ନୂଆଦିଲ୍ଲୀ,୧୩।୫: ଆମ୍ ଆଦମୀ ପାର୍ଟି (ଆପ୍)ର ରାଜ୍ୟସଭା ସାଂସଦ ସ୍ବାତି ମାଲିଓ୍ବାଲ ସୋମବାର ସିଲିଭ ଲାଇନ୍ ଥାନାରେ ପହଁଞ୍ଚିଥିଲେ ଓ ଖୁବ୍ ଗମ୍ଭୀର ଅଭିଯୋଗ କରିଛନ୍ତି। ସ୍ବାତୀ ମାଲିଓ୍ବାଲ ଅଭିଯୋଗ କରିଛନ୍ତି ଯେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ବାସଭବନରେ ତାଙ୍କ ସହ ଖରାପ ବ୍ୟବହାର କରାଯାଇଛି। ସେ କେଜ୍ରିଓ୍ବାଲଙ୍କ ପର୍ସନାଲ ଷ୍ଟାଫ୍ଙ୍କ ଉପରେ ଅଭିଯୋଗ କରିଛନ୍ତି।ଦିଲ୍ଲୀ ପୋଲିସର ଜଣେ ଅଧିକାରୀ ଏହି ସୂଚନା ଦେଇଛନ୍ତି। ପୋଲିସ ଅଧିକାରୀ ପିଟିଆଇକୁ ଏହି ସୂଚନା ଦେଇଛନ୍ତି। ତେବେ ଖବର ଲେଖାଯିବା ପର୍ଯ୍ୟନ୍ତ ପୋଲିସକୁ କୌଣସି ଲିଖିତ ସୂଚନା ମିଳିନଥିଲା।
ଅଧିକାରୀଙ୍କ କହିବା ଅନୁସାରେ, ମାଲିଓ୍ବାଲ ପିସିଆରକୁ କଲ୍ ମଧ୍ୟ କରିଥିଲେ ଓ ଝଗଡାର ଅଭିଯୋଗ କରିଥିଲେ। ସେ କହିଛନ୍ତି, ସକାଳ ପ୍ରାୟ ୧୦ଟା ବେଳେ ଦୁଇଟି କଲ୍ ଆସିଥିଲା। ସିଭିଲ ଲାଇନ୍ସ ଥାନାର ଏକ ଟିମ୍ ମୁଖ୍ୟମନ୍ତ୍ରୀଙ୍କ ବାସଭବନରେ ତଦନ୍ତ ପାଇଁ ପହଁଞ୍ଚିଥିଲେ। ବର୍ତ୍ତମାନ ଦିଲ୍ଲୀ ପୋଲିସ, ସ୍ବାତୀ ମାଲିଓ୍ବାଲ, ଆପ୍ ପାର୍ଟି କିମ୍ବା ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ପକ୍ଷରୁ କୌଣସି ବୟାନ ଜାରି କରାଯାଇ ନାହିଁ।
ବିଜେପିର କିଛି ନେତାମାନେ ନିଶ୍ଚିତ ସୋସିଆଲ ମିଡିଆ ଉପରେ କେଜ୍ରିଓ୍ବାଲଙ୍କୁ ଘେରାଉ ଆରମ୍ଭ କରିଦେଇଛି। ବିଜେପି ନେତା ଅମିତ ମାଲବୀୟ ଏକ୍ସରେ ଲେଖିଛନ୍ତି, ଆପ୍ର ରାଜ୍ୟସଭା ସାଂସଦ ଓ ଦିଲ୍ଲୀ ମହିଳା କମିଶନର ପୂର୍ବତନ ଅଧ୍ୟକ୍ଷ ସ୍ବାତୀ ମାଲିଓ୍ବାନ ଗମ୍ଭୀର ଅଭିଯୋଗ କରିଛନ୍ତି ଯେ, ଦିଲ୍ଲୀ ମୁଖ୍ୟମନ୍ତ୍ରୀଙ୍କ ପିଏ ତାଙ୍କ ଉପରେ ଆକ୍ରମଣ କରିଛନ୍ତି। ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବାସଭବନକୁ ଫୋନ୍ କରିଥିଲେ। ଉଲ୍ଲେଖନୀୟ ଯେ, ଗିରଫ ପରେ ସ୍ବାତୀ ମାଲିଓ୍ବାଲ ଚୁପ୍ ଥିଲେ। ସେତେବେଳେ ସେ ଭାରତରେ ମଧ୍ୟ ନଥିଲେ ଓ ଦୀର୍ଘ ସମୟ ପର୍ଯ୍ୟନ୍ତ ଫେରିନଥିଲେ।