ଭୁବନେଶ୍ୱର ୧୮/୩: ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବା ସହ ବିଜେଡି ତାର ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି। ଏହି ତାଲିକାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନାଁ ମଧ୍ଯ ସାମିଲ ଅଛି । ମୁଖ୍ୟମନ୍ତ୍ରୀ, ଗଞ୍ଜାମ ଜିଲ୍ଲାର ହିଞ୍ଜିଳି ନିର୍ବାଚନ ମଣ୍ଡଳୀ ସହିତ ବରଗଡ଼ ଜିଲ୍ଲାର ବିଜେପୁରରୁ ମଧ୍ଯ ନିର୍ବାଚନ ଲଢ଼ୁଛନ୍ତି ।
ତେବେ ଲୋକସଭା ଆସନରେ ଲଢୁଥିବା ୯ ଜଣ ପ୍ରାର୍ଥୀଙ୍କ ମଧ୍ୟରୁ ୮ ନୂଆ ମୁହଁ ଦେଖିବାକୁ ମିଳିଛି । ତେବେ ଟିକେ ନଜର ପକାଇବା ଲୋକସଭା ଆସନରେ ଲଢୁଥିବା ପ୍ରାର୍ଥୀଙ୍କ ତାଲିକା ଉପରେ …..
ବ୍ରହ୍ମପୁର – ଚନ୍ଦ୍ରଶେଖର ସାହୁ
ନବରଙ୍ଗପୁର – ରମେଶ ମାଝୀ
କୋରାପୁଟ – କୌଶଲ୍ୟା ହିକକ୍କା
କଳାହାଣ୍ଡି – ପୁଷ୍ପେନ୍ଦ୍ର ସିଂଦେଓ
ବରଗଡ- ପ୍ରସନ୍ନ ଆଚାର୍ଯ୍ୟ
ସୁନ୍ଦରଗଡ- ସୁନୀତା ବିଶ୍ବାଳ
ବଲାଙ୍ଗିର- କଳିକେଶ ସିଂଦେଓ
କନ୍ଧମାଳ- ଅଚ୍ୟୁତ ସାମନ୍ତ
ଆସ୍କା- ପ୍ରମିଳା ବିଶୋୟୀ
ଏହି ୯ ପ୍ରାର୍ଥୀଙ୍କ ମଧ୍ୟରୁ କେବଳ କଳିକେଷ ସିଂ ଦେଓଙ୍କ ବ୍ଯତୀତ ଅନ୍ୟ ସମସ୍ତେ ପ୍ରଥମ ଥର ପାଇଁ ଲୋକସଭା ଆସନରେ ନିର୍ବାଚନ ଲଢୁଛନ୍ତି । କେବଳ ବଲାଙ୍ଗିରରୁ କଳିକେଷ ପୁନର୍ବାର ପ୍ରାର୍ଥୀ ହୋଇଛନ୍ତି । ୯ ଜଣ ପ୍ରାର୍ଥୀଙ୍କ ମଧ୍ୟରେ ୨ ରାଜ୍ଯସଭା ସାଂସଦ ତଥା ପ୍ରସନ୍ନ ଆଚାର୍ଯ୍ଯ ଓ ଅଚ୍ଯୁତ ସାମନ୍ତ ରହିଛନ୍ତି । ପ୍ରସନ୍ନ ଆଚାର୍ଯ୍ଯ ବରଗଡ ଏବଂ ଅଚ୍ଯୁତ, କନ୍ଧମାଳ ଆସନରୁ ନିର୍ବାଚନ ଲଢୁଛନ୍ତି । ପ୍ରାର୍ଥୀ ତାଲିକାରେ ୩ ମହିଳା ଅଛନ୍ତି । କୋରାପୁଟରୁ ସାଂସଦ ଝିନ୍ ହିକକ୍କାଙ୍କ ପତ୍ନୀ କୌଶଲ୍ଯା ହିକକ୍କା, ସୁନ୍ଦରଗଡରୁ ସୁନୀତା ବିଶ୍ୱାଳ ଓ ଆସ୍କାରୁ ପ୍ରମିଳା ବିଶୋୟୀ ପ୍ରାର୍ଥୀ ଅଛନ୍ତି । ପୂର୍ବରୁ ମହିଳା ପ୍ରାର୍ଥୀଙ୍କ ଉପରେ ଗୁରୁତ୍ୱ ଦିଆଯିବ ବୋଲି ଦଳ ସୁପ୍ରିମୋ ସୂଚନା ଦେଇଥିଲେ ।