PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୬୨୮ ପଜିଟିଭ୍ ଚିହ୍ନଟ
  • ||
  • ନୂଆଦିଲ୍ଲୀ : ୭୧ ବର୍ଷରେ ପାଦ ଦେଲେ ପ୍ରଧାନମନ୍ତ୍ରୀ ମୋଦି
  • ||
  • ଭୁବନେଶ୍ୱର : ବଙ୍ଗୋପସାଗରରେ ଆଉ ଏକ ଲଘୁଚାପ, ୧୮ରୁ ପୁଣି ବଢ଼ିବ ବର୍ଷା, ଉତ୍ତର ଓଡିଶାରେ ପ୍ରବଳ ଛେଚିବ
  • ||
  • ସମ୍ବଲପୁର : ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଅସୁସ୍ଥ, ହସ୍ପିଟାଲରେ ଭର୍ତ୍ତିି
  • ||
  • ପୁରୀ : ଆଜି ଶ୍ରୀମନ୍ଦିରରେ ବାମନ ଜନ୍ମ ଓ ସୁନିଆଁ ପର୍ବ ପାଳନ, ଜଗା ଦର୍ଶନ ବନ୍ଦ
  • ||
  • ଭୁବନେଶ୍ୱର : ଆଜି ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା, ଓଡ଼ିଶାର ପୁରପଲ୍ଲୀ ଚଳଚଞ୍ଚଳ
  • ||
  • ନୀଳଗିରି : ଡାକବଙ୍ଗଳା ରାସ୍ତାରେ ବୁଲୁଛି ଭାଲୁ
  • ||
  • ସାନଖେମୁଣ୍ଡି : ଗାଧୋଇ ଯିବା ବେଳେ ଧକ୍କା ଦେଲା ଅଜଣା ଗାଡ଼ି, ୨ ମହିଳା ମୃତ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ସହର ୧୨ ଘଣ୍ଟିଆ ବନ୍ଦ, ୪ ଦଫା ଦାବି ନେଇ ବନ୍ଦ ଡ଼କରା ଦେଇଛି ଟ୍ରକ୍ ମାଲିକ ସଙ୍ଘ
  • ||
  • ଜଳେଶ୍ଵର : ବିପଦ ସଙ୍କେତ ଉପରେ ପ୍ରବାହିତ ହେଉଛି ସୁବର୍ଣ୍ଣରେଖା, ଜଳମଗ୍ନ ୫ଟି ପଞ୍ଚାୟତ
  • ||
  • ପାଟଣା : ଦାଉ ସାଧିଲା ଲଗାଣ ବର୍ଷା, ବନ୍ଧ ଭାଙ୍ଗି ବାଲି ଚରିଗଲା ଏକର ଏକର ଚାଷ ଜମି
  • ||

ଶ୍ରୀଲଙ୍କା ବାଟ ଦେଇ ତାମିଲନାଡୁରେ ପଶିଲେ ୬ ଲସ୍କର ଆତଙ୍କବାଦୀ,ବଡ଼ ଧରଣର ଆକ୍ରମଣ ପାଇଁ କରୁଛନ୍ତି ଷଡଯନ୍ତ୍ର

ନୂଆଦିଲ୍ଲୀ,୨୩।୮: ତାମିଲନାଡୁରେ ଲସ୍କର-ଇ-ତୋଇବାର ୬ ଜଣ ଆତଙ୍କବାଦୀଙ୍କ ଭାରତ ଭିତରେ ପ୍ରବେଶ କରିବାର ଖବର ମିଳିଛି। ଗୁଇନ୍ଦା ବିଭାଗର ସୂଚନା ଅନୁସାରେ ସମସ୍ତ ଆତଙ୍କବାଦୀ ଶ୍ରୀଲଙ୍କା ରାସ୍ତା ଦେଇ ଭାରତରେ ପ୍ରବେଶ କରିଛନ୍ତି। ଏହି ଆତଙ୍କବାଦୀଙ୍କ ଭିତରେ ଜଣେ ପାକିସ୍ତାନୀ ନାଗରିକ ଓ ୫ ଜଣ ଶ୍ରୀଲଙ୍କାର ବୋଲି ଜଣାପଡିଛି। ସୁରକ୍ଷା ଏଜେନ୍ସିକୁ ମିଳିଥିବା ଇନପୁଟ୍ ପରେ ଚେନ୍ନାଇ ସହିତ ବହୁ ସ୍ଥାନରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି।

ମିଳିଥିବା ସୂଚନା ଅନୁସାରେ, ଲସ୍କରର ସମସ୍ତ ଆତଙ୍କବାଦୀ ଶ୍ରୀଲଙ୍କା ବାଟ୍ ଦେଇ ଭାରତରେ ପ୍ରବେଶ କରିଛନ୍ତି। ସୁରକ୍ଷା ଏଜେନ୍ସିକୁ ଯେଉଁ ଇନପୁଟ୍ ମିଳିଛି ତାହା ଅନୁସାରେ ଏହି ସମସ୍ତ ଆତଙ୍କବାଦୀ ହିନ୍ଦୁଙ୍କ ଭଳି ବେଶଭୂଷା ଧାରଣ କରିଛନ୍ତି। ସୁରକ୍ଷାକର୍ମୀଙ୍କ ଠାରୁ ନିଜକୁ ବଞ୍ଚାଇବା ପାଇଁ ସେମାନେ ତିଳକ ଲଗାଇ ସମ୍ପୂର୍ଣ୍ଣ ହିନ୍ଦୁ ଭଳି ଦେଖାଯିବେ।

ଆତଙ୍କବାଦୀମାନେ ତାମିଲନାଡୁରେ ଦାଖଲ ହେବାର ଖବର ପରେ ଡିଜିପି ସୁରକ୍ଷାକୁ ନେଇ ଗାଇଡ୍ ଲାଇନ୍ ଜାରି କରିଦେଇଛନ୍ତି। ରାଜ୍ୟ ପକ୍ଷରୁ  ସମସ୍ତ ହୋଟେଲ ଓ ଲଜରେ ତଲାସୀ ଆରମ୍ଭ କରିଦିଆଯାଇଛି। ବିସ୍ଫୋରକ ଓ ଅସ୍ତ୍ରଶସ୍ତ୍ର ପାଇଁ ପ୍ରତ୍ୟେକ ଗାଡିକୁ ରୋକି ଦିଆଯାଇଛି। ଏହାଛଡା ସମ୍ବେଦନଶୀଳ ଓ ମହତ୍ତ୍ବପୂର୍ଣ୍ଣ ପ୍ରତିଷ୍ଠାନ ଉପରେ ସୁରକ୍ଷାକର୍ମୀଙ୍କୁ ମୁତୟନ କରିଦିଆଯାଇଛି। ଉଲ୍ଲେଖନୀୟ ଯେ,ଜମ୍ମୁ-କଶ୍ମୀରରୁ ଧାରା ୩୭୦ ହଟାଯିବା ପରେ ପାକିସ୍ତାନରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି। ପାକିସ୍ତାନ କଶ୍ମୀରର ସ୍ଥିତି ଖରାପ କରିବା ପାଇଁ ଲଗାତାର ଭାବରେ ନିଜର ଆତଙ୍କବାଦୀଙ୍କୁ ଭାରତରେ ଅନୁପ୍ରବେଶ କରିବାକୁ ଚେଷ୍ଟା କରୁଛି।