ଗାଜିଆବାଦ – ଗାଜିଆବାଦର ଇନ୍ଦିରାପୁରମ୍ ଅଞ୍ଚଳରେ ଭୀଷଣ ଅଗ୍ନିକାଣ୍ଡ ଘଟଣା ସାମନାକୁ ଆସିଛି। ନିଆଁ ସୋସାଇଟିର ଅନେକ ଫ୍ଲୋରକୁ ବ୍ୟାପି ଯାଇଛି। ଅହିଂସା ଖଣ୍ଡ-୨ର ଅରିହନ୍ତ ହାର୍ମନୀ ସୋସାଇଟିରେ ଘଟିଛି ଏହି ଅଗ୍ନିକାଣ୍ଡ ଘଟଣା। ନିଆଁ ଲାଗିବା ଘଟଣାର ଏକ ଭିଡ଼ିଓ ମଧ୍ୟ ସାମନାକୁ ଆସିଛି। ଘଟଣାର ସୂଚନା ମିଳିବା ପରେ ଘଟଣା ସ୍ଥଳରେ ଅନେକ ଦମକଳ ବିଭାଗର ଗାଡ଼ି ପହଞ୍ଚିଛନ୍ତି। ନିଆଁକୁ ଆୟତ୍ତ କରିବାକୁ ଚେଷ୍ଟା କରାଯାଉଛି।
ସୂଚନା ଯେ , ଗାଜିଆବାଦର ସୋସାଇଟିରେ ନିଆଁ ଲାଗିବାର ସୂଚନା ପାଇବା ପରେ ସଂପୃକ୍ତ ଅଞ୍ଚଳରେ ଆତଙ୍କ ଖେଳି ଯାଇଛି। ଦେଖୁ ଦେଖୁ ନିଆଁ ଆଖପାଖର ଅନେକ କୋଠାରେ ଲାଗି ଯାଇ ଥିଲା। ଏହି ସମୟରେ ସେଠାରେ ରହୁଥିବା ଲୋକଙ୍କର ହୋ ହାଲା , ଚିତ୍କାର ଶୁଣିବାକୁ ମିଳିଥିଲା। ସୂଚନା ପାଇବା ପରେ ତୁରନ୍ତ ଦମକଳ ବିଭାଗର ଗାଡ଼ି ସେଠାରେ ପହଞ୍ଚି ନିଆଁକୁ ଲିଭାଇବାକୁ ଚେଷ୍ଟା ଜାରି ରଖିଛି।
ମିଳିଥିବା ସୂଚନା ଅନୁସାରେ, ଗାଜିଆବାଦର ଅହିଂସାଖଣ୍ଡର ଅରିହନ୍ତ ହାର୍ମୋନୀ ସୋସାଇଟିରେ ଜେନେରେଟରରେ ନିଆଁ ଲାଗିଥିଲା।ଏହାପରେ ନିଆଁ ୩ଟି ଡ୍ରମରେ ଥିବା ଡିଜେଲରେ ଲାଗି ଯାଇଥିଲା । ଏହାର କିଛି ସମୟ ପରେ ସେଠାରେ ବଡ଼ ଧମାକା ହୋଇଥିଲା ଏବଂ ନିଆଁ ଭୟଙ୍କର ରୂପ ଧାରଣ କରି ନେଇଥିଲା।