PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡ଼ିଶା: ସୋମବାରରୁ ଶୁକ୍ରବାର ଦୈନିକ ସକାଳେ ମିଳୁଥିବା ମହଲତ କମିଲା ଏଣିକି ଦୈନିକ ୬ ଘଣ୍ଟା ବଦଳରେ ୪ ଘଣ୍ଟାକୁ ଖସିଲା କୋହଳ
  • ||
  • ବାହାଘରରେ ସର୍ବାଧିକ ୨୫ ଜଣ ସାମିଲ ହୋଇପାରିବେ
  • ||
  • ଓଡିଶାରେ ବଢିଲା ଲକଡାଉନ୍ ଅବଧି, ଜୁନ ୧ ଯାଏଁ ଜାରି ରହିବ କଟକଣା
  • ||
  • ଯଶିପୁର ନିର୍ବାଚନୀ ମଣ୍ଡଳୀର ପୂର୍ବତନ ବିଧାୟକ କମଳାକାନ୍ତ ନାୟକଙ୍କ ଚିକିତ୍ସାଧିନ ଅବସ୍ଥାରେ କେନ୍ଦୁଝର ମେଡିକାଲରେ ପରଲୋକ
  • ||
  • ସଇଁତଳା: ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା
  • ||
  • ଭୁବନେଶ୍ୱର : ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି, ୨୪ ଘଣ୍ଟାରେ ୨୨ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୨୩୫୭କୁ ବୃଦ୍ଧି
  • ||
  • ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି: ୨୪ ଘଣ୍ଟା ମଧ୍ୟରେ ୧୦ ହଜାର ୩୨୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୨ ଜୀବନ ନେଲା କରୋନା
  • ||
  • ପୁରୀ : ସମ୍‌ ସହଯୋଗରେ ପୁରୀରେ ଖୋଲିବ ସ୍ୱତନ୍ତ୍ର କୋଭିଡ୍‌ ହସ୍ପିଟାଲ୍‌, ୧୯ରୁ ସେବା ଆରମ୍ଭ
  • ||
  • ଭୁବନେଶ୍ୱର : ପୁଣି ଉପରମୁହାଁ ପାରଦ, ତାତିରେ ଛଟପଟ ଜନଜୀବନ, ଆହୁରି ୪ ଦିନ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ନୂଆଦିଲ୍ଲୀ : ବ୍ରହ୍ମ ମୁହୂର୍ତ୍ତରେ ଖୋଲିଲା ବଦ୍ରିନାଥଙ୍କ ଧାମ, ବିନା ଶ୍ରଦ୍ଧାଳୁରେ ହେଲା ଦ୍ଵାର ଫିଟା ନୀତି
  • ||

ଆଦିବାସୀ ମେଳା: ସଞ୍ଜ ନଇଁଲେ ମନ ଥୟ ଧରୁନି

ଭୁବନେଶ୍ୱର,୩୧ା୧(ବ୍ୟୁରୋ): ଖାଣ୍ଟି ଜଙ୍ଗଲିଆ ଜିନିଷ ସାଙ୍ଗକୁ ପାହାଡ଼ିଆ ଲୋକଙ୍କ ସରଳିଆ ଜୀବନଶୈଳୀ । ପୁଣି ଭଳିକି ଭଳି ପଥର କାରୁକାର୍ଯ୍ୟ । ଆଉ ବିଭିନ୍ନ ରକମର ଘରକରଣା ଜିନିଷ । ତା’ ସାଙ୍ଗକୁ ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ । ଏଭଳି ଏକ ସଙ୍ଗମକୁ ହାତ ଛଡ଼ା କରିବାକୁ ନାରାଜ ରାଜଧାନୀବାସୀ । ଏଥିପାଇଁ ସଞ୍ଜ ନଇଁବା ପୂର୍ବରୁ ସବୁ କାମ ସାରି ସିଧା ହେଉଛନ୍ତି ଘରମୁହାଁ । ଆଉ ସାଙ୍ଗସାଥୀ ଓ ପରିବାର ଲୋକଙ୍କ ସହିତ ବାହାରି ପଡ଼ୁଛନ୍ତି ପ୍ରଦର୍ଶନୀ ପଡ଼ିଆକୁ ।
ଆୟୋଜକମାନେ ବି ମେଳାରେ ଦର୍ଶକଙ୍କ ପାଇଁ ଖଞ୍ଜି ଦେଇଛନ୍ତି ସବୁ ବ୍ୟବସ୍ଥା । ଗାଁ ପରିବେଶ ସାଙ୍ଗକୁ ସୁସ୍ୱାଦୁ ଖାଦ୍ୟ ଆଉ ଭଳିକି ଭଳି ମନୋଲୋଭା ଜିନିଷ ସବୁ କିଛି ଯୋଗାଇ ଦିଆଯାଇଛି ହାତ ପାହାନ୍ତାରେ । ଯାହାର ଭରପୂର ମଜା ଉଠାଉଛନ୍ତି ଦର୍ଶକ ।
ମେଳାରେ ସବୁଠୁ ଅଧିକ ଭିଡ଼ ଜମୁଛି ଆଦିବାସୀ ହାଟରେ । ଏଠାରେ ବିକ୍ରି ହେଉଥିବା ବାସୁମତି ଚାଉଳ, ମୁଗ, ବିରି, ମାଣ୍ଡିଆ, ପାଳୁଅ, ରାଶି, ମହୁ, ଲାଖ, ଝୁଣା, ହରିଡ଼ା, ବାହାଡ଼ା, ଅଁଳା ଭଳି ଜିନିଷ ଲୋକଙ୍କ ବେଶି ପସନ୍ଦ ଆସୁଛି । ରାସାୟନମୁକ୍ତ ଏସବୁ ଜିନିଷ କିଣିବାକୁ ବର୍ଷ ତମାମ ଅପେକ୍ଷା କରିଥାନ୍ତି ରାଜଧାନୀବାସୀ । ତେଣୁ ଏହାକୁ ଯଥେଷ୍ଟ ପରିମାଣରେ ସମସ୍ତେ କିଣି ନେଉଛନ୍ତି ।
ଏହାଛଡ଼ା ବାଉଁଶ ତିଆରି ବିଭିନ୍ନ ସାମଗ୍ରୀ ବି ଚାହିଦାରେ ରହିଛି । ଆକର୍ଷଣୀୟ ଜିନିଷ ସାଙ୍ଗକୁ ରିହାତି ଦର ସମସ୍ତଙ୍କ କିଣିବାକୁ ବାଧ୍ୟ କରୁଛି । ଏସବୁ ବ୍ୟତୀତ ବିଭିନ୍ନ ସ୍ୱଂୟ ସହାୟକ ଗୋଷ୍ଠୀମାନେ ପ୍ରସ୍ତୁତ କରିଥିବା ନୂଆ ମଡେଲ୍‌ ବି ନଜର ଟାଣୁଛି । ଏଥର ଫୁଲଛାଡ଼ୁ ଓ ହଳଦୀର ବି ଆଦର ରହିଥିବା ଦେଖିବାକୁ ମିଳିଛି ।
କେବଳ ସେତିକି ନୁହେଁ, ଆଦିବାସୀମାନେ ତିଆରି କରିଥିବା ଝାଟିମାଟି ଘର, ଦୁଆର ମୁହଁରେ ଚାଷ ହୋଇଥିବା ବନ୍ଧା କୋବି ଆଉ ଅଗଣାରେ ତୁଳସୀ ଚଉରା ଦେଉଛି ଭିନ୍ନ ଏକ ଅନୁଭୂତି । ଯୁବପିଢ଼ିମାନେ ଏଭଳି ଦୃଶ୍ୟକୁ ସ୍ମୃତି ଭାବେ ସାଇତି ରଖିବାକୁ ମନସ୍ଥ କରୁଛନ୍ତି । ଏଥିପାଇଁ ସାଙ୍ଗସାଥୀଙ୍କ ଗହଣରେ ବିଭିନ୍‌ ପୋଜ୍‌ରେ ଫଟୋ ଉଠାଉଥିବା ଦେଖିବାକୁ ମିଳିଛି ।