PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ମହାଶିବରାତ୍ରୀରେ ଦୋକାନରୁ ହୀରା କାନଫୁଲ ଚୋରି କଲା ମୂଷା,ମାଲିକ କହିଲେ ଭଗବାନ ଗଣେଷ ନିଜ ମା’ଙ୍କୁ ଉପହାର ଦେଇଛନ୍ତି

ପାଟନା,୯।୩: ଯଦି ଆପଣଙ୍କର କୌଣସି ମୂଲ୍ୟବାନ ଜିନି​‌ଷ ଚୋରି ହୋଇଯାଏ ତେବେ ଆପଣ କ’ଣ କରିବେ? ପୋଲିସ ଷ୍ଟେସନରେ ଖବର ଦେବେ।  ହେଲେ ଚୋର ଯଦି ଏକ ମୂଷା ହୋଇଥାଏ, ତାହା ହେଲେ କଣ କରିବେ? ଏପରି ଏକ ଘଟଣା ଘଟିଛି ବିହାରର ରାଜଧାନୀ ପାଟନାରେ। ସେଠାକାର ଜଣେ ଗହଣା ବ୍ୟବସାୟୀ ଧୀରଜ କୁମାରଙ୍କ ଶୋରୁମ୍‌ରୁ ଗତ ମହାଶିବରାତ୍ରୀରେ ଏକ ଦାମିକିଆ ହୀରା କାନଫୁଲ ଚୋରି ହୋଇ ଯାଇଥିଲା। ପର ଦିନ ସକାଳେ ଶୋରୁମ ଖୋଲିବା ପରେ ଦୋକାନ ମାଲିକ ଏହା ଜାଣିପାରିଥିଲେ। ଏହାପରେ ସେ ଘଟଣାର ଖୋଳତାଡ ଆରମ୍ଭ କରି ଦେଇଥିଲେ। କିନ୍ତୁ ଯେତେବେଳେ ଜାଣିବାକୁ ପାଇଲେ ଏହି ହୀରା କାନଫୁଲ ମୂଷା ଚୋରି କରିଛି ସେତେବେଳେ ରାଗିବା ବଦଳରେ ମୂଷାକୁ ଭଗବାନ ବୋଲି କହିଥିଲେ।

ଧୀରଜ କୁମାର ଦୋକାନ ନବରତ୍ନ ଜୁଏଲର୍ସ ଆଣ୍ଡ ବଦର୍ସରେ ଏଥର ମହାଶିବରାତ୍ରୀରେ ତାଙ୍କ ଦୋକାନରୁ ଏହି ହୀରା କାନଫୁଲ ହଜିଯାଇଥିଲା। ପ୍ରଥମେ ସେ ଦୋକାନରେ କାମ କରୁଥିବା କର୍ମଚାରୀଙ୍କୁ ପଚାରିଥିଲେ। କିନ୍ତୁ କିଛି ସୁରାଗ ନମିଳିବା କାରଣରୁ ସିସିଟିଭିରେ ଦେଖିବା ବେଳେ ଏହା ଜାଣିପାରିଥିଲେ। ଧୀରଜ କହିଛନ୍ତି ଏହି ଘଟଣାରେ ତାଙ୍କର ବିଶେ​‌ଷ କିଛି କ୍ଷତି ହୋଇନାହିଁ। କାନଫୁଲର ମୂଲ୍ୟ କେବଳ ୨୩ ହଜାର ଟଙ୍କା ଥିଲା।  ମହାଶିବରାତ୍ରୀରେ ଏହା ହୋଇଛି, ତେଣୁ ମୋତେ ଲାଗୁଛି ଭଗବାନ ଗଣେଷ ତାଙ୍କ ମା’ ପାର୍ବତୀଙ୍କୁ ଏହି କାନଫୁଲ ବିବାହ ବାର୍ଷିକୀରେ ଉପହାର ଭାବରେ ଦେଇଛନ୍ତି। ଧୀରଜ କୁମାର ଏହି ଘଟଣା ସମ୍ପର୍କରେ ପୋଲିସ ନିକଟରେ କୌଣସି ଅଭିଯୋଗ ମଧ୍ୟ ଦାଖଲ କରିନାହାଁନ୍ତି। ଏପରିକି ଚୋରି କାନଫୁଲ ମିଳିଲେ ସେ ତାକୁ କେଦାରନାଥ ମନ୍ଦିରକୁ ପଠାଇ ଦେବେ।

ସମ୍ବନ୍ଧିତ ଖବର