PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ଏମ୍‌ସରେ ଅତ୍ୟାଧୁନିକ ବର୍ଣ୍ଣ ୟୁନିଟ୍‌ର ଭିତ୍ତିପ୍ରସ୍ତର

ଭୁବନେଶ୍ୱର,୧୨ ।୩(ବ୍ୟୁରୋ): ଏମ୍‌ସରେ ଖୋଲିବ ଅତ୍ୟାଧୁନିକ ଜଳାପୋଡ଼ା (ବର୍ଣ୍ଣ) ୟୁନିଟ୍‌ । ଖାଲି ଓଡ଼ିଶା ନୁହେଁ, ପୂରା ପୂର୍ବ ଭାରତର ସବୁଠୁ ଅତ୍ୟାଧୁନିକ ହେବ ଏହି ୟୁନିଟ୍‌ । ଏହି ଅତ୍ୟାଧୁନିକ ୟୁନିଟ୍‌ ପାଇଁ ଆଜି ଭିତ୍ତିପ୍ରସ୍ତର ପଡ଼ିଛି । ଏମ୍‌ସର ନିର୍ଦ୍ଦେଶକ ପ୍ରଫେସର ଗିତାଞ୍ଜଳୀ ବାତ୍‌ମାନବାନେ ଆଜି ଏହାର ଶୁଭ ଦେଇଛନ୍ତି ।
ଅତ୍ୟାଧୁନିକ ୟୁନିଟ୍‌ର ନିର୍ମାଣ ଦାୟିତ୍ୱ ଏନ୍‌ଟିପିସି (ନ୍ୟାସନାଲ ଥର୍ମାଲ ପାୱାର କର୍ପୋରେସନ୍‌) ନେଇଛି । ଏନ୍‌ଟିପିସି ନିଜର କର୍ପୋରେଟ ସାମଜିକ ଦାୟିତ୍ୱବୋଧ ପାଣ୍ଠି (ସିଏସ୍‌ଆର)ରୁ ଏହି ଟଙ୍କା ଦେବ । ଏ ନେଇ ପୂର୍ବରୁ ବୁଝାମଣାପତ୍ର (ଏମ୍‌ଓୟୁ) ସ୍ୱାକ୍ଷର ହୋଇସାରିଛି । ବର୍ନ ୟୁନିଟ୍‌ ପାଇଁ ୧୪ କୋଟି ୮୭ ଲକ୍ଷ ଟଙ୍କା ଖର୍ଚ୍ଚ କରିବ ଏନ୍‌ଟିପିସି । ୟୁନିଟ୍‌ରେ ୫୦ ଟି ବେଡ୍‌ ରହିବ । ଯେଉଁଥିରେ ୬ ଟି ଆଇସିୟୁର ବେଡ୍‌ ମଧ୍ୟ ରହିବ । ଏଥିରେ ସ୍ୱତନ୍ତ୍ର ଓଟି (ଅପରେସନ ଥିଏଟର) ରହିବ । ଏହାବାଦ୍‌ ହ୍ୱିରପୁଲର ଜେଟ୍‌ ବାଥିଂ ସିଷ୍ଟମ ମଧ୍ୟ ରହିବ । ୟୁନିଟ୍‌ରେ ୨୪ ଘଣ୍ଟିଆ ସେବା ମିଳିବାକୁ ଥିବା ବେଳେ ଚର୍ମ ସଂରକ୍ଷଣ କରିବାକୁ ସ୍କିନ୍‌ (ଚର୍ମ) ବ୍ୟାଙ୍କ ତିଆରି ହେବ । ଯେଉଁଠି ଲୋକମାନେ ଚର୍ମଦାନ କରି ପାରିବେ । ଏହି ଚର୍ମକୁ ଅନ୍ୟ ରୋଗୀଙ୍କ ଦେହରେ ପ୍ରତିରୋପଣ କରାଯାଇପାରିବ । ତେବେ ୟୁନିଟ୍‌ ପାଇଁ କେବଳ ବିଲ୍ଡିଂ ଯୋଗାଇ ଦେବ ଏମ୍‌ସ । ୟୁନିଟ୍‌ ପ୍ଲାଷ୍ଟିକ ସର୍ଜରୀ ବିଭାଗ ଅଧୀନରେ କାମ କରିବ । ରୋଗୀ ଚିକିତ୍ସାର ସମସ୍ତ ଦାୟିତ୍ୱ ପ୍ଲାଷ୍ଟିକ ସର୍ଜରୀ ବିଭାଗ ବହନ କରିବ ।
ନୂଆ ୟୁନିଟ୍‌ ଖୋଲିଲେ ପୂର୍ବ ଭାରତର ସବୁଠୁ ଅତ୍ୟାଧୁନିକ ସର୍ବୋକୃଷ୍ଟ କେନ୍ଦ୍ର ଭାବେ ଖ୍ୟାତି ଆଣିବ ବୋଲି ନିର୍ଦ୍ଦେଶକ ପ୍ରଫେସର ବାତମାନବାନେ ଆଶାବ୍ୟକ୍ତ କରିଛନ୍ତି । ଉପରାଷ୍ଟ୍ରପତି ଗତ ବର୍ଷ ଅଗଷ୍ଟ ୧୬ ତାରିଖରେ ଆସିଥିବା ବେଳେ ୟୁନିଟ୍‌ ପାଇଁ ଶିଳାନ୍ୟାସ କରିଥିଲେ । ଆଜିର ଭିତ୍ତି ପ୍ରସ୍ତର କାର୍ଯ୍ୟକ୍ରମରେ ଏମ୍‌ସର ଅଧୀକ୍ଷକ ପ୍ରଫେସର ସଚ୍ଚିଦାନନ୍ଦ ମହାନ୍ତି, ବର୍ଣ୍ଣ ଓ ପ୍ଲାଷ୍ଟିକ ସର୍ଜରୀ ବିଭାଗର ସଞ୍ଜୟ ଗିରି, ଏନ୍‌ଟିପିସିର ଜିଏମ୍‌ (ଓଏସ୍‌)ବି ବି ତ୍ରିପାଠୀ ଏଥିରେ ସାମିଲ ହୋଇଥିଲେ ।