PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ଲିପନ୍ ଙ୍କ ଭଉଣୀ ଆଣିଲେ ପାଲଟା ଅଭିଯୋଗ ‘ଛାତ ଉପରେ ନିକିତାଙ୍କ ବାପା, ଭାଇ ମଧ୍ୟ ଥିଲେ’

କଟକ,୧୩ା୧(ବ୍ୟୁରୋ): ‘ଘଟଣା ଘଟିବା ରାତିରେ ଛାତ ଉପରେ ଲିପନ୍ ଓ ନିକିତା ସହିତ ତାଙ୍କ ବାପା ଓ ଭାଇ ଉପସ୍ଥିତ ଥିଲେ । ପାଟିତୁଣ୍ଡ ପରେ ନିକିତା ହଠାତ୍ ଛାତରୁ ତଳକୁ ଡେଇଁବାକୁ ଉଦ୍ୟମ କଲା ବେଳେ ଅଧାରେ ଲଟକି ରହିବା ଅବସ୍ଥାରେ ଥିଲେ । ଏହା ଦେଖି ଲିପନ୍ ଓ ନିକିତାଙ୍କ ବାପା ତାଙ୍କୁ ବଞ୍ଚାଇବା ପାଇଁ ଉଦ୍ୟମ ମଧ୍ୟ କରିଥିଲେ । ହେଲେ ତାହା ସମ୍ଭବ ହେଲାନି । ନିକିତା ତଳକୁ ଗଳିପଡ଼ିଲେ’ ।-ଅଭିନେତ୍ରୀ ନିକିତା ମୃତ୍ୟୁ ଘଟଣାରେ ତାଙ୍କ ନଣନ୍ଦ ତଥା ଲିପନ୍ଙ୍କ ଭଉଣୀ ସୋମନ ସାହୁ ଆଜି ଏଭଳି କିଛି ବୟାନ ଦେଇଛନ୍ତି । ଘଟଣାର ପରଦିନ ସକାଳେ ଭାଇ ଲିପନ୍ ଏକଥା ତାଙ୍କୁ କହିଥିବା ସୋନମ ଆଜି ଗଣମାଧ୍ୟମ ଆଗରେ ପ୍ରକାଶ କରିଛନ୍ତି । ସୋନମଙ୍କର ଏଭଳି ଅଭିଯୋଗ ପୂରା ଘଟଣାକୁ ଅନ୍ୟ ଏକ ମୋଡ଼ ଦେଇଛି । ସୋନମ ଆହୁରି ମଧ୍ୟ କହିଛନ୍ତି, ୩୧ ତାରିଖ ରାତିରେ ଆମ ଘରେ ଗଣ୍ଡଗୋଳ ହୋଇଥିଲା ବୋଲି ଯେଉଁ ଅଭିଯୋଗ ହେଉଛି ତାହାକୁ ମିଛି । ୩୧ ତାରିଖ ରାତିରେ ନିକିତା ଓ ଲିପନ୍ ଗୋପାଳପୁର ସ୍ଥିତ ଘରକୁ ଆସିଥିଲେ । ସାଙ୍ଗରେ ପୁଅ ଅଂଶକୁ ମଧ୍ୟ ନେଇ ଆସିଥିଲେ । ଅଂଶକୁ ଦେଖି ଘରେ ସମସ୍ତେ ଖୁସି ଥିଲେ । ପରେ ହସଖୁସିରେ ନିକିତା ଓ ଲିପନ୍ ଘରକୁ ଫେରିଥିଲେ । ଏହି ସମୟରେ ଘରେ ରେକର୍ଡିଂ ହୋଇଥିବା ଏକ ଭିଡ଼ିଓକୁ ମଧ୍ୟ ସୋନମ ଆଜି ଗଣମାଧ୍ୟମକୁ ଦେଖାଇଛନ୍ତି । ଯେଉଁଥିରେ ସବୁ କିଛି ଠିକ୍ଠାକ୍ ଥିଲା ଭଳି ଲାଗୁଛି । ସେହିପରି ୪ ତାରିଖ ରାତି ବିଷୟରେ ସୋନମଙ୍କ କହିବାକଥା, ସେଦିନ ଲିପନ୍ ମହାନଦୀ ବିହାର ଘର ଅର୍ଥାତ୍ ନିକିତାଙ୍କ ଘରକୁ ଯିବା ପରେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏହି ସମୟରେ ପାଖରେ ନିକିତାଙ୍କ ବାପା ଓ ଭାଇ ଉପସ୍ଥିତ ଥିଲେ । ତେବେ ପାଟିତୁଣ୍ଡ ଅଧିକ ହେବାରୁ ନିକିତା ହଠାତ୍ ଛାତ ଉପରକୁ ଦୌଡ଼ିଥିଲେ । ଏହା ଦେଖି ପଛରେ ଲିପନ୍, ନିକିତାଙ୍କ ବାପା ଓ ଭାଇ ମଧ୍ୟ ଛାତକୁ ଯାଇଥିଲେ । ଛାତରେ ପହଞ୍ଚିବା ପରେ ମଧ୍ୟ ପାଟିତୁଣ୍ଡ ହୋଇଥିଲା । ଆଉ କିଛି ସମୟ ପରେ ନିକିତା ହଠାତ୍ ଛାତ ବାଡ଼ାରେ ଚଢ଼ି ତଳକୁ ଡେଇଁବାକୁ ଉଦ୍ୟମ କଲେ । ସେ ଛାତ ଉପରୁ ଏକ ପ୍ରକାର ଝୁଲିବା ଅବସ୍ଥା ରହିବା ବେଳେ ଲିପନ୍ ଓ ନିକିତାଙ୍କ ବାପା ଉଦ୍ଧାର କରିବା ପାଇଁ ଉଦ୍ୟମ କଲେ । ହେଲେ ନିକିତା ତଳକୁ ଗଳିପଡ଼ିଲେ । ପରେ ସମସ୍ତେ ତଳକୁ ଯାଇ ନିକିତାଙ୍କୁ ହସ୍ପିଟାଲ୍ ନେଇଗଲେ । ରାତି ପ୍ରାୟ ସାଢ଼େ ୧୧ଟା ସୁଦ୍ଧା ଏହି ଖବର ଆମ ଘରଲୋକ ପାଇଥିଲେ । ବିଷୟଟି ଶୁଣି ମୋ ବାପା ଓ ତାଙ୍କର ଜଣେ ସମ୍ପର୍କୀୟ ମଧ୍ୟ ସିଡିଏ ସ୍ଥିତ ହସ୍ପିଟାଲ୍କୁ ଯାଇଥିଲେ । ସେଠାରେ ନିକିତାଙ୍କ ବାପା ମୋ ବାପାଙ୍କୁ ସବୁ ବିଷୟ ଜଣାଇବା ସହିତ ଧୈର୍ଯ୍ୟ ଧରିବାକୁ କହିଥିଲେ । ଲିପନ୍ ଦୋଷୀ ନୁହନ୍ତି ବରଂ ଏହା ଏକ ଅଘଟଣ ବୋଲି ନିକିତାଙ୍କ ପରିବାର ଲୋକ ଜାଣି ସୁଦ୍ଧା ଆମ ଘର ଉପରେ ରାଗ ସୁଝାଇବା ପାଇଁ ଥାନାରେ ଏଭଳି ଏତଲା ଦେଇଥିବା ସୋନମ୍ କହିଛନ୍ତି । ଆମ ପରିବାର ଆଇନ ଉପରେ ବିଶ୍ୱାସ ରଖିଛି । ମୋ ଭାଇ ଲିପନ୍କୁ ନିଶ୍ଚିନ୍ତ ନ୍ୟାୟ ମିଳିବ ବୋଲି ସୋନମ୍ ଆଶା ରଖିଥିବା ଜଣାଇଛନ୍ତି । ତେବେ ସୋନମ୍ ଆଜି ଗଣମାଧ୍ୟମ ଆଗରେ ଏଭଳି ବୟାନ ରଖିବା ପରେ ଚର୍ଚ୍ଚା ସୃଷ୍ଟି ହୋଇଛି ।

ସମ୍ବନ୍ଧିତ ଖବର