PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାହାକୁ ଆଧାର କାର୍ଡ ପଠାଇବା ପୂର୍ବରୁ ହୋଇଯାନ୍ତୁ ସାବଧାନ , ନୂଆ ଆଡଭାଇଜରୀ ଜାରି କଲେ ସରକାର , ହୋଟେଲ ଓ ସିନେମା ହଲ୍ ପରି ସଂସ୍ଥାକୁ ଆଧାର କପି ଦିଅନ୍ତୁ ନାହିଁ
  • ||
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ନସିରୁଦ୍ଦିନ୍ ଶାହା ଓ ଗିରୀଶ କର୍ନାଡଙ୍କ ସମେତ ୬୦୦ ଥିଏଟର କଳାକାରଙ୍କ ନିବେଦନ, ବିଜେପି ବିରୋଧରେ ଭୋଟ ଦିଅ

ନୂଆଦିଲ୍ଲୀ, ୫।୪: ବଲିଉଡ଼ ଅଭିନେତା ନସିରୁଦ୍ଦିନ୍ ଶାହାଙ୍କ ସମେତ ଥିଏଟର ଓ ଆର୍ଟ ଜଗତ ସମ୍ପର୍କିତ ୬୦୦ରୁ ଥିଏଟର କଳାକାର ବିଜେପିକୁ ଏଥର ୨୦୧୯ ଲୋକସଭା ନିର୍ବାଚନରେ ଭୋଟ ନଦେବା ପାଇଁ ନିବେଦନ କରିଛନ୍ତି। ଏହି ବିଶିଷ୍ଟ ବ୍ୟକ୍ତି ବିଶେଷମାନେ ଏକ ପତ୍ର ଲେଖି ଭୋଟରଙ୍କୁ କହିଛନ୍ତି ଯେ ‘ବିଜେପି ବିରୋଧରେ ଭୋଟ ଦେଇ ବିଜେପି ଏବଂ ଏହାର ସହଯୋଗୀଙ୍କୁ କ୍ଷମତାରୁ ବାହାର କର’। ନିବେଦନକାରୀଙ୍କ ମଧ୍ୟରେ ଅମୋଲ ପାଲେକର, ନସିରୁଦ୍ଦିନ ଶାହା, ଗିରୀଶ କର୍ନାଡ଼ ଏବଂ ଉଷା ଗାଙ୍ଗୁଲିଙ୍କ ଭଳି ପ୍ରଖ୍ୟାତ ବ୍ୟକ୍ତିବିଶେଷ ରହିଛନ୍ତି।

ସେମାନଙ୍କ କହିବା ଅନୁସାରେ  ‘ଭାରତ ଏବଂ ଏହାର ସମ୍ବିଧାନ ଏବେ ବିପଦରେ ଅଛି। ବିଜେପିକୁ ଭୋଟ କରନାହିଁ। ଏହି ପତ୍ର ଗୁରୁବାର ଜାରି କରାଯାଇଛି। ଏହାକୁ ୧୨ଟି  ଭାଷାରେ ପ୍ରସ୍ତୁତ କରି ଚିଠିକୁ ଆର୍ଟିଷ୍ଟ ୟୁନାଇଟେଡ ଇଣ୍ଡିଆର ୱେବସାଇଟରେ ଅପଲୋଡ କରାଯାଇଛି। ଚିଠିରେ ଲେଖାଯାଇଛି ଯେ, ଆସନ୍ତା ଲୋକସଭା ନିର୍ବାଚନ ଦେଶର ଇତିହାସର ସବୁଠୁ ଗୁରୁତ୍ୱପୂର୍ଣ୍ଣ ନିର୍ବାଚନ ଅଟେ। ଆଜି ଗୀତ, ନୃତ୍ୟ ଏବଂ ହାସ୍ୟ ବିପଦରେ ଅଛି, ଆମ ସମ୍ବିଧାନ ବିପଦରେ ଅଛି। ସରକାର ସେହି ସଂସ୍ଥା ଗୁଡିକର କଣ୍ଠରୋଧ କରିଛନ୍ତି ଯେଉଁଠି  ତର୍କ, ବିତର୍କ ଏବଂ ଅସହମତିର ବିକାଶ ହୋଇଥାଏ। କୋଣସି ଲୋକତନ୍ତ୍ରକୁ ସବୁଠାରୁ ଦୁର୍ବଳ ଏବଂ ଅବହେଳିତ ଲୋକଙ୍କୁ ସଶକ୍ତ କରାଯିବା ଉଚିତ।’

‘କୌଣସି ଗଣତନ୍ତ୍ର ବିନା ପ୍ରଶ୍ନରେ, ବିତର୍କରେ ଏବଂ ସଜାଗ ବିରୋଧୀ ବିନା କାମ କରିପାରିବ ନାହିଁ। ଏହି ସବୁକୁ ବର୍ତ୍ତମାନର ସରକାର ଶକ୍ତି ଲଗାଇ   ଦଳି ଦେଇଛନ୍ତି। ତେଣୁ ସମସ୍ତେ ମିଶି ବିଜେପିକୁ କ୍ଷମତାରୁ ବାହାର କରିବାକୁ ଭୋଟ କରନ୍ତୁ। ସମ୍ବିଧାନକୁ ବଞ୍ଚାନ୍ତୁ, କଠୋର, ଘୃଣା ଏବଂ ନିଷ୍ଠୁରତାକୁ କ୍ଷମତାରୁ ବାହାର କରନ୍ତୁ।’ ଏହି ଚିଠିରେ  ଶାନ୍ତା ଗୋଖଲେ, ମହେଶ ଏଲକୁଞ୍ଚେୱାର, ମହେଶ ଦତ୍ତାନୀ, ଅରୁନ୍ଧତି ନାଗ, କୀର୍ତ୍ତି ଜୈନ, ଅଭିଷେକ ମଜୁମଦାର, କୋଙ୍କଣ ସେନ ଶର୍ମା, ରତ୍ନା ପାଠକ ଶାହା, ଲିଲେଟ ଦୁବେ, ମୀତା ବଶିଷ୍ଟ, ମକରନ୍ଦ ଦେଶପାଣ୍ଡେ ଏବଂ ଅନୁରାଗ କସ୍ୟପଙ୍କ ଭଳି ବିଶିଷ୍ଟ ବ୍ୟକ୍ତିଙ୍କ ଦସ୍ତଖତ ରହିଛି।

ଉଲ୍ଳେଖନୀୟ ଯେ , ଏହା ପୂର୍ବରୁ ୧୦୦ରୁ ଅଧିକ ଫିଲ୍ମ ନିର୍ମାତା ଆଗାମୀ ଲୋକସଭା ନିର୍ବାଚନ ବେଳେ ବିଜେପିକୁ ଭୋଟ ନଦେବା ପାଇଁ ଅପିଲ କରିଥିଲେ। ସେମାନଙ୍କ ମଧ୍ୟରେ ଥିଲେ ମାଲାୟାଲମ ଫିଲ୍ମ ନିର୍ଦେଶକ ଆଶିଖ ଅବୁ, ଆନନ୍ଦ ପଟବର୍ଦ୍ଧନ, ସୁଦେବନ, ଦୀପା ଧନରାଜ, ଗୁରବିନ୍ଦର ସିଂହ, ପୁଷ୍ପେନ୍ଦ୍ର ସିଂହ ଓ ପ୍ରବୀଣ ମୋରଛଲେଙ୍କ ଭଳି ଫିଲ୍ମ ନିର୍ମାତା।