PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ସୁନ୍ଦରଗଡ଼ ଓ ଅନୁଗୁଳରେ ପ୍ରତିଷ୍ଠା ହେବ ନୂଆ କେନ୍ଦ୍ରୀୟ ବିଦ୍ୟାଳୟ, ଏମସିଏଲ୍‌ ବୋର୍ଡର ଅନୁମୋଦନ ପାଇଁ କେନ୍ଦ୍ର କୋଇଲା ଓ ଖଣି ମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
  • ||
  • ଭୁବନେଶ୍ଵର : ସପ୍ତାହାନ୍ତ ସଟଡାଉନର ଦ୍ଵିତୀୟ ଦିନ, ଆଉ ଚଳିବନି ‘ଆଇ- କାର୍ଡ’, ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲା ପୁଲିସ୍‌
  • ||
  • ଭୁବନେଶ୍ୱର : ବରିଷ୍ଠ ସାମ୍ବାଦିକ ତଥା ‘ପ୍ରମେୟ’ର ଖଣ୍ଡପଡ଼ା ପ୍ରତିନିଧି ସୋମନାଥ ମହାନ୍ତିଙ୍କ ପରଲୋକ
  • ||
  • ଘଟଗାଁ : ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
  • ||
  • କୋଲକାତା : ପଶ୍ଚିମବଙ୍ଗରେ ଥମୁନି ହିଂସା, ପୁଣି ଥରେ ଟିଏମସି ଓ ବିଜେପି କର୍ମୀ ହାତାହାତି, ଜଣେ ମୃତ ୬ ଆହତ
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୧୮୦କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କରୋନା ବିସ୍ଫୋରଣ, ୨୪ଘଣ୍ଟାରେ ଚିହ୍ନଟ ହେଲେ ୧୦ ହଜାର ୬୩୫ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୩୪ ହଜାର ପାର୍
  • ||
  • ନୂଆଦିଲ୍ଲୀ : ଭାରତକୁ ଡବ୍ଲ୍ୟୁଏଚଓର ସତର୍କ ବାଣୀ, ଘାତକ ହେଉଛି କରୋନାର ନୂଆ ମ୍ୟୁଟାଣ୍ଟ, ଭାରତକୁ ତୀବ୍ର କରିବାକୁ ପଡିବ ଟିକାକରଣ
  • ||
  • ଭୁବନେଶ୍ୱର : ଏବେ ମିଳିଛି ସାମାନ୍ୟ ଆଶ୍ୱସ୍ତି, ଦୁଇଦିନ ପରେ ରାଜ୍ୟରେ ପୁଣି ବଢ଼ିବ ତାତି, ୨୦ ଜିଲ୍ଲାରେ ଘଡ଼ଘଡ଼ି ସହ ଧୂଳିଝଡ଼ ବର୍ଷା ଆଶଙ୍କା
  • ||

ଜନ୍ମମାଟିକୁ ଫେରିଆସିଲେ ବୀରପୁତ୍ର ଅଭିନନ୍ଦନ: ସ୍ୱାଗତ କଲା ସାରା ଦେଶ, ‘ଭାରତ ମାତା କି ଜୟ’ରେ କମ୍ପିଲା ଅଟାରୀ ବର୍ଡର

ନୁଆଦିଲ୍ଲୀ ୧/୩: ନିଜ ଜନ୍ମ ମାଟିରେ ପାଦ ଦେଲେ ବୀର ପୁତ୍ର ଅଭିନନ୍ଦନ । ଭାରତରେ ପହଞ୍ଚିଲେ ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ । ଏବେ ସାରା ଭାରତୀୟଙ୍କ ମୁହଁରୁ ଶୁଣିବାକୁ ମିଳୁଛି କେବଳ ଗୋଟିଏ ଶବ୍ଦ, ‘ଅଭିନନ୍ଦନ’ । ଭାରତର ଐତିହାସିକ ବିଜୟ ହୋଇଛି । ଏହି ଦିନକୁ କେବେବି ଭୁଲିବନି ଭାରତ । ଆଜିର ଦିନ ଇତିହାସରେ ଲିପିବଦ୍ଧ ହୋଇ ରହିବ । ତେବେ ଅନ୍ଯପଟେ ପାକିସ୍ତାନ ଏହି ଦିନକୁ ଭୁଲିବାକୁ ଚେଷ୍ଟା କଲେ ମଧ୍ଯ ଭୁଲିପାରିବ ନାହିଁ ।

ସମସ୍ତଙ୍କ କାମନା ପୂରଣ ହେଲା । ଜନ୍ମମାଟିକୁ ଫେରିଆସିଲେ ବୀର ପୁତ୍ର । ଅଟାରୀ ବର୍ଡର ଦେଇ ପହଞ୍ଚିଲେ ୱିଙ୍ଗ କମାଣ୍ଡର ଅଭିନନ୍ଦନ ବର୍ତ୍ତମାନ । ଅଭିନନ୍ଦନଙ୍କୁ ରିସିଭ୍ କରିଛନ୍ତି ଏୟାରଫୋର୍ସର ଏକ ସ୍ପେଶାଲ ଟିମ୍ । କମାଣ୍ଡର ଅଭିନନ୍ଦନ ପ୍ରଥମ ଭାରତୀୟ ବାୟୁସେନା ଅଫିସରଙ୍କୁ ସାକ୍ଷାତ କରିବେ । ଏହାପରେ ତାଙ୍କୁ ମେଡିକାଲ ଯାଞ୍ଚ ପାଇଁ ନିଆଯିବ । ତାଙ୍କୁ ପ୍ରଥମେ ଅମୃତସର ଏବଂ ପରେ ବାୟୁସେନାର ସ୍ପେଶାଲ ବିମାନରେ ଦିଲ୍ଲୀ ନିଆଯିବ ।

ଅଭିନନ୍ଦନଙ୍କ ସମ୍ପୂର୍ଣ୍ଣ ମେଡିକାଲ ଯାଞ୍ଚ କରାଯିବ । ମେଡିକାଲ ଯାଞ୍ଚ ରିପୋର୍ଟରେ ଯଦି କିଛି ତୃଟି ଥିବା ଦେଖାଯାଏ ତେବେ ଜେନେଭା ଚୁକ୍ତିର ନିୟମାନୁସାରେ ପାକିସ୍ତାନ ସହିତ ଆଲୋଚନା କରାଯିବ । ମେଡିକାଲ ପ୍ରୋସେସ୍ ପରେ ଅଭିନନ୍ଦନଙ୍କୁ ପଚରାଯିବ ଯେ ପାକିସ୍ତାନର ବ୍ଯବହାର ତାଙ୍କ ପ୍ରତି କେମିତି ଥିଲା ? ସେ କଣ ପଚାରିଲେ ? ସବୁ ଶେଷ ହେବା ପରେ ଏକ ରିପୋର୍ଟ ପ୍ରସ୍ତୁତ କରାଯିବ ଏବଂ ଭାରତ ସରକାରଙ୍କୁ ପଠାଯିବ । ଯଦି ଭାରତ ସରକାର ଅନୁଭବ କରିବେ ଯେ ୱିଙ୍ଗ କମାଣ୍ଡରଙ୍କ ସହିତ ରିଛି ଭୁଲ୍ ହୋଇଛି ତେବେ ଆନ୍ତର୍ଜାତୀୟ ସ୍ତରରେ ରଖାଯିବ ।

ଆଜି ଅପରାହ୍ନରେ ଫେରିଥାନ୍ତେ ବୀରପୁତ୍ର ଅଭିନନ୍ଦନ । ମାତ୍ର କିଛି ଫର୍ମାଲିଟିଜ୍ ପୂରା କରିବାରେ ସନ୍ଧ୍ଯା ହୋଇଯାଇଥିଲା । ତଥାପି ତାଙ୍କୁ ସ୍ୱାଗତ କରିବା ପାଇଁ ଅଟାରୀରେ ଭିଡ ଲାଗିଥିଲା । ମଧ୍ଯାହ୍ନରୁ ସମସ୍ତେ ତାଙ୍କୁ ସ୍ୱାଗତ କରିବା ପାଇଁ ଅପେକ୍ଷା କରି ରହିଥିଲେ । ଏପରି କିଛି ମଧ୍ଯ ଥିଲେ ଯେଉଁମାନେ କି କିଛି ବି ଖାଦ୍ୟ, ଜଳ ଗ୍ରହଣ କରିନଥିଲେ ଏବଂ ତାଙ୍କୁ ଦେଖିବା ପରେ ହିଁ ଅନ୍ନ,ଜଳ ଗ୍ରହଣ କରିବେ ବୋଲି କହିଥିଲେ । ସନ୍ଧ୍ଯାବେଳେ ଅଟାରୀ ବର୍ଡରରେ ଝିପିଝିପି ବର୍ଷା ମଧ୍ଯ ହୋଇଥିଲା । ଲାଗୁଥିଲା ଯେମିତି ବୀର ପୁତ୍ରକୁ ସ୍ୱାଗତ କରିବା ପାଇଁ ପ୍ରକୃତି ମଧ୍ଯ ଜଳ ବର୍ଷା କରୁଛି । ଲୋକମାନେ ବାଣ ଫୁଟାଇ, ହୋଲି ରଙ୍ଗରେ ଉତ୍ସବ ମନାଇ ତାଙ୍କୁ ସ୍ୱାଗତ କରିଥିଲେ । ୱାଘା ବର୍ଡରରେ ବର୍ଷା ହେବା ନେଇ କୁମାର ବିଶ୍ୱାସ ଟ୍ୱିଟ୍ କରିଛନ୍ତି ..

ପାକିସ୍ତାନ ମାନବୀୟ ଆଧାରରେ ଭାରତୀୟ ପାଇଲଟଙ୍କୁ ବିନା ସର୍ତ୍ତରେ ଛାଡି ଦେଇଛି । କିନ୍ତୁ ଭାରତ ଏହା ସଫା କହିଦେଇଛି ଯେ ପାଇଲଟଙ୍କ ମୁକ୍ତିର ଅର୍ଥ ନୁହେଁ ଯେ ଆତଙ୍କବାଦ ବିରୁଦ୍ଧରେ କାର୍ଯାନୁଷ୍ଠାନ ନିଆଯିବନି । ପାକିସ୍ତାନକୁ ନିଜ ମାଟିରୁ ସମ୍ପୂର୍ଣ୍ଣ ରୂପେ ଆତଙ୍କବାଦ ସଫା କରିବାକୁ ପଡିବ ।