PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଇନ୍ଦୋରରେ ଆତଙ୍କ, ଅଜଣା ଭାଇରସ ବ୍ୟାପିବା ଯୋଗୁ ୬୪ ମୃତ

virus

source:www.ecohealthalliance.org

ଇନ୍ଦୋର,୨୮ ।୧(ଏଜେନ୍ସି): ମଧ୍ୟପ୍ରଦେଶର ଇନ୍ଦୋର ସହର ଏବଂ ଏହାର ଆଖପାଖ ଜିଲାରେ ଗତ ୪ ମାସ ମଧ୍ୟରେ ଏକ ଅଜଣା ଭାଇରସ ବ୍ୟାପିବା ଯୋଗୁ ୬୪ ଜଣ ବ୍ୟକ୍ତିଙ୍କର ମୃତ୍ୟୁ ହୋଇଛି । ଏହି ରୋଗୀମାନେ ଥଣ୍ଡା ଏବଂ କାଶରେ ଆକ୍ରାନ୍ତ ହେଉଛନ୍ତି । କିନ୍ତୁ କିଛି ଦିନ ଭିତରେ ସେମାନଙ୍କ ଦେହର ରୋଗ ପ୍ରତିରୋଧକ ଶକ୍ତି ପୂରା ହ୍ରାସ ପାଉଛି ଏବଂ ସେମାନଙ୍କର ମୃତ୍ୟୁ ହେଉଛି । ଏହି ଭାଇରସ ଦ୍ୱାରା ସଂକ୍ରମିତ ରୋଗୀଙ୍କ ଦେହରେ ଦେଖାଯାଉଥିବା ଲକ୍ଷଣ ସ୍ୱାଇନ୍‌ ଫ୍ଲୁ ରୋଗୀଙ୍କ ଦେହରେ ପରିଲକ୍ଷିତ ଲକ୍ଷଣ ସହିତ ସମାନ । ୬୪ ଜଣ ଯାକ ମୃତ ରୋଗୀଙ୍କ ଦେହରେ ଏକ ପ୍ରକାର ଭାଇରସ ଥିବାର ଜଣାପଡିଛି । ତେବେ ତାହାକୁ ଚିହ୍ନଟ କରାଯାଇପାରୁନାହିଁ ।
ଭୋପାଳ ସ୍ଥିତ ଭାଇରୋଲୋଜି ଲାବ୍‌ ଦ୍ୱାରା ଦିଆଯାଇଥିବା ତଥ୍ୟ ଅନୁଯାୟୀ, ଇନ୍ଦୋରରେ ଏବେ ୩୯ ଜଣଙ୍କ ଦେହରେ ସ୍ୱାଇନ୍‌ ଫ୍ଲୁର ଲକ୍ଷଣ ଦେଖାଦେଇଥିବାର ସ୍ପଷ୍ଟ ହୋଇଛି । ସେମାନଙ୍କ ମଧ୍ୟରୁ ୧୩ ଜଣଙ୍କର ମୃତ୍ୟୁ ହୋଇସାରିଛି । ସେହିପରି ଡେଙ୍ଗୁରେ ୩୫୦ ଜଣ ଆକ୍ରାନ୍ତ ହୋଇଛନ୍ତି ଏବଂ ସେମାନଙ୍କ ଭିତରୁ ଜଣଙ୍କର ମୃତ୍ୟୁ ହୋଇଛି । କିନ୍ତୁ ଅନ୍ୟ ୬୪ ଜଣ ମୃତକଙ୍କ ଦେହରେ ଥିବା ଭାଇରସ ବିଷୟରେ ସଠିକ୍‌ ତଥ୍ୟ ମିଳିପାରୁନାହିଁ ।
ଜଣେ ସ୍ୱାସ୍ଥ୍ୟ ଅଧିକାରୀ କହିଛନ୍ତି କି ସ୍ୱାଇନ୍‌ ଫ୍ଲୁ ଭାଇରସ ନିୟମିତ ଭାବେ ନିଜର ଜିନ୍‌ ପରିବର୍ତ୍ତନ କରୁଛି । ୨୦୧୫ରେ ଏହାକୁ କାଲିଫର୍ଣ୍ଣିଆ ସ୍ପାଇନ୍‌ ଫ୍ଲୁ ନାମ ଦିଆଯାଇଥିଲା । କାରଣ ସେଠାରେ ଏଚ୍‌୧ଏନ୍‌୧ ଯୋଗୁ ପ୍ରଥମେ ଜଣକର ମୃତ୍ୟୁ ହୋଇଥିଲା । ହେଲେ ସ୍ୱାଇନ୍‌ ଫ୍ଲୁର ଭାଇରସ ମାତ୍ର ଦୁଇ ବର୍ଷ ଭିତରେ ନିଜର ଜିନ୍‌ ପରିବର୍ତ୍ତନ କରି ଏକ ନୂଆ ରୂପ ନେଇଥିଲା ଯାହାକୁ ମିଚିଗାନ୍‌ ଏଚ୍‌୧ଏନ୍‌୧ ଇନଫ୍ଲୁଏଞ୍ଜା ବୋଲି କୁହାଗଲା । ସ୍ୱାସ୍ଥ୍ୟ ବିଭାଗ ପ୍ରତିବର୍ଷ ସ୍ୱାଇନ୍‌ ଫ୍ଲୁ ଭାଇରସର ଜିନ୍‌ରେ ଆସୁଥିବା ପରିବର୍ତ୍ତନକୁ ଲକ୍ଷ୍ୟ କରି ଆଣ୍ଟିଭାଇରାଲ ମେଡିସିନ୍‌ ପ୍ରସ୍ତୁତ କରିଥାଏ । ହେଲେ ଏବେ ଏହି ନୂଆ ଭାଇରସକୁ ଚିହ୍ନଟ କରାଯାଇନଥିବାରୁ ତା’ ପାଇଁ ମେଡିସିନ୍‌ ପ୍ରସ୍ତୁତ କରାଯାଇପାରୁନାହିଁ । ତେଣୁ ଏଥିରେ ଆକ୍ରାନ୍ତ ରୋଗୀଙ୍କୁ ସ୍ୱାଇନ୍‌ ଫ୍ଲୁ ପାଇଁ ବ୍ୟବହୃତ ଔଷଧ ପ୍ରଦାନ କରାଯାଉଛି । କିନ୍ତୁ ତାହା କାମ କରୁନାହିଁ ।

ସମ୍ବନ୍ଧିତ ଖବର