଙ୍କ ଭିତରୁ ୧୦୧ ଜଣ ଯବାନଙ୍କ ଯାଞ୍ଚ ରିପୋର୍ଟ ପଜିଟିଭ ଆସିଛି। ସେମାନଙ୍କ ଭିତରୁ ୯୫ ଜଣ ସଂକ୍ରମଣର ଶିକାର ହୋଇନଥିବା ବେଳେ ୬ ଜଣ କରୋନା ପଜିଟିଭ ଜଣାପଡିଛନ୍ତି। ସମସ୍ତ ଯବାନଙ୍କ ସ୍ଥିତି ଏବେ ସ୍ଥିର ରହିଛି।
ଦିଲ୍ଲୀରେ ମଧ୍ୟ କରୋନା ସଂକ୍ରମଣ ଦ୍ରୁତ ଗତିରେ ବଢିବାରେ ଲାଗିଛି। ମଙ୍ଗଳବାର ଜାହାଙ୍ଗୀରପୁରୀରେ ୬ ଜଣ ପୋଲିସ କର୍ମଚାରୀ କରୋନା ପଜିଟିଭ ଜଣାପଡିଛନ୍ତି। ସୋମବାର ଚାନ୍ଦିନୀ ମହଲ ପୋଲିସ ଷ୍ଟେସନରେ ମୁତୟନ ଥିବା ୫ ଜଣ ପୋଲିସ କର୍ମଚାରୀ କରୋନା ପଜିଟିଭ ଥିବା ନେଇ ଜଣାପଡିଥିଲା, ସେଭଳି ୩ ଜଣ ପୋଲିସ ପୂର୍ବରୁ ସଂକ୍ରମିତ ଥିଲେ।