PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗିର : ବଲାଙ୍ଗିରେ ନାହିଁ ଭାରତ ବନ୍ଦ ପ୍ରଭାବ, ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିବା ବେଳେ ଯାତାୟତ ସ୍ଵାଭାବିକ
  • ||
  • ଭୁବନେଶ୍ବର: ଆଜି ଭାରତ ବନ୍ଦ, ରାଜଧାନୀକୁ ଜଗିଛନ୍ତି ୨୦ ପ୍ଲାଟୁନ୍ ପୁଲିସ୍‌ ଫୋର୍ସ
  • ||
  • ଆଜି ୧୨ ଘଣ୍ଟିଆ ଭାରତ ବନ୍ଦ, ଜିଏସ୍‌ଟିର ବିଭିନ୍ନ ସଂଶୋଧିତ ନିୟମକୁ ବିରୋଧ କରି ବନ୍ଦ ପାଳନ କରିବେ ୪୦,୦୦୦ ବ୍ୟବସାୟୀ ସଂଘ
  • ||

ଘାଜି ପରେ ଜୈଶର ନୂଆ କମାଣ୍ଡର ଅବୁ ବକର

ନୂଆଦିଲ୍ଲୀ,୨୧।୨: ପୁଲଓ୍ବାମ ଆକ୍ରମଣର ମାଷ୍ଟରମାଇଣ୍ଡ କାମରାନ୍ ଓ ରଶିଦ୍ ଘାଜି ନିହତ ହେବାପରେ ଏବେ ଆଇଆଇଡି ଏକ୍ସପର୍ଟ ଅବୁବକରକୁ ନିଜର ନୂଆ କମାଣ୍ଡର ଭାବରେ ନିଯୁକ୍ତ କରାଯାଇଛି। ସୂଚନା ଅନୁସାରେ ଅବୁ ବକରକୁ ଅଫଗାନର ଆତଙ୍କବାଦୀଙ୍କ ସହ ଟ୍ରେନିଂ ଦିଆଯାଇଛି। ସୂଚନା ଅନୁସାରେ ଗତ ବର୍ଷ ଜୁଲାଇରେ ଅବୁ ବକର ପାକ୍ ଅଧିକୃତ କଶ୍ମୀର ଜରିଆରେ ଅନୁପ୍ରବେଶ କରିଥିଲା। ଗୁଇନ୍ଦା ସୁତ୍ରର ସୂଚନା ଅନୁସାରେ ପାକ୍ ଅଧିକୃତ କଶ୍ମୀରରେ ବୋଇ, ମଦାରପୁର, ଫଗୋଶ୍  ଓ ଦେଓଲିଆନ୍ର ଟ୍ରେନିଂ କ୍ୟାମ୍ପସରେ ଜୈଶ-ଏ-ମହମ୍ମଦର ୧୨ରୁ ଉର୍ଦ୍ଧ୍ବ ଆତଙ୍କବାଦୀଙ୍କୁ ଖାସ୍ ଧରଣର ପ୍ରଶିକ୍ଷଣ ଦିଆଯାଉଛି।ସୂଚନା  ଅନୁସାରେ ପାକିସ୍ତାନୀ ସେନା ଭାରତରେ ବଡ ଧରଣର ଅନୁପ୍ରବେଶ କରିବାର ଯୋଜନାରେ ଅଛନ୍ତି। ଏହି କାରଣରୁ ପାକିସ୍ତାନ ସେନା ଗତ ୨ ଦିନରେ ବହୁବାର ଅସ୍ତ୍ରବିରତି ଉଲଂଘନ କରିସାରିଛି। ଏଥିରୁ ଜଣାପଡୁଛି ଯେ ଜୈଶର ଆତଙ୍କବାଦୀ ମୌଲାନା ମସୁଦ ଆଝାର ପୁଲଓ୍ବାମା ଆକ୍ରମଣ ପରେ ମଧ୍ୟ ଶାନ୍ତିରେ ବସି ନାହିଁ। ସେ ଏଭଳି ଏକ ଆତଙ୍କବାଦୀ ଆକ୍ରମଣ ପାଇଁ ପ୍ରସ୍ତୁତି କରୁଛି ଯାହାଫଳରେ ଭାରତରେ ପଶି ଆତଙ୍କବାଦୀ ଆକ୍ରମଣକୁ ସଫଳ କରିପାରିବ।

source: https://www.loksatta.com

ଗୁଇନ୍ଦା ଏଜେନ୍ସିର ସୂଚନା ଅନୁସାରେ ଜମ୍ମୁ-କଶ୍ମୀରରେ ଏପର୍ଯ୍ୟନ୍ତ ଭିନ୍ନ ଭିନ୍ନ ସଂଗଠନର ୨୯୮ ଆତଙ୍କବାଦୀ ରହିଛି। ସୂଚନା ଅନୁସାରେ କଶ୍ମୀର ଘାଟିରେ ଏବେ ସବୁଠାରୁ ଅଧିକ ଲସ୍କରର ୮୦ ଆତଙ୍କବାଦୀ ଓ ୫୫ ସ୍ଥାନୀୟ ଆତଙ୍କବାଦୀ ଉପସ୍ଥିତ ଅଛନ୍ତି। ଏହାଛଡା ଜୈଶ-ଏ-ମହମ୍ମଦର ୨୨ ପାକିସ୍ତାନୀ ଆତଙ୍କବାଦୀ ଓ ୧୯ ସ୍ଥାନୀୟ ଆତଙ୍କୀ କାଶ୍ମୀରରେ ଏବେ ବି ସକ୍ରିୟ ରହିଛନ୍ତି। ଏବେ ପାକିସ୍ତାନୀ ନ୍ୟୁଜ ଏଜେନ୍ସି ଆଇଏସ୍ଆଇ ହିଜବୁଲ ମୁଝାହିଦ୍ଦିନର ବିଦେଶୀ ଓ ସ୍ଥାନୀୟ ଆତଙ୍କବାଦୀଙ୍କ ଉପରେ ଅପରେସନ୍ ପାଇଁ ଭରସା କରିହେବ ନାହିଁ। ଯଦିଓ ହିଜବୁଲର ସ୍ଥାନୀୟ ଆତଙ୍କବାଦୀଙ୍କ ସଂଖ୍ୟା କଶ୍ମୀରରେ ୧୦୨ ରହିଛି, ଯାହାକି ସବୁଠୁ ଅଧିକ। ଭାରତୀୟ ସୁରକ୍ଷା ଏଜେନ୍ସି ପାଇଁ ବଡ ସମସ୍ୟା ପାଲଟିଛି ଆତଙ୍କବାଦୀଙ୍କ ନିପାତ କିଭଳି କରିବେ।  

ସମ୍ବନ୍ଧିତ ଖବର