ପାଠପଢ଼ା ସାଙ୍ଗକୁ ପେଟପାଟଣା ଚିନ୍ତା : ମକା ବିକୁଛନ୍ତି ନବମ ଶ୍ରେଣୀ ଛାତ୍ର

ଭଞ୍ଜନଗର,୧୨।୮: କରୋନା ମହାମାରୀ ଯୋଗୁଁ ମଧ୍ୟବିତ ପରିବାରର ଅବସ୍ଥା ଶୋଚନୀୟ । ଲକ୍‌ଡାଉନ୍‌ରେ କିଏ ରୋଜଗାର ହରାଇଛନ୍ତି ତ ଆଉ କିଏ ଜୀବିକା ବଦଳାଇ ଦେଇଛନ୍ତି । ଚଳିବା କଷ୍ଟକର ହୋଇଯାଇଛି । ଏହାର ପ୍ରଭାବ ଅନେକ ଛାତ୍ରଛାତ୍ରୀଙ୍କ ଉପରେ ପଡ଼ିଛି । ଏପଟେ ୩ ମାସ ହେଲା ସ୍କୁଲ ବନ୍ଦ ରହିଛି । ଘର ଚଳାଇବା ପାଇଁ ମକା ବିକ୍ରି କରୁଛନ୍ତି ଦୁଇ ଜଣ ନବମ ଶ୍ରେଣୀ ଛାତ୍ର । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଭଞ୍ଜନଗରରେ । ସହରତଳି ଡିହପଢାଳ ପଞ୍ଚାୟତର ତୁଳସୀପଲ୍ଲୀ ଗ୍ରାମର କ୍ରିଷ୍ଣା ସ୍ୱାଇଁ ଓ ମନୋଜ ମଲ୍ଲିକ । ଉଭୟ ଡିହପଢାଳ ପଞ୍ଚାୟତ ହାଇସ୍କୁଲର ନବମ ଶ୍ରେଣୀର ଛାତ୍ର । ମକା ବିକ୍ରି କରିବା ସାଙ୍ଗକୁ ସମୟ ବାହାର କରି ପାଠ ପଢୁଛନ୍ତି ।

ଲକ୍‌ଡାଉନ୍‌ ଯୋଗୁଁ ସ୍କୁଲ ବନ୍ଦ ରହିଛି । କେତେକ ଘରୋଇ ବିଦ୍ୟାଳୟ ଅନ୍‌ଲାଇନ୍‌ ପାଠପଢା କରୁଛନ୍ତି । ସେହିପରି ସରକାରୀ ସ୍କୁଲରେ ପଢୁଥିବା ଅନେକ ପିଲାଙ୍କ ପାଖରେ ଦାରିଦ୍ରତା କାରଣରୁ ଆଣ୍ଡ୍ରୋଏଡ୍‌ ମୋବାଇଲ ନାହିଁ । ଏନେଇ ଅନ୍‌ଲାଇନ୍‌ କ୍ଲସ୍‌ କରିବାରୁ ବଞ୍ଚିତ ହେଉଛନ୍ତି । ସ୍କୁଲ ଖୋଲୁନଥିବାରୁ ପିଲାଏଁ ଘରେ ବସି ମଉଜ ମସ୍ତି କରୁଥିବାବେଳେ ଅନେକ ଗରିବ ଅସହାୟ ପିଲା କିନ୍ତୁ ଜୀବିକା ପାଇଁ ସଂଘର୍ଷ କରୁଛନ୍ତି । ତୁଳସୀପଲ୍ଲୀ ଗ୍ରାମର ଅଶୋକ ସ୍ୱାଇଁଙ୍କ ପୁଅ କ୍ରିଷ୍ଣା ଓ ଜୁରିଆ ମଲ୍ଲିକଙ୍କ ପୁଅ ମନୋଜ ୨ଟି ସାଇକେଲରେ ବୁଲି ବୁଲି ମକା ବିକ୍ରି କରୁଛନ୍ତି । ୬ଟି ଲେଖାଏଁ ମକାକୁ ବିଡାକରି ୨୦ ଟଙ୍କାରେ ବିକ୍ରି କରୁଛନ୍ତି । ଯାହା ରୋଜଗାର ହେଉଛି ସେଥିରେ ପରିବାରକୁ ସହାୟତା କରିଥାନ୍ତି । ସେହିପରି ଉଭୟ ପରିବାର ଲୋକଙ୍କ ସହ ଜମିରେ ଚାଷ କରିବା ସହ ମକା ବିକ୍ରି କରୁଛନ୍ତି । ଦିନରେ ସମୟ ହେଉନଥିବାବେଳେ ସନ୍ଧ୍ୟାରେ ଘରେ ପାଠ ପଢ଼ୁଛନ୍ତି କ୍ରିଷ୍ଣା ଓ ମନୋଜ । ଅନଲାଇନ ପାଠପଢା ପାଇଁ ମୋବାଇଲ ନାହିଁ । ନିଜ ପରିବାରର ପ୍ରତିପୋଷଣ ସହ ପାଠ ପଢି ଆଗକୁ ବଢିବେ ବୋଲି ଆଶା ରଖିଛନ୍ତି । ସେମାନଙ୍କ ଅଦମ୍ୟ ଇଛା ଓ ସ୍ୱପ୍ନ ସାକାର କରିବାକୁ ଉଦ୍ୟମ ଜାରି ରଖିଛନ୍ତି ।

   ସମ୍ବନ୍ଧିତ ଖବର


ଜୀବିକା ନେଲା ଜୀବନ, ମାଛ ଧରିବାକୁ ଯାଇ ମୃତ୍ୟୁର ଜାଲରେ ଫସିଗଲେ ଯୁବକ

ନିର୍ବନ୍ଧ ପରେ ବି ପୁରୁଣା ପ୍ରେମିକାକୁ ଭୁଲି ପାରିଲେନି ପ୍ରେମିକ, ତା’ ପରେ କାହାର ହେଲା ବିଜୟ…

ଭିନ୍ନ ଜାତିରେ ବାହା ହୋଇଥିଲେ ବୋଲି… ଭାଇ ଶବକୁ ଛୁଇଁଲାନି ଭାଇ, ସ୍ୱେଚ୍ଛାସେବୀ କଲେ ସଂସ୍କାର

ଯୁବ ଇଂଜିନିୟର୍‌ଙ୍କୁ ମହଙ୍ଗା ପଡ଼ିଲା ଏକତରଫା ପ୍ରେମ: ଯୁବତୀଙ୍କ ହଷ୍ଟେଲ୍‌ ସମ୍ମୁଖରେ ହାଲ୍ଲାବୋଲ କରିବାରୁ ନିସ୍ତୁକ ଛେଚିଲେ ଦେଖଣାହାରୀ

ଟ୍ରକ୍‌କୁ ପଛରୁ ପିଟିଲା ବୋଲେରୋ, ୫ ବରଯାତ୍ରୀ ଗୁରୁତର

ରାସଗୋବିନ୍ଦପୁର ବନାଞ୍ଚଳ ରାସ୍ତାରୁ ୨୦୦ ଗ୍ରାମର ଭଙ୍ଗା ହାତୀ ଦାନ୍ତ ଉଦ୍ଧାର