ବାହୁଡାଯାତ୍ରାବେଳେ ଅଘଟଣ: ରଥଟଣା ଦେଖୁଥିବା ସମୟରେ ଛାତ ଭୁଶୁଡି ୮ ଛାତ୍ରୀ ଆହତ

ରାୟଗଡା ୧୨/୭: ରାୟଗଡା ଜିଲ୍ଲା ଟିକିରିରେ ବାହୁଡାଯାତ୍ରାବେଳେ ଅଘଟଣ । ବାହୁଡାଯାତ୍ରା ଦେଖୁଥିବା ସମୟରେ ସ୍କୁଲ୍ ଛାତ ଭୁଶୁଡି ୮ ଜଣ ଛାତ୍ରୀ ଆହତ ହୋଇଛନ୍ତି । ରଥଟଣା ଦେଖିବା ପାଇଁ ଛାତ୍ରୀମାନେ ସ୍କୁଲ୍ ଛାତ ଉପରେ ଚଢିଥିଲେ । ମାତ୍ର କିଛି ସମୟ ପରେ ଛାତ ଓ ସିଢି ଭୁଶୁଡି ପଡିଥିଲା । ଫଳରେ ଛାତ୍ରୀମାନେ ତଳେ ପଡିଯାଇଥିଲେ । ମାତ୍ର ସେମାନଙ୍କ ଉପରେ କଂକ୍ରିଟ୍ ସ୍ଲାପ୍ ଖସିପଡିବା ଫଳରେ ସେମାନେ ଆହତ ହୋଇଛନ୍ତି ।

ଆହତମାନଙ୍କୁ ଟିକିରି ମେଡିକାଲରେ ଭର୍ତ୍ତି କରାଯାଇଛି । ୮ ଜଣଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଅଧିକ ଗୁରୁତର ହୋଇଥିବାରୁ ସେମାନଙ୍କୁ କୋରାପୁଟ ଲକ୍ଷ୍ମଣନାୟକ ମେଡିକାଲ ତଥା ହସ୍ପିଟାଲକୁ ସ୍ଥାନାନ୍ତର କରାଯାଇଛି । ସେମାନଙ୍କ ଛାତି ଓ ପେଟରେ ସ୍ଲାପ୍ ପଡିଯାଇଥିଲା । ସମସ୍ତେ ଟିକିର ଉଚ୍ଚ ପ୍ରାଥମିକ ସ୍କୁଲର ଛାତ୍ରୀ ଥିବା ଜଣାପଡିଛି । ସୂଚନା ଅନୁସାରେ ଛାତଟି ବହୁତ ପୂରୁଣା ହୋଇଯାଇଥିଲା ତେଣୁ ତାହା ଭୁଶୁଡି ପଡିଥିଲା ।

   ସମ୍ବନ୍ଧିତ ଖବର


ଦେଶରେ ୬ ଜୁଲାଇରୁ ଖୋଲିବ ସମସ୍ତ ସ୍ମାରକୀ, ସଂସ୍କୃତି ମନ୍ତ୍ରୀଙ୍କ ଘୋଷଣା

୩୫୦ ହାତୀଙ୍କର ରହସ୍ୟମୟ ମୃତ୍ୟୁ, ଜଙ୍ଗଲ ସାରା ପଡ଼ି ରହିଛି ଗଳିତ ମୃତଦେହ

ଚୀନକୁ ଜବାବ୍ ଦେବାକୁ ଭାରତ କିଣିବ ୩୩ ଅତ୍ୟାଧୁନିକ ଯୁଦ୍ଧ ବିମାନ

ଲଗଜରୀ କାରର ମୂଲ୍ୟଠାରୁ ବିରାଟ କୋହଲିଙ୍କ ଗୋଟିଏ ଇନଷ୍ଟାଗ୍ରାମ୍ ପୋଷ୍ଟ ଖୁବ୍ ଅଧିକ

ଚୀନରେ ପ୍ରଥମରୁ ହିଁ TikTok ବ୍ୟାନ୍, ଜାଣନ୍ତୁ କାହିଁକି ନିଜର ଆପକୁ ବ୍ୟବହାର କରୁନି ଡ୍ରାଗନ୍?

ମରିବା ପୂର୍ବରୁ ହାତରେ ଲେଖିଦେଇଥିଲେ ହତ୍ୟାକାରୀର ଗାଡି ନମ୍ବର, ଏଭଳି ଧରିଲା ପୋଲିସ