PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ଆଜି ଅପରାହ୍ନ ୫ଟାରେ କୋଭିଡ଼ ନେଇ ସମିକ୍ଷା କରି​‌ବେ ମୁଖ୍ୟମନ୍ତ୍ରୀ
  • ||
  • ପଞ୍ଜାବ ନିର୍ବାଚନ: ପଞ୍ଜାବ ପାଇଁ ଆପ୍‌ର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା, ମୁଖ୍ୟମନ୍ତ୍ରୀ ଚେହେରା ହେଲେ ଭାଗୱତ ମାନ୍
  • ||
  • ଭୁବନେଶ୍ୱର: ପଞ୍ଚାୟତ ନିର୍ବାଚନ ଲାଗି ବଡ଼ ଘୋଷଣା, ଡ୍ୟୁଟିରେ ଥାଇ ମୃତ୍ୟୁ ହେଲେ ମିଳିବ ୩୦ଲକ୍ଷ ଅନୁକୁମ୍ପା
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୮୦ ହଜାର ଟପିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୧,୦୮୬ ଜଣ କରୋନା ପଜିଟିଭ
  • ||
  • ଭୁବନେଶ୍ଵର : ଏଟିଏମ୍‌ରୁ ଲୁଟ୍ ଉଦ୍ୟମ ବେଳେ ଧରାପଡ଼ିଲେ ୨ ଯୁବକ, ଗ୍ୟାସ୍ କଟର ମେସିନ୍ ଜବତ
  • ||
  • ଭୁବନେଶ୍ୱର : ରାଜ୍ୟରେ ଗାଏବ ହେବ ଶୀତ, ୨ ଦିନ ଘନ କୁହୁଡ଼ି, ୨୩ରୁ ବର୍ଷା ସମ୍ଭାବନା
  • ||
  • କଣ୍ଟାବାଞ୍ଜି : ବାଇକ୍ ଦୁର୍ଘଟଣାଗ୍ରସ୍ତ, ୨ ବାଇକ୍ ଆରୋହୀ ମୃତ
  • ||
  • ଚେନ୍ନାଇ : ୧୮ ବର୍ଷର ବୈବାହିକ ସମ୍ପର୍କରେ ପୂର୍ଣ୍ଣଛେଦ ପକାଇଲେ ସାଉଥ୍ ସୁପରଷ୍ଟାର ଧନୁଷ-ଐଶ୍ଵର୍ଯ୍ୟା, ଟ୍ଵିଟ୍ କରି ଦେଲେ ସୂଚନା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୩୦ ଲକ୍ଷ ଟଙ୍କାର ଗଞ୍ଜେଇ ଜବତ, ୨ ଗିରଫ
  • ||

୨୦୨୪ରୁ ୨୦୩୧ ଆଇସିସିର ନୂଆ କ୍ରୀଡ଼ାସୂଚୀ: ପ୍ରତିବର୍ଷ ଭାରତ-ପାକ୍‌ ଫାଇଟ୍

ନୂଆଦିଲ୍ଲୀ, ୦୩/୦୫: ୨୦୨୪ରୁ ୨୦୩୧ ଆଇସିସିର ନୂଆ କ୍ରୀଡ଼ାସୂଚୀ ଅନୁସାରେ ଭାରତ ଓ ପାକିସ୍ତାନ ଦଳ ପ୍ରତିବର୍ଷ ମୁହାଁମୁହିଁ ହେବାର ସୁଯୋଗ ପାଇବେ । କାରଣ ଏହି ୮ ବର୍ଷରେ ପ୍ରତି ବର୍ଷ ଆଇସିସି ଟୁର୍ଣ୍ଣାମେଣ୍ଟ ରହିଛି । କେବଳ ଆଇସିସି ଟୁର୍ଣ୍ଣାମେଣ୍ଟରେ ହିଁ ଉଭୟ ଦଳ ମୁହାଁମୁହିଁ ହେବାର ସୁଯୋଗ ପାଉଛନ୍ତି ।ଦୁଇ ଦେଶ ମଧ୍ୟରେ ଲାଗି ରହିଥିବା ରାଜନୈତିକ ତିକ୍ତତା ଯୋଗୁ ଦୀର୍ଘ ବର୍ଷ ଧରି ଉଭୟ ଦଳ ମଧ୍ୟରେ ଦ୍ୱିପାକ୍ଷିକ କ୍ରିକେଟ୍‌ ସିରିଜ ଆୟୋଜନ ବନ୍ଦ ରହିଛି । ପାକିସ୍ତାନ ଏ ଦିଗରେ ବାରମ୍ବାର ଆଗ୍ରହ ପ୍ରକାଶ କରୁଥିଲେ ବି ବିସିସିଆଇ କେନ୍ଦ୍ର ସରକାରଙ୍କ ଅନୁମତି ବିନା କିଛି ବି ପଦକ୍ଷେପ ନେଇ ପାରୁ ନାହିଁ । କେବଳ ଆଇସିସି ଟୁର୍ଣ୍ଣାମେଣ୍ଟରେ ଖେଳିବା ପାଇଁ କେନ୍ଦ୍ର ସରକାରଙ୍କର ଅନୁମତି ରହିଛି । ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଯେତେବେଳେ ବି ମ୍ୟାଚ୍‌ ଖେଳନ୍ତି ତାହା ବିଶ୍ୱକପ୍‌ ଫାଇନାଲ ଠାରୁ ବି ଅଧିକ ରୋମାଞ୍ଚକର ହୋଇଥାଏ ।

୨୦୨୪ରୁ ୨୦୩୧ ପ୍ରତି ବର୍ଷ ଅତି କମ୍‌ରେ ଉଭୟ ଦଳ ଥରୁଟିଏ ମୁହାଁମୁହିଁ ହେବାର ସୁଯୋଗ ପାଇବେ। ୨୦୨୪ରେ ଟି-ଟ୍ୱେଣ୍ଟି ବିଶ୍ୱକପ୍‌, ୨୦୨୫ରେ ଚାମ୍ପିଅନ୍ସ ଟ୍ରଫି, ୨୦୨୬ରେ ଟି-ଟ୍ୱେଣ୍ଟି ବିଶ୍ୱକପ, ୨୦୨୭ରେ ଦିନିକିଆ ବିଶ୍ୱକପ୍‌, ୨୦୨୮ରେ ଟି-ଟ୍ୱେଣ୍ଟି ବିଶ୍ୱକପ, ୨୦୨୯ରେ ଚାମ୍ପିଅନ୍ସ ଟ୍ରଫି, ୨୦୩୦ରେ ଟି-ଟ୍ୱେଣ୍ଟି ବିଶ୍ୱକପ୍‌ ଏବଂ ୨୦୩୧ରେ ଦିନିକିଆ ବିଶ୍ୱକପ୍‌ ଖେଳାଯିବ । ୨୦୦୭-୦୮ ଠାରୁ ଭାରତ-ପାକ୍‌ ମଧ୍ୟରେ ଦ୍ୱିପାକ୍ଷିକ ଟେଷ୍ଟ ସିରିଜ ବନ୍ଦ ରହିଛି । ଏହି ସିରିଜ୍‌ ଭାରତ ଆୟୋଜନ କରିଥିଲା ଏବଂ ୩ ମ୍ୟାଚ୍‌ ବିଶିଷ୍ଟ ସିରିଜକୁ ଭାରତ ୧-୦ରେ ଜିତିଥିଲା । ସେମିତି ୨୦୧୨-୧୩ ଠାରୁ ଦିନିକିଆ ସିରିଜ୍‌ ବନ୍ଦ ରହିଛି । ଏହି ଗସ୍ତରେ ପାକିସ୍ତାନ ୧-୨ରେ ସିରିଜ ପରାଜିତ ହୋଇଥିଲା ।