୭୮ ବର୍ଷର ଏହି ଆଥଲେଟ୍ ଗୋଲ୍ଡ ମେଡାଲ୍ ଜିତିବା ପରେ ହେଲା ଏମିତି…

ନୁଆଦିଲ୍ଲୀ ୨୧/୧୧: ସ୍ପୋର୍ଟର ସ୍ପିରିଟ୍ କିଛି ଅଲଗା । ଏଥିପାଇଁ ଜଣେ ଖେଳାଳୀ କିଛି ବି କରିପାରେ । ନିକଟରେ ଏମିତି ଏକ ଘଟଣା ଘଟିଛି ଯାହା ଜାଣିବା ପରେ ଆପଣଙ୍କ ମନରେ ଖେଳ ଓ ଖେଳାଳୀଙ୍କ ପାଇଁ ଗର୍ବ ପୂର୍ବ ଅପେକ୍ଷା ଅଧିକ ବଢିଯିବ । ଖବର ଜଣେ ୭୮ ବର୍ଷର ଆଥଲେଟଙ୍କ ସମ୍ପର୍କରେ । ସେ ୧୫୦୦ ମିଟର ରେସ୍ ଜିତିଲେ ଏବଂ ଏହା ପରେ ତାଙ୍କର ମୃତ୍ୟୁ ହୋଇଗଲା ।

ସମ୍ପୂର୍ଣ୍ଣ ଘଟଣା
ପଞ୍ଜାବ ମାଷ୍ଟର ଆଥଲେଟିକ୍ ଆସୋସିଏସନ୍ ବୟସ୍କମାନଙ୍କ ପାଇଁ ଏକ ଏଥଲେଟିକ୍ ମିଟ୍ କରାଇଥିଲା । ହୋସିଆରପୁରର ଜଲୋୱାଲରେ ରହୁଥିବା ବୟସ୍କ ଆଥଲେଟ୍ ବଖଶିଶ୍ ସିଂହ ମଧ୍ୟ ଏଥିରେ ଭାଗ ନେଇଥିଲେ । ସେ ୮୦୦ ମିଟର ରେସରେ ତୃତୀୟ ନମ୍ବରରେ ରହିଲେ । ଏହା ପରେ ୧୫୦୦ ମିଟର ରେସ୍ ଥିଲା । ଏଥିରେ ସେ ପ୍ରଥମ ନମ୍ବରରେ ରହିଲେ । ୧୫୦୦ ମିଟର ରେସ୍ ପୂରା କରିବା ପରେ ହାର୍ଟ ଆଟାକରେ ତାଙ୍କର ମୃତ୍ୟୁ ହୋଇଗଲା । ସୂଚନା ଅନୁସାରେ ଜିତିବା ପରେ ସେ ବହୁତ ଖୁସି ଥିଲେ । ସମସ୍ତେ ତାଙ୍କୁ ଶୁଭେଚ୍ଛା ଜଣାଉଥିଲେ । ଜିତିବା ପରେ ସେ ଥକି ଯାଇଥିଲେ ଏବଂ ଏକ ସ୍ଥାନରେ ବସି ବିଶ୍ରାମ ନେଉଥିଲେ । ଏହି ସମୟରେ ହାର୍ଟ ଆଟାକରେ ତାଙ୍କର ମୃତ୍ୟୁ ହୋଇଗଲା ।

ବଖଶିଶ୍ ଆର୍ମିର ରିଟାୟର ଥିଲେ । ଅବସର ନେବା ପରେ ସେ ଶିକ୍ଷକ ମଧ୍ୟ ଥିଲେ । ତାଙ୍କୁ ଦୌଡାଦୌଡି ବହୁତ ପସନ୍ଦ ଥିଲା । ୧୯୮୨ ମସିହାରେ ସେ ଖେଳରେ ଭାଗ ନେବା ଆରମ୍ଭ କରିଥିଲେ । ଅନେକ ରାଜ୍ୟରେ ଖେଳିଛନ୍ତି । ୨୦୦ରୁ ଅଧିକ ମେଡାଲ୍ ଜିତିସାରିଛନ୍ତି । ସେ ସବୁବେଳେ ନିଜ ବନ୍ଧୁମାନଙ୍କୁ କହୁଥିଲେ ଯେ ମେଡିକାଲ୍ ବେଡରେ ମରିବା ଅପେକ୍ଷା ସେ ମଇଦାନରେ ଦୌଡିବା ସମୟରେ ମରିବା ପାଇଁ ପସନ୍ଦ କରିବେ ।

   ସମ୍ବନ୍ଧିତ ଖବର


ବିଶ୍ୱ ବିଦ୍ୟାଳୟ ଓ ମହାବିଦ୍ୟାଳୟମାନଙ୍କୁ ଫାଇନାଲ୍‌ ପରୀକ୍ଷା କରିବା ପାଇଁ କେନ୍ଦ୍ର ଗୃହ ମନ୍ତ୍ରାଳୟ ଦେଲେ ଅନୁମତି

ସ୍ତ୍ରୀ ରାଜନୀତିରେ , ପୁଅ ଇଂଲଣ୍ଡରେ ପଢୁଛନ୍ତି MBBS: ୮ଜଣ ପୁଲିସଙ୍କୁ ମାରି ବାପା ଫେରାର୍

ଧୋନିଙ୍କ ପାଇଁ ଖେଳାଳିଙ୍କ ଭଲପାଇବା: କିଏ ବୁହାଇଲା ନିଜର ରକ୍ତ ତ, ଆଉ କିଏ ମରିବାକୁ ବି ପ୍ରସ୍ତୁତ…

କରୋନା ପଜିଟିଭ ଜଣାପଡିବା ପରେ ହସ୍ପିଟାଲର ଚତୁର୍ଥ ମହଲାରୁ ଡେଇଁ ଆତ୍ମହତ୍ୟା କଲେ ସାମ୍ବାଦିକ

Mylan ଭାରତରେ ଲଞ୍ଚ କଲା କୋଭିଡ୍-୧୯ର ଔଷଧ, ଜାଣନ୍ତୁ କେତେ ରହିଛି ଏହାର ଦାମ୍

ସୁଶାନ୍ତଙ୍କ ମୃତ୍ୟୁର ସିବିଆଇ ତଦନ୍ତ ନେଇ ପ୍ରଧାନମନ୍ତ୍ରୀ ମୋଦିଙ୍କୁ ନିବେଦନ, ଟୁଇଟରରେ ଟ୍ରେଣ୍ଡ କଲା #PMModiCBIForSSR